Nisibis · Chapter 57
Ephrem Nisibis
28 verses
1
ܒܒܽܘܝܳܢܳܐ ܠܡܰܘܬܳܐ ܢܶܫܡܰܥ ܐܳܘ ܚܰܒܺܝ̈ܒܰܝ ܕܰܡܩܰܛܪܶܓ ܠܰܢ ܥܰܠ ܒܟܝܳܢ ܘܥܰܠ ܝ̈ܺܠܠܳܬܰܢ ܘܶܐܫܟܰܚ ܗ̱ܘܳܐ ܠܳܐܕܳܡ ܘܳܐܦ ܒܶܗ ܠܝ̈ܰܠܕܰܘܗ̱ܝ ܕܳܐܕܳܡ
d'dm lyldwhy bh w'p l'dm hw' w'shkkh yllthn wel bkyn el ln dmqTrg khbyby 'w nshme lmwth' bbwyn'
2
ܘܰܒܙܶܕܩܳܐ ܐܰܟܒܰܪ ܐܶܡܰܪ ܕܰܩ̈ܛܺܝܠܰܝܟܽܘܢ ܕܠܳܐ ܪ̈ܰܚܡܶܐ ܘܗܳܐ ܕܶܡ̈ܥܰܝܟܽܘܢ ܐܰܝܟ ܪ̈ܰܚܡܳܢܶܐ
rkhmn' 'yk dmeykwn wh' rkhm' dl' dqTylykwn 'mr 'kbr wbzdq'
3
ܥܒܰܕܬܽܘܢܳܢܝ̱ ܐܰܝܟ ܣܳܪܽܘܚܳܐ ܐܳܘ ܩ̈ܳܛܽܘܠܶܐ ܩܳܛܠܺܝܢ ܐܰܢ̱ܬܽܘܢ ܓܶܝܪ ܠܰܚ̈ܕܳܕܶܐ ܡܶܢ ܒܶܠܥܳܕܝ̱
bledy mn lkhdd' gyr 'nthwn qTlyn qTwl' 'w srwkh' 'yk ebdthwnny
4
ܥܰܕ ܒܳܥܶܐ ܡܰܘܬܳܐ ܕܢܺܐܬܶܐ ܩܰܕܡܶܗ ܣܰܝܦܳܐ ܢܶܚܙܶܐ ܓܶܝܪ ܥܰܠ ܡܰܢ ܓܳܥܶܐ ܕܡܳܐ ܕܰܩ̈ܛܺܝܠܶܐ
dqTyl' dm' ge' mn el gyr nkhz' syp' qdmh dn'th' mwth' be' ed
5
ܥܠܰܝܟܽܘܢ ܓܳܥܶܝܢ ܚܢܺܝ̈ܩܶܐ ܕܰܐܠܺܝܨܺܝܢ ܗ̱ܘܰܘ ܢܶܟܦܶܬ ܠܺܝ ܓܶܝܪ ܒܰܚܒܳܠܳܐ ܕܚܽܘܢܩ̈ܰܝܗܽܘܢ
dkhwnqyhwn bkhbl' gyr ly nkpth hww d'lytsyn khnyq' geyn elykwn
6
ܥܰܠܝ̱ ܦܳܣܩܺܝܢ ܐܳܦ ܫܰܦܠܽܘܬܳܐ ܕܡܶܢ ܒܶܠܥܳܕܝ̱ ܚܢܺܝ̈ܩܶܐ ܘܰܩܛܺܝ̈ܠܶܐ ܐܰܝܟܰܢ ܥܰܠܘ̱ ܠܳܗ̇ ܠܰܫܝܽܘܠ
lshywl lh elw 'ykn wqTyl' khnyq' bledy dmn shplwth' 'p psqyn ely
7
ܥܰܘܠܰܝ̈ܟܽܘܢ ܗܳܐ ܡܶܫܬܕܶܝܢ ܐܰܝܟ ܕܰܒܡܶܨܪܶܝܢ ܒܢܰܝ̈ܟܽܘܢ ܠܫܺܐܕ̈ܶܐ ܕܰܒܰܚܬܽܘܢ ܐܳܘ ܫܺܐܕ̈ܳܢܶܐ ܀܀܀
sh'dn' 'w dbkhthwn lsh'd' bnykwn dbmtsryn 'yk mshthdyn h' ewlykwn
8
ܥܰܕ ܒܳܥܶܐ ܡܰܘܬܳܐ ܕܢܶܛܥܰܡ ܒܰܫ̈ܠܰܕܰܝܟܽܘܢ ܩܳܐܶܝܢ ܫܰܪܚܰܢܝ̱ ܩܰܕܡܳܐܺܝܬ ܒܰܕܡܳܐ ܕܐ̱ܢܳܫܳܐ
d'nsh' bdm' qdm'yth shrkhny q'yn bshldykwn dnTem mwth' be' ed
9
ܥܰܕ ܒܥܳܐ ܕܶܐܓܰܪ ܪܽܘܚܝ̱ ܕܰܢܡܽܘܬ ܐܳܕܳܡ ܩܕܳܡ ܫܽܘܠܛܳܢܝ̱ ܫܠܰܛܬܽܘܢܳܢܝ̱ ܥܰܠ ܦܰܓܪ̈ܰܝܟܽܘܢ
pgrykwn el shlTthwnny shwlTny qdm 'dm dnmwth rwkhy d'gr be' ed
10
ܥܰܩܪܶܗ ܩܳܐܶܝܢ ܒܣܰܝܦܶܗ ܠܬܰܪܥܳܗ̇ ܕܰܫܝܽܘܠ ܐܰܚܺܝܕ ܗ̱ܘܳܐ ܓܶܝܪ ܘܰܩܕܳܡ ܙܰܒܢܳܐ ܩܕܳܡ ܦܰܬܚܶܗ
pthkhh qdm zbn' wqdm gyr hw' 'khyd dshywl lthreh bsyph q'yn eqrh
11
ܥܡܰܠ ܕܪܺܝܫܳܗ̇ ܐܽܘܪܚܳܐ ܕܰܫܝܽܘܠ ܡܶܢ ܒܶܠܥܳܕܝ̱ ܒܽܐܘܪܚܳܐ ܓܶܝܪ ܕܰܕܪܰܫܬܽܘܢ ܠܺܝ ܗܳܐ ܪܳܕܶܐ ܐ̱ܢܳܐ
'n' rd' h' ly ddrshthwn gyr b'wrkh' bledy mn dshywl 'wrkh' dryshh eml
12
ܬܫܰܥܡܳܐܐ ܫ̈ܢܺܝܢ ܝܶܬܒܰܬ ܩܰܘܝܰܬ ܠܳܐܕܳܡ ܕܰܢܡܽܘܬ ܩܳܐܶܝܢ ܕܶܝܢ ܐܳܦ ܠܳܐ ܝܰܘܡܳܐ ܫܰܒܩܶܗ ܠܰܐܚܽܘܗ̱ܝ
l'khwhy shbqh ywm' l' 'p dyn q'yn dnmwth l'dm qwyth ythbth shnyn thshem''
13
ܓܰܝ̈ܳܣܶܐ ܒܓܰܘ ܐܽܘܪ̈ܚܳܬܳܐ ܒܺܝܫ̈ܺܝܢ ܐܶܢܽܘܢ ܡܶܢܝ̱ ܐܶܢܳܐ ܕܳܡܶܟ ܐ̱ܢܳܐ ܘܗܶܢܽܘܢ ܥܺܝܪܺܝܢ ܠܰܡܩܰܛܳܠܽܘ
lmqTlw eyryn whnwn 'n' dmk 'n' mny 'nwn byshyn 'wrkhth' bgw gys'
14
ܗܳܐ ܚܪ̈ܺܝܒܰܝܟܽܘܢ ܒܩܰܒܪ̈ܶܐ ܘܰܩܛܺܝ̈ܠܰܝܟܽܘܢ ܒܽܐܘܪ̈ܚܳܬܳܐ ܘܰܚܢܺܝ̈ܩܰܝܟܽܘܢ ܥܰܠ ܣܟܝ̈ܟܘܢ
skykwn el wkhnyqykwn b'wrkhth' wqTylykwn bqbr' khrybykwn h'
15
ܐܶܢ ܐܶܢܳܐ ܡܶܪܕܶܬ ܥܰܠ ܡܳܪܝ̱ ܠܰܡ ܘܩܰܛܠܬܶܗ ܡܰܢܽܘ ܩܳܛܶܠ ܐܶܢܽܘܢ ܠܗܳܠܶܝܢ ܐܳܡܰܪ ܝܰܗܽܘ
yhw 'mr lhlyn 'nwn qTl mnw wqTlthh lm mry el mrdth 'n' 'n
16
ܘܶܐܢ ܐܶܢܳܐ ܡܰܘܬܳܐ ܕܒܰܪ̣ܬ ܠܥܰܢܺܝ̈ܕܰܝܟܽܘܢ ܚܢܺܝ̈ܩܶܐ ܩ̈ܛܺܝܠܶܐ ܘܚܰܪ̈ܺܝܒܶܐ ܡܰܢܽܘ ܩܳܛܶܠ
qTl mnw wkhryb' qTyl' khnyq' lenydykwn dbrth mwth' 'n' w'n
17
܀܀܀ ܣܳܛܳܢܳܐ ܐܰܢ̱ܬܽܘܢ ܠܰܚܕ̈ܳܕܶܐ ܘܰܣܩܺܝܪ ܒܺܝܼܫܳܐ ܡܰܘܬܳܢܳܐ ܐܰܢ̱ܬܽܘܢ ܠܰܚܕ̈ܳܕܶܐ ܘܰܥܕܺܝܠ ܡܰܘܬܳܐ
mwth' wedyl lkhdd' 'nthwn mwthn' bysh' wsqyr lkhdd' 'nthwn sTn'
18
ܨܶܒܝܳܢܟܽܘܢ ܠܟܽܘܢ ܣܳܛܳܢܰܐ ܗ̱ܘ ܘܳܐܦ ܩܳܛܽܘܠܰܐ ܗ̱ܘ ܘܡܶܢ ܡܰܘܬܳܐ ܘܡܶܢ ܣܳܛܳܢܳܐ ܩܰܒܶܠ ܟܽܠ ܐ̱ܢܳܫ
'nsh kl qbl sTn' wmn mwth' wmn hw qTwl' w'p hw sTn' lkwn tsbynkwn
19
ܣܰܡܳܐ ܕܡܰܘܬܳܐ ܡܰܫܩܶܝܢ ܐܰܢ̱ܬܽܘܢ ܬܽܘܒ ܠܰܚܕ̈ܳܕܶܐ ܟܡܳܐ ܡ̈ܰܘܬܶܝܢ ܗܳܐ ܐܺܝܬ ܠܟܽܘܢ ܡܶܢ ܒܶܠܥܳܕܝ̱
bledy mn lkwn 'yth h' mwthyn km' lkhdd' thwb 'nthwn mshqyn dmwth' sm'
20
ܢܶܟ̈ܠܶܐ ܟܡܺܐܢ̈ܶܐ ܐܳܦ ܦ̈ܰܚܶܐ ܣܰܝܦܳܐ ܘܣܰܡܳܐ ܟܡܳܐ ܡܰܘ̈ܬܺܝܢ ܡܶܢܟܽܘܢ ܘܒܳܟܽܘܢ ܗܳܐ ܡܶܬܝܰܠܕܺܝܢ
mthyldyn h' wbkwn mnkwn mwthyn km' wsm' syp' pkh' 'p km'n' nkl'
21
ܕܰܝܳܢܳܐ ܒܓܰܘ ܒܶܝܬ ܕܺܝܢܳܐ ܡܰܘܬܰܐ ܗ̱ܘ ܕܰܬܪ̈ܶܝܢ ܗܰܘ ܩܳܛܶܠ ܒܰܐܓܪܳܐ ܟܰܣܝܳܐ ܘܶܐܢܳܐ ܡܰܓܳܢ
mgn w'n' ksy' b'gr' qTl hw dthryn hw mwth' dyn' byth bgw dyn'
22
ܚܙܺܝܬܶܗ ܠܫܽܘܚܕܳܐ ܘܬܶܗܪܶܬ ܒܶܗ ܕܰܪܗܶܛ ܩܕܳܡܰܢܝ̱ ܟܡܳܐ ܩ̈ܳܛܠܺܝܢ ܩܳܛܶܠ ܫܽܘܚܕܳܐ ܘܠܳܐ ܐ̱ܢܳܫ ܡܰܪܓܶܫ
mrgsh 'nsh wl' shwkhd' qTl qTlyn km' qdmny drhT bh wthhrth lshwkhd' khzythh
23
ܢܶܟܦܶܬ ܠܺܝ ܕܗܶܕܝܽܘܛܳܐܺܝܬ ܡܶܬܕܰܒܰܪ ܐ̱ܢܳܐ ܚܕܳܐ ܫܠܰܕܳܐ ܐܶܢ ܕܒܰܪ ܐܶܢܳܐ ܟܽܠ ܐ̱ܢܳܫ ܡܰܪܓܶܫ
mrgsh 'nsh kl 'n' dbr 'n shld' khd' 'n' mthdbr dhdywT'yth ly nkpth
24
ܒܒ̈ܳܬܶܐ ܒܶܟܝܳܐ ܘܰܒܫܽܘ̈ܩܶܐ ܐܳܦ ܡܰܪܩܽܘܕܬܳܐ ܥܕܰܡܳܐ ܕܥܰܠ ܬܰܪ̈ܥܶܝܗ̇ ܕܰܫܝܽܘܠ ܥܘܶܝܢ ܥܠܰܝ
ely ewyn dshywl threyh del edm' mrqwdth' 'p wbshwq' bky' bbth'
25
ܥܘܰܘ ܥܠܰܝܟܽܘܢ ܕܰܟܡܳܐ ܣܳܢܶܝܢ ܐܰܢ̱ܬܽܘܢ ܘܠܺܝ ܣܳܢܶܝܢ ܐܰܢ̱ܬܽܘܢ ܫܝܽܘܠ ܡܶܟܺܝܠ ܬܰܥܘܶܐ ܥܠܰܝܟܽܘܢ ܐܳܘ ܩ̈ܳܛܽܘܠܶܐ
qTwl' 'w elykwn thew' mkyl shywl 'nthwn snyn wly 'nthwn snyn dkm' elykwn eww
26
ܒܣܶܪܩܳܐ ܢܶܓܕܳܐ ܘܢܽܘܪܳܐ ܘܳܐܦ ܒܪܶܓܡܳܐ ܡܡܺܝܬܺܝܢ ܐܰܢ̱ܬܽܘܢ ܠܰܒܢܰܝ̈ܢܳܫܳܐ ܘܰܚܬܺܝܪܺܝܢ ܐܰܢ̱ܬܽܘܢ
'nthwn wkhthyryn lbnynsh' 'nthwn mmythyn brgm' w'p wnwr' ngd' bsrq'
27
ܢܳܟܶܦ ܐ̱ܢܳܐ ܡܶܢܟܽܘܢ ܐܳܦ ܪܳܚܡܳܢ ܐܳܦ ܡܝܰܩܰܪ ܒܺܐܝܩܳܪܳܐ ܓܶܝܪ ܕܒܰܪ ܐܶܢܳܐ ܠܥܰܢܺܝ̈ܕܰܝܟܽܘܢ
lenydykwn 'n' dbr gyr b'yqr' myqr 'p rkhmn 'p mnkwn 'n' nkp