Nisibis · Chapter 67
Ephrem Nisibis
18 verses
1
ܪܽܘܚܳܐ ܒܕܰܘܺܝܕ ܐܶܡܪܰܬ ܗ̱ܘܳܬ ܕܶܐܦܪܽܘܥ ܐܶܢܽܘܢ ܥܰܒܕ̈ܰܝܗܽܘܢ ܠܡܽܘܫܶܐ ܘܠܰܐܗܪܽܘܢ ܘܠܰܫܡܽܘܐܶܝܠ ܠܶܐ ܐܶܡܪܰܬ ܕܦܶܪܥܰܬ ܐܶܢܽܘܢ ܀܀܀ ܐܶܠܳܐ ܗܳܝ ܕܶܐܦܪܽܘܥ ܐܶܢܽܘܢ ܒܪܺܝܟ ܗ̱ܽܘ ܕܰܒܩܰܠܺܝܠ ܐܶܕܢܰܚ ܬܶܫܒܽܘܚܬܳܐ ܕܢܽܘܚܳܡܰܝ̈ܗܽܘܢ ܨܳܪ ܗ̱ܘܳܐ ܐ̱ܪܳܙܳܐ ܕܚܰܝܰܬ ܡܺܝ̈ܬܶܐ
myth' dkhyth 'rz' hw' tsr dnwkhmyhwn thshbwkhth' 'dnkh dbqlyl hw bryk 'nwn d'prwe hy 'l' 'nwn dpreth 'mrth l' wlshmw'yl wl'hrwn lmwsh' ebdyhwn 'nwn d'prwe hwth 'mrth bdwyd rwkh'
2
ܢܽܘܚ ܘܺܐܝܽܘܒ ܘܕܳܢܺܝܐܶܝܠ ܚܰܘܺܝ ܢܒܺܝܳܐ ܕܚܰܝ̈ܺܝܢ ܐܶܢܽܘܢ ܐܶܢ ܡܶܣܬܰܟܰܠ ܫܳܡܽܘܥܳܐ ܐܶܢ ܙܰܕܺܝ̈ܩܶܐ ܐܺܝܬܰܝܗܽܘܢ ܘܢܰܦܫ̈ܳܬܗܽܘܢ ܡܨܶܝܢ ܕܰܢܦܰܨܽܘܢ ܐܳܦ ܡܶܢ ܡܰܘܬܳܐ ܡܶܬܦܰܪܩܺܝܢ ܘܡܶܢܳܗ̇ ܕܰܫܝܽܘܠ ܡܶܬܦܰܨܶܝܢ
mthptsyn dshywl wmnh mthprqyn mwth' mn 'p dnptswn mtsyn wnpshthhwn 'ythyhwn zdyq' 'n shmwe' msthkl 'n 'nwn dkhyyn nby' khwy wdny'yl w'ywb nwkh
3
ܡܳܢܳܐ ܓܶܝܪ ܬܰܘܬܰܪ ܐܶܢܽܘܢ ܙܰܕܺܝܩܽܘܬܗܽܘܢ ܠܰܪ̈ܕܺܝܦܶܐ ܐܶܢܗܽܘ ܕܡܺܝ̈ܬܶܐ ܠܳܐ ܚܳܐܶܝܢ ܕܣܰܟܠܳܐ ܗ̱ܝ ܗܳܕܶܐ ܕܢܶܬܩܰܛܠܽܘܢ ܚܠܳܦ ܐܰܠܳܗܳܐ ܕܠܳܐ ܡܰܚܶܐ ܘܰܕܛܳܠܶܡ ܟܺܐܢܳܐ ܚܽܘܒ̈ܠܰܝܗܽܘܢ ܘܰܗܘܰܘ ܒܰܫܝܽܘܠ ܐܰܝܟ ܟܽܠ ܐ̱ܢܳܫ
'nsh kl 'yk bshywl whww khwblyhwn k'n' wdTlm mkh' dl' 'lh' khlp dnthqTlwn hd' hy dskl' kh'yn l' dmyth' 'nhw lrdyp' zdyqwthhwn 'nwn thwthr gyr mn'
4
ܐܶܢ ܢܩܽܘܡ ܡܽܘܫܶܐ ܘܰܫܡܽܘܐܶܝܠ ܒܗܳܕܶܐ ܚܰܘܺܝ ܕܚܰܝ̈ܺܝܢ ܐܶܢܽܘܢ ܐܰܝܟ ܣܽܘܟܳܠܶܗ ܕܩܶܪܝܳܢܳܐ ܘܡܳܢܳܐ ܠܳܐܶܐ ܒܚ̈ܰܛܳܝܶܐ ܐܶܢ ܙܰܕܺܝ̈ܩܶܐ ܠܳܐ ܚܰܝܺܝܢ ܘܡܳܢܳܐ ܠܳܐܶܐ ܒܰܣܪ̈ܺܝܚܶܐ ܐܶܢ ܢܰܟܦܳܐ ܠܳܐ ܡܶܬܢܰܚܰܡ
mthnkhm l' nkp' 'n bsrykh' l'' wmn' khyyn l' zdyq' 'n bkhTy' l'' wmn' dqryn' swklh 'yk 'nwn dkhyyn khwy bhd' wshmw'yl mwsh' nqwm 'n
5
ܚܢܽܘܟ ܚܝܳܐ ܡܶܛܽܠ ܐܳܕܳܡ ܕܠܳܐ ܢܶܦܣܽܘܩ ܣܰܒܪܶܗ ܕܫܰܡܰܥ ܕܡܶܢ ܥܰܦܪܳܐ ܐܰܢ̱ܬ ܘܠܶܗ ܬܶܗܦܽܘܟ ܘܕܰܢܚܰܘܶܐ ܕܰܡܨܶܐ ܗܽܘ ܦܰܓܪܳܐ ܕܢܺܚܶܐ ܠܥܳܠܰܡ ܥܰܡ ܢܰܦܫܳܐ ܒܪܺܝܟ ܗ̱ܽܘ ܕܒܰܚܢܽܘܟ ܐܰܣܓܺܝ ܠܶܗ ܒܽܘܝܳܐܳܐ ܠܰܐܒܽܘܢ ܐܳܕܳܡ
'dm l'bwn bwy'' lh 'sgy dbkhnwk hw bryk npsh' em lelm dnkh' pgr' hw dmts' wdnkhw' thhpwk wlh 'nth epr' dmn dshme sbrh npswq dl' 'dm mTl khy' khnwk
6
ܠܶܐܠܺܝܳܐ ܦܪܰܥ ܒܰܫܡܰܝܳܐ ܕܠܳܐ ܢܣܰܒܰܪ ܥܰܡܳܐ ܝܰܥܢܳܐ ܕܒܰܐܪܥܰܐ ܗ̱ܘ ܒܰܠܚܽܘܕ ܦܽܘܪܥܳܢܳܐ ܠܶܐܪܰܡܝܳܐ ܒܓܽܘܒܳܐ ܛܰܠܡܶܗ ܕܢܶܪܢܽܘܢ ܕܰܐܝܟܳܐ ܦܳܪܰܥ ܠܶܗ ܕܰܘܶܕ ܐܶܢܽܘܢ ܕܰܢܩܽܘܡܽܘܢ ܥܰܠ ܦܽܘܪܥܳܢܳܐ ܫܰܪܺܝܪܳܐ
shryr' pwren' el dnqwmwn 'nwn dwd lh pre d'yk' dnrnwn Tlmh bgwb' l'rmy' pwren' blkhwd hw db're' yen' em' nsbr dl' bshmy' pre l'ly'
7
ܐܶܢ ܢܽܘܚܳܡܳܐ ܠܳܐ ܗܳܘܶܐ ܕܡܶܗ ܕܗܳܒܶܝܠ ܡܳܢܳܐ ܐܰܘܬܰܪ ܕܥܰܠ ܩܳܛܽܘܠܶܗ ܓܳܥܶܐ ܗ̱ܘܳܐ ܩܽܘܪܒܳܢܳܐ ܕܩܰܪܶܒ ܩܰܛܠܶܗ ܕܰܬܫܰܥܡܳܐܐ ܫܢܺܝ̈ܢ ܚܳܝܶܐ ܗ̱ܘܳܐ ܐܶܢ ܚ̈ܰܝܶܐ ܚ̈ܕܰܬܳܐ ܠܳܐ ܐܺܝܬ ܠܡܳܢܳܐ ܐܰܘܒܶܕ ܩܰܪ̈ܺܝܒܶܐ
qryb' 'wbd lmn' 'yth l' khdth' khy' 'n hw' khy' shnyn dthshem'' qTlh dqrb qwrbn' hw' ge' qTwlh del 'wthr mn' dhbyl dmh hw' l' nwkhm' 'n
8
ܠܡܰܘܬܳܐ ܝܰܥܢܳܐ ܠܳܐ ܝܰܗ̱ܒ ܠܶܗ ܡܺܝܬܳܐ ܚܰܛܳܝܳܐ ܠܽܘܩܕܰܡ ܕܠܳܐ ܢܟܽܘܡ ܥܠܰܘܗ̱ܝ ܟܺܐܢܳܐܺܝܬ ܒܰܠܥܶܗ ܠܟܺܐܢܳܐ ܫܳܪܽܘܝܳܐ ܕܢܶܓܥܰܡ ܒܶܗ ܢܽܘܚܳܡܳܐ ܕܡܳܐ ܕܕܳܐܶܠ ܟܺܐܢܳܐ ܩܰܕܡܳܐ ܡܰܘܬܳܐ ܡܶܢ ܟܽܠ ܢܶܣܬܰܦܰܩ
nsthpq kl mn mwth' qdm' k'n' dd'l dm' nwkhm' bh dngem shrwy' lk'n' bleh k'n'yth elwhy nkwm dl' lwqdm khTy' myth' lh yhb l' yen' lmwth'
9
ܒܪܺܝܟ ܗ̱ܽܘ ܕܝܰܗ̱ܒ ܠܳܗ̇ ܠܰܐܬܳܢܳܐ ܡܶܠܬܳܐ ܓܠܺܝܬܳܐ ܐܰܝܟ ܙܶܩܬܳܐ ܕܬܶܡܚܶܐ ܠܡܳܪܳܗ̇ ܥܰܠ ܕܰܡܚܳܗ̇ ܀܀܀ ܟܽܘܕܰܢܝܳܐ ܣܰܟܠܳܐ ܕܰܚܙܳܐ ܟܰܪܝܳܐ ܕܟܶܣܦܳܐ ܘܶܐܫܬܺܝܚܳܢ ܠܳܐ ܢܶܬܕܰܡܶܐ ܠܰܒܥܺܝܪܳܐ ܘܢܶܦܣܽܘܩ ܣܰܒܪܳܐ ܕܢܽܘܚܳܡܰܢ
dnwkhmn sbr' wnpswq lbeyr' nthdm' l' w'shthykhn dksp' kry' dkhz' skl' kwdny' dmkhh el lmrh dthmkh' zqth' 'yk glyth' mlth' l'thn' lh dyhb hw bryk
10
ܐܰܚ̈ܶܐ ܫܰܒܥܳܐ ܕܶܐܬܢܰܟܰܣܘ̱ ܐܰܝܟ ܐܶܡܪ̈ܶܐ ܒܶܝܬ ܛܰܒ̈ܳܚܶܐ ܐܰܝܟܳܐ ܢܶܒܥܽܘܢ ܚܰܝ̈ܰܝܗܽܘܢ ܥܰܠ ܐܰܝܕܳܐ ܬܰܢܘܰܝ ܐܰܣܠܺܝܘ ܐܳܦ ܕܳܫ̈ܢܶܐ ܐܳܦ ܫܽܘ̈ܘܕܳܝܶܐ ܒܪܺܝܟ ܕܒܰܪܬܳܐ ܝܳܗܶܒ ܠܳܗ̇ ܠܰܫܡܽܘܢܺܝ ܟܠܺܝܠܳܐ ܕܰܒܢܶܝ̈ܗ̇
dbnyh klyl' lshmwny lh yhb dbrth' bryk shwwdy' 'p dshn' 'p 'slyw thnwy 'yd' el khyyhwn nbewn 'yk' Tbkh' byth 'mr' 'yk d'thnksw shbe' 'kh'
11
ܐܶܢ ܢܒܰܝܰܐ ܣܳܒܳܐ ܗܰܝܡܶܢ ܕܒܶܝܬ ܓܰܪ̈ܡܶܐ ܠܓܰܪ̈ܡܶܐ ܦܳܪܶܫ ܝܽܘܫܺܝܳܐ ܐܰܝܟ ܕܰܝܳܢܳܐ ܗܳܐ ܐ̱ܪܙܳܐ ܪܰܒܳܐ ܐܰܚ̈ܰܝ ܕܳܐܬܶܐ ܡܳܪܰܢ ܘܰܡܢܰܚܶܡ ܘܰܡܦܰܪܶܫ ܣܽܘܥܪ̈ܳܢܰܝܗܽܘܢ ܕܥܰܢܺܝ̈ܕܶܐ ܥܰܡ ܓܰܪ̈ܡܰܝܗܽܘܢ
grmyhwn em denyd' swernyhwn wmprsh wmnkhm mrn d'th' 'khy rb' 'rz' h' dyn' 'yk ywshy' prsh lgrm' grm' dbyth hymn sb' nby' 'n
12
ܐܶܢ ܢܽܘܚܳܡܳܐ ܠܳܐ ܗܳܘܶܐ ܡܳܢܳܐ ܐܰܘܬܰܪ ܝܽܘܫܺܝܳܐ ܕܝܰܩܰܪ ܓܰܪ̈ܡܰܘܗ̱ܝ ܕܰܢܒܺܝܳܐ ܬܰܒܪܶܗ ܐܰܪܝܳܐ ܟܰܕ ܡܰܪܓܶܫ ܘܶܐܬܝܰܩܰܪ ܟܰܕ ܠܳܐ ܡܰܪܓܶܫ ܓܰܪ̈ܡܶܐ ܢܛܺܝܪ̈ܶܐ ܕܰܢܒܺܝܳܐ ܒܐ̱ܪܳܙ ܐܰܟܪܶܙܘ̱ ܥܰܠ ܢܽܘܚܳܡܳܐ
nwkhm' el 'krzw b'rz dnby' nTyr' grm' mrgsh l' kd w'thyqr mrgsh kd 'ry' thbrh dnby' grmwhy dyqr ywshy' 'wthr mn' hw' l' nwkhm' 'n
13
ܐܰܪܝܳܐ ܕܩܰܛܠܶܗ ܗ̱ܘܳܐ ܠܰܢܒܺܝܳܐ ܠܳܐ ܩܰܛܠܳܗ̇ ܗ̱ܘܳܐ ܠܰܐܬܳܢܳܐ ܕܠܰܘ ܦܽܘܩܕܳܢܳܐ ܫܛܳܬ ܗ̱ܘܳܬ ܒܗܳܝ ܐܰܬܳܢܳܐ ܕܶܐܬܢܰܛܪܰܬ ܀܀܀ ܬܺܐܠܰܦ ܚܰܘܳܐ ܕܶܐܬܩܰܛܠܰܬ ܕܦܽܘܩܕܳܢܳܐ ܕܫܳܛܰܬ ܩܰܛܠܳܗ̇ ܠܳܐ ܓܶܝܪ ܥܽܘܠ ܕܰܝܳܢܳܐ
dyn' ewl gyr l' qTlh dshTth dpwqdn' d'thqTlth khw' th'lp d'thnTrth 'thn' bhy hwth shTth pwqdn' dlw l'thn' hw' qTlh l' lnby' hw' dqTlh 'ry'
14
ܗܰܘ ܕܰܐܦܶܣ ܠܰܐܪܝܳܐ ܝܰܥܢܳܐ ܘܬܰܒܪܶܗ ܠܰܢܒܺܝܳܐ ܟܰܦܢܳܐ ܕܒܡܟܽܘܠܬܳܐ ܐܶܫܬܕܶܠ ܦܩܰܕ ܠܶܗ ܠܡܰܘܬܳܐ ܕܶܐܬܟܦܶܢ ܘܒܰܠܥܶܗ ܠܳܐܕܳܡ ܕܐܶܬܝܰܥܰܢ ܡܰܘܬܳܐ ܘܰܐܪܝܳܐ ܡܶܬܒܰܛܰܠ ܢܒܺܝܳܐ ܘܳܐܕܳܡ ܡܶܬܢܰܚܰܡ
mthnkhm w'dm nby' mthbTl w'ry' mwth' d'thyen l'dm wbleh d'thkpn lmwth' lh pqd 'shthdl dbmkwlth' kpn' lnby' wthbrh yen' l'ry' d'ps hw
15
ܘܶܐܢ ܗܰܘ ܚܰܪܫܳܐ ܕܠܳܐ ܐܶܕ̈ܢܶܐ ܡܰܕܒܚܳܐ ܕܰܥܒܰܕ ܝܽܘܪܒܳܥܳܡ ܫܡܰܥ ܗ̱ܘܳܐ ܩܳܠܶܗ ܕܰܢܒܺܝܳܐ ܨܪܳܐ ܥܽܘܒܶܗ ܘܶܐܫܰܕ ܩܰܛܡܳܐ ܒܐ̱ܪܳܙܶܗ ܩܰܒܪ̈ܶܐ ܡܶܨܛܰܪ̈ܝܳܢ ܕܶܐܢ ܟܺܐܦ̈ܶܐ ܫܡܰܥ ܠܰܢܒܺܝܳܐ ܫܳܡܥܺܝܢ ܠܶܗ ܓܰܪ̈ܡܶܐ ܠܰܒܪܳܐ
lbr' grm' lh shmeyn lnby' shme k'p' d'n mtsTryn qbr' b'rzh qTm' w'shd ewbh tsr' dnby' qlh hw' shme ywrbem debd mdbkh' 'dn' dl' khrsh' hw w'n
16
ܗܳܐ ܐ̱ܪܳܙܳܐ ܒܢܽܘܢܳܐ ܐܰܚ̈ܰܝ ܕܚܰܝ ܗ̱ܘܳܐ ܝܰܘܢܳܢ ܠܰܐܠܳܗܳܐ ܟܰܕ ܡܺܝܬ ܗ̱ܘܳܐ ܠܰܒ̈ܢܰܝ ܐ̱ܢܳܫܳܐ ܐܳܦ ܡ̈ܺܝܬܶܐ ܠܰܢ ܡܳܝܬܺܝܢ ܐܶܢܽܘܢ ܟܰܕ ܚܰܝܺܝܢ ܠܰܐܠܳܗܽܘܬܳܐ ܘܚܰܒܺܝܒܰܢ ܕܰܥܡܰܕ ܒܰܫܝܽܘܠ ܐܰܝܟ ܝܰܘܢܳܢ ܢܒܰܓ ܡܶܢܳܗ̇
mnh nbg ywnn 'yk bshywl demd wkhbybn l'lhwth' khyyn kd 'nwn mythyn ln myth' 'p 'nsh' lbny hw' myth kd l'lh' ywnn hw' dkhy 'khy bnwn' 'rz' h'
17
ܢܦܰܠ ܚܰܝܳܐ ܒܝܰܡܳܐ ܡܺܝܬܳܐ ܘܡܰܠܳܠܳܐ ܒܓܽܘܒܳܐ ܚܬܺܝܡܳܐ ܘܰܦܟܺܝܪ̈ܶܐ ܒܢܽܘܪܳܐ ܫܪܺܝܬܳܐ ܝܰܡܳܐ ܘܓܽܘܒܳܐ ܘܰܐܬܽܘܢܳܐ ܥܶܪ̈ܒܶܐ ܠܡ̈ܺܝܬܶܐ ܗܳܘܶܝܢ ܕܗܳܟܰܢ ܥܳܢܶܝܢ ܡܶܢ ܟܽܠ ܕܽܘܟ ܡܳܐ ܕܩܳܪܶܐ ܠܰܢ ܢܽܘܚܳܡܳܐ
nwkhm' ln dqr' m' dwk kl mn enyn dhkn hwyn lmyth' erb' w'thwn' wgwb' ym' shryth' bnwr' wpkyr' khthym' bgwb' wmll' myth' bym' khy' npl
18
ܒܰܝܰܐܢ ܓܽܘܒܶܗ ܕܰܪܓܺܝܓܳܐ ܕܰܚܠܳܦ ܚܰܕ ܡܰܘܬܳܐ ܝܰܥܢܳܐ ܦܽܘܡ̈ܶܐ ܟ̈ܰܦܢܶܐ ܐܶܬܟܰܪܟܽܘܗ̱ܝ ܐܶܬܦܰܬܰܚ ܓܽܘܒܳܐ ܐܰܝܟ ܩܰܒܪ̈ܶܐ ܘܚܳܒ ܚܰܝ̈ܘܳܬܳܐ ܐܰܝܟ ܡܰܘܬܳܐ ܘܰܣܠܶܩ ܐܰܟܪܶܙ ܢܰܨܺܝܚܳܐ ܚܰܝܰܬ ܡܺܝ̈ܬܶܐ ܠܰܩܒܺܝܪ̈ܶܐ
lqbyr' myth' khyth ntsykh' 'krz wslq mwth' 'yk khywth' wkhb qbr' 'yk gwb' 'thpthkh 'thkrkwhy kpn' pwm' yen' mwth' khd dkhlp drgyg' gwbh by'n