Nisibis · Chapter 54
Ephrem Nisibis
24 verses
1
ܗܳܐ ܡܰܘܬܳܐ ܩܰܕܶܡ ܒܟܰܪ ܕܰܢܒܰܙܰܚ ܒܶܗ ܒܣܳܛܳܢܳܐ ܕܰܥܬܺܝܕ ܕܰܢܗܶܐ ܒܶܙܚܳܐ ܠܚܰܪܬܳܐ ܀܀܀ ܘܰܒܢܽܘܚܳܡܳܟ ܫܩܰܠܬ ܙܳܟܽܘܬܳܐ ܘܳܐܦ ܥܰܠ ܡܰܘܬܳܐ
mwth' el w'p zkwth' shqlth wbnwkhmk lkhrth' bzkh' dnh' dethyd bsTn' bh dnbzkh bkr qdm mwth' h'
2
ܘܰܚܠܳܦ ܡܳܪܰܢ ܐܶܡܰܪ ܗ̱ܘܳܐ ܟܰܕ ܠܳܐܶܛ ܠܶܗ ܠܗܰܘ ܕܰܗܘܳܐ ܥܶܠܰܬ ܨܰܥܪܶܗ ܘܰܙܩܺܝܦܽܘܬܶܗ
wzqypwthh tserh elth dhw' lhw lh l'T kd hw' 'mr mrn wkhlp
3
ܐ̱ܕܽܘܓܳܐ ܢܗܶܐ ܠܳܟ ܩܰܒܪܳܐ ܐܳܘ ܣܳܛܳܢܳܐ ܕܓܰܕܶܦܬ ܥܰܠ ܩܳܠܳܐ ܩܒܺܝܪܳܐ ܕܨܳܪܝ̱ ܩܰܒܪ̈ܶܐ
qbr' dtsry qbyr' ql' el dgdpth sTn' 'w qbr' lk nh' 'dwg'
4
ܠܡܳܪܝ̱ ܝܳܕܰܥ ܐ̱ܢܳܐ ܘܰܠܒܰܪ ܡܳܪܝ̱ ܐܳܘ ܣܳܛܳܢܳܐ ܟܶܦܪܶܬ ܒܡܳܪܳܟ ܘܙܰܩܶܦܬܳܝܗ̱ܝ ܠܒܰܪ ܡܳܪܳܟ
mrk lbr wzqpthyhy bmrk kprth sTn' 'w mry wlbr 'n' yde lmry
5
ܗܳܢܰܘ ܫܡܳܐ ܝܳܐܶܐ ܠܳܟ ܩܳܛܶܠ ܡܳܪܶܗ ܕܩܰܛܠܬܳܝܗ̱ܝ ܒܓܶܠܝܳܢܶܗ ܗܰܘ ܩܛܰܠ ܠܳܟ
lk qTl hw bglynh dqTlthyhy mrh qTl lk y'' shm' hnw
6
ܥܠܰܝܟ ܢܢܺܝܕ ܟܽܠܢܳܫ ܪܺܝܫܶܗ ܕܒܳܟ ܪ̈ܺܝܫܳܢܶܐ ܪ̈ܺܝܫܰܝܗܽܘܢ ܐܢܺܝܕܘ̱ ܥܰܠ ܗܰܘ ܡܳܪܳܐ ܕܚ̈ܰܝܶܐ
dkhy' mr' hw el 'nydw ryshyhwn ryshn' dbk ryshh klnsh nnyd elyk
7
ܩܰܢܝܳܐ ܪܥܺܝܥܳܐ ܬܚܶܝܬ ܪ̈ܶܓܠܶܐ ܕܟܺܐܢ̈ܶܐ ܬܶܗܘܶܐ ܕܒܳܟ ܐܰܘܚܶܕܘ̱ ܩܰܢܝܳܐ ܒܺܐܝܕܶܗ ܕܰܣܡܳܟ ܟܽܘܠܳܐ
kwl' dsmk b'ydh qny' 'wkhdw dbk thhw' dk'n' rgl' thkhyth reye' qny'
8
ܒܟܠܺܝܠ ܟܽܘܒ̈ܶܐ ܐܶܬܟܰܠܰܠ ܐܰܝܟ ܕܰܢܒܰܕܶܩ ܕܬܳܓܳܐ ܕܡܰܠܟܽܘܬܳܐ ܫܰܩܠܶܗ ܡܶܢ ܒܶܝܬ ܕܰܘܺܝܕ
dwyd byth mn shqlh dmlkwth' dthg' dnbdq 'yk 'thkll kwb' bklyl
9
ܒܰܟܠܺܝܠ ܟܽܘ̈ܒܶܐ ܐܶܬܟܰܠܰܠ ܡܰܠܟܳܐ ܕܡ̈ܰܠܟܶܐ ܘܰܕܨܰܥܪܽܘܗ̱ܝ ܫܰܩܠܶܗ ܬܳܓܳܐ ܡܶܢ ܡ̈ܰܠܟܰܝܗܽܘܢ
mlkyhwn mn thg' shqlh wdtserwhy dmlk' mlk' 'thkll kwb' bklyl
10
ܒܢܰܚ̈ܬܰܝ ܒܶܙܚܳܐ ܕܝܰܗ̱ܒܘ̱ ܠܶܗ ܒܗܽܘܢ ܒܰܙܰܚ ܗ̱ܘܳܐ ܕܫܰܩܠܶܗ ܠܰܠܒܽܘܫ ܬܶܫܒܽܘܚܬܳܐ ܕܟܽܘܡܪ̈ܶܐ ܘܡ̈ܰܠܟܶܐ ܀܀܀
wmlk' dkwmr' thshbwkhth' llbwsh dshqlh hw' bzkh bhwn lh dyhbw bzkh' bnkhthy
11
ܠܚܶܠܳܐ ܡܰܚܶܝܢ ܕܽܘܟܪܳܢܳܟ ܐܳܘ ܣܳܛܳܢܳܐ ܕܰܚܠܶܐ ܩܶܪܒܰܬ ܠܨܰܗܝܶܗ ܕܡܰܒܽܘܥ ܚ̈ܰܝܶܐ
khy' dmbwe ltshyh qrbth dkhl' sTn' 'w dwkrnk mkhyn lkhl'
12
ܐܺܝܕܳܐ ܥܠܰܝܟ ܢܪܺܝܡ ܟܽܠܢܳܫ ܕܐܺܝܕܳܐ ܚܺܝܠܰܬ ܕܰܡܚܳܬܶܗ ܠܗܰܘ ܕܒܺܐܝܕܶܗ ܩܳܡ ܒܶܪ̈ܝܳܬܳܐ
bryth' qm db'ydh lhw dmkhthh khylth d'yd' klnsh nrym elyk 'yd'
13
ܒܠܰܥ ܒܺܐܝܕܳܐ ܘܦܰܣܩܳܗ̇ ܠܺܐܝܕܳܐ ܡܶܢ ܩܰܝܳܦܳܐ ܐܺܝܕܳܐ ܕܟܳܗܢܽܘܬܳܐ ܦܶܣܩܰܬ ܕܰܦܣܰܩ ܡܶܫܚܳܐ
mshkh' dpsq psqth dkhnwth' 'yd' qyp' mn l'yd' wpsqh b'yd' ble
14
ܥܰܠ ܥܳܡܽܘܕܳܐ ܬܽܘܒ ܡܰܬܚܽܘܗ̱ܝ ܐܰܝܟ ܕܰܠܢ̱ܓܰܕܳܐ ܠܗܰܘ ܕܶܐܙܰܠ ܗ̱ܘܳܐ ܥܳܡܽܘܕܶܗ ܩܕܳܡ ܫܰܒ̈ܛܰܝܗܽܘܢ
shbTyhwn qdm emwdh hw' d'zl lhw dlngd' 'yk mthkhwhy thwb emwd' el
15
ܥܰܡܽܘܕܳܐ ܥܰܠ ܥܰܡܽܘܕܳܐ ܡܶܬܢܰܓܰܕ ܗ̱ܘܳܐ ܫܩܼܰܠ ܢܰܦܫܶܗ ܡܶܢ ܓܰܘ ܨܶܗܝܽܘܢ ܘܶܐܬܳܬ ܢܶܦܠܰܬ
nplth w'thth tshywn gw mn npshh shql hw' mthngd emwd' el emwd'
16
ܕܰܬܪ̈ܶܝܢ ܩܰܝ̈ܣܺܝܢ ܪܰܟܶܒܘ̱ ܠܶܗ ܐܰܝܟ ܠܰܨܠܺܝܒܳܐ ܬܒܰܪ ܐܶܢܽܘܢ ܠܰܬܪ̈ܶܝܢ ܚܽܘܛܪ̈ܺܝܢ ܢܳܛܽܘܪ̈ܰܝܗܽܘܢ
nTwryhwn khwTryn lthryn 'nwn thbr ltslyb' 'yk lh rkbw qysyn dthryn
17
ܪܰܟܶܒ ܚܰܙܩܺܝܐܶܝܠ ܩܰܝ̈ܣܶܐ ܬܪ̈ܶܝܢ ܒܰܐܘܝܽܘܬܳܐ ܒܰܬܪ̈ܶܝܢ ܩܰܝ̈ܣܺܝܢ ܕܰܨܠܺܝܒܳܐ ܒܰܛܶܠܘ̱ ܚܽܘܛܪ̈ܰܝܗܽܘܢ
khwTryhwn bTlw dtslyb' qysyn bthryn b'wywth' thryn qys' khzqy'yl rkb
18
ܬܪ̈ܶܝܢ ܩܰܝ̈ܣܺܝܢ ܒܐ̱ܪܳܙܳܐ ܕܓܶܦ̈ܶܐ ܠܥܰܡܳܐ ܛܰܥܢܽܘܗ̱ܝ ܬܪ̈ܶܝܢ ܚܽܘܛܪ̈ܰܘܗ̱ܝ ܗܳܐ ܐܶܬܬܰܒܰܪܘ̱ ܒܰܕܡܽܘܬ ܓܶܦܰܘ̈ܗ̱ܝ
gpwhy bdmwth 'ththbrw h' khwTrwhy thryn Tenwhy lem' dgp' b'rz' qysyn thryn
19
ܟܶܢܦܽܘ̈ܗ̱ܝ ܘܓܶܦܰܘ̈ܗ̱ܝ ܕܰܨܠܺܝܒܳܐ ܦܫܰܛ ܒܰܚܢܳܢܳܐ ܪܟܶܢܘ̱ ܐܶܒܪ̈ܰܘܗ̱ܝ ܘܰܛܥܶܢܘ̱ ܥܰܡ̈ܡܶܐ ܕܢܺܐܙܰܠ ܠܰܥܕܶܢ ܀܀܀
ledn dn'zl emm' wTenw 'brwhy rknw bkhnn' pshT dtslyb' wgpwhy knpwhy
20
ܕܰܐܚܝܳܢܰܐ ܗ̱ܘ ܕܰܐܝܠܶܝܢ ܚ̈ܰܝܶܐ ܘܨܶܝܕ ܒܰܪ ܛܽܘܗܡܶܗ ܡܰܘܒܶܠ ܪ̈ܰܚܡܰܘܗ̱ܝ ܕܥܰܠ ܣܰܘ̈ܟܰܘܗ̱ܝ ܦܺܐܪ̈ܰܘܗ̱ܝ ܢܶܪܥܽܘܢ
nrewn p'rwhy swkwhy del rkhmwhy mwbl Twhmh br wtsyd khy' d'ylyn hw d'khyn'
21
ܙܶܠܝ̱ ܐܶܠܺܝ ܘܒܶܟܝ̱ ܒܺܝܫܳܐ ܥܠܰܝ ܘܰܥܠܰܝܟܽܘܢ ܕܚܰܕ ܡܶܢܰܢ ܠܳܐ ܥܳܐܶܠ ܠܳܗ̇ ܠܰܓܢܰܬ ܚ̈ܰܝܶܐ
khy' lgnth lh e'l l' mnn dkhd welykwn ely bysh' wbky 'ly zly
22
ܗܳܫܳܐ ܕܰܐܘܕܺܝܬ ܐܳܘ ܡܰܘܬܳܐ ܬܳܐ ܐܺܡܰܪ ܠܳܟ ܕܗܳܢܳܐ ܟܽܠܶܗ ܬܽܘܪܓܳܡܳܐ ܠܺܝ ܒܰܛܠܳܢܰܐ ܗ̱ܘ
hw bTln' ly thwrgm' klh dhn' lk 'mr th' mwth' 'w d'wdyth hsh'
23
ܐܶܙܰܠ ܐܰܕܺܝܩ ܥܰܠ ܦܰܚ̈ܶܐ ܗܶܢܽܘܢ ܕܨܰܠܺܝܬ ܘܳܐܦ ܐܰܢ̱ܬ ܡܰܘܬܳܐ ܦܪܰܚ ܘܰܣܥܽܘܪ ܟܽܠ ܕܰܟܪ̈ܺܝܗܺܝܢ
dkryhyn kl wsewr prkh mwth' 'nth w'p dtslyth hnwn pkh' el 'dyq 'zl