Nisibis · Chapter 50
Ephrem Nisibis
22 verses
1
ܫܡܰܥܝ̱ ܚܺܐܪܽܘܬܳܐ ܡܰܨܽܘܬܳܐ ܕܰܬܪ̈ܶܝܢ ܥܰܒܕ̈ܺܝܢ ܟܰܕ ܒܰܚܕܳܕ̈ܶܐ ܡܶܬܟܰܣܣܺܝܢ ܕܰܡܚܺܝ̈ܠܶܐ ܐܶܢܽܘܢ ܘܰܒܡܺܝܬܽܘܬܳܟ ܐܶܬܢܰܚܰܡ ܘܰܦܢܳܐ ܠܰܥܕܶܢ
ledn wpn' 'thnkhm wbmythwthk 'nwn dmkhyl' mthkssyn bkhdd' kd ebdyn dthryn mtswth' kh'rwth' shmey
2
ܐܶܢ ܗܳܟܺܝܠ ܢܶܙܟܶܝܟܝ̱ ܒܺܝܫܳܐ ܪܰܒ ܟܽܘܐܳܪܳܐ ܡܰܘܬܳܐ ܟܢܳܬܶܗ ܡܰܟܶܣ ܠܶܗ ܕܰܡܚܺܝܠܳܐ ܗ̱ܘܳܐ
hw' dmkhyl' lh mks knthh mwth' kw'r' rb bysh' nzkyky hkyl 'n
3
ܘܶܐܢ ܬܽܘܒ ܡܰܘܬܳܐ ܡܬܰܚܶܒ ܠܶܟܝ̱ ܗܳܐ ܓܽܘܢܳܝܳܐ ܕܒܺܝܫܳܐ ܟܢܳܬܶܗ ܒܣܰܪ ܠܶܗ ܕܰܐܝܟ ܛܶܠܳܠܰܐ ܗ̱ܘ
hw Tll' d'yk lh bsr knthh dbysh' gwny' h' lky mthkhb mwth' thwb w'n
4
ܡܰܨܽܘܬܗܽܘܢ ܠܶܟܝ̱ ܡܰܚܙܺܝܬܳܐ ܗ̱ܝ ܕܒܳܗ̇ ܗ̱ܽܘ ܬܶܚܙܶܝܢ ܕܰܬܪ̈ܰܝܗܽܘܢ ܐܰܝܟ ܥܽܘܪܳܐ ܐܶܢܽܘܢ ܠܡܰܦܽܘܚܺܝܬܶܟܝ̱
lmpwkhythky 'nwn ewr' 'yk dthryhwn thkhzyn hw dbh hy mkhzyth' lky mtswthhwn
5
ܘܐܳܦ ܢܒܺܝ̈ܶܐ ܘܰܫܠܺܝ̈ܚܶܐ ܒܡܽܘܠܟܳܢܰܝ̈ܗܽܘܢ ܡܰܠܦܺܝܢ ܠܶܟܝ̱ ܕܰܐܝܟ ܗܰܒܳܒ̈ܶܐ ܒܕܶܢܚܶܟܝ̱ ܚܳܡܶܝܢ ܀܀܀
khmyn bdnkhky hbb' d'yk lky mlpyn bmwlknyhwn wshlykh' nby' w'p
6
ܐܰܢ̱ܬ ܗ̱ܽܘ ܡܰܘܬܳܐ ܕܣܳܢܶܝܢ ܠܳܟ ܚܰܝ̈ܶܐ ܘܡܺܝ̈ܬܶܐ ܠܟܽܠ ܪ̈ܽܘܟܳܒܺܝܢ ܫܳܪܶܐ ܐܰܢ̱ܬ ܘܰܡܚܰܒܶܠ ܐܰܢ̱ܬ
'nth wmkhbl 'nth shr' rwkbyn lkl wmyth' khy' lk dsnyn mwth' hw 'nth
7
ܠܰܘ ܡܰܘܬܳܐ ܓܰܠܝܳܐ ܩܳܛܶܠ ܐܰܘ ܣܳܛܳܢܳܐ ܡܰܘܬܳܟ ܗ̱ܽܘ ܟܰܣܝܳܐ ܩܳܛܶܠ ܠܰܒܢܰܝ̈ ܐ̱ܢܳܫܳܐ
'nsh' lbny qTl ksy' hw mwthk sTn' 'w qTl gly' mwth' lw
8
ܠܳܐ ܗܳܐ ܣܢܶܐ ܫܶܡܝ̱ ܐܰܝܟ ܕܺܝܠܳܟ ܕܰܒܣܳܛܳܢܰܐ ܗ̱ܘ ܡܰܠܰܐܟܳܐ ܐܰܡܬܶܠ ܢܰܦܫܶܗ ܒܽܐܘܪܚܳܐ ܠܒܶܠܥܰܡ
lblem b'wrkh' npshh 'mthl ml'k' hw dbsTn' dylk 'yk shmy sn' h' l'
9
ܡܳܐ ܕܳܡܶܐ ܠܺܝ ܫܡܳܟ ܗܳܢܳܐ ܐܳܘ ܣܳܛܳܢܳܐ ܕܡܶܢ ܐܽܘܪܚܳܐ ܣܛܰܝܬ ܐܳܦ ܐܰܣܛܺܝܬ ܠܳܐܕܳܡ ܫܰܒܪܳܐ
shbr' l'dm 'sTyth 'p sTyth 'wrkh' dmn sTn' 'w hn' shmk ly dm' m'
10
ܠܳܐ ܬܶܦܗܶܐ ܐܰܝܟ ܗܶܕܝܽܘܛܳܐ ܘܬܰܘܒܶܕ ܫܰܪܒܳܟ ܕܪܽܘܫ ܡܰܘܬܳܐ ܐܶܢ ܣܳܦܶܩ ܐܰܢ̱ܬ ܠܰܗ̈ܦܳܟܳܬܳܐ
lhpkth' 'nth spq 'n mwth' drwsh shrbk wthwbd hdywT' 'yk thph' l'
11
ܝܳܕܰܥ ܐܰܢ̱ܬ ܕܰܨܢܺܝܥ ܐܰܢ̱ܬ ܗ̱ܽܘ ܐܳܘ ܣܳܛܳܢܳܐ ܠܡܰܬܩܳܢܽܘ ܡܶܢ ܚܶܠܳܐ ܡܰܚܢܽܘܩܺܝܬܳܐ
mkhnwqyth' khl' mn lmthqnw sTn' 'w hw 'nth dtsnye 'nth yde
12
ܐܰܘܦܺܝ ܠܶܗ ܕܪܳܫܳܟ ܡܰܘܬܳܐ ܕܰܐܝܢܳܐ ܕܚܳܐܶܒ ܡܳܐ ܕܰܓܡܰܪ ܘܰܐܘܦܺܝ ܡܶܠܰܘ̈ܗ̱ܝ ܫܰܪܺܝ ܡܨܰܥܰܪ
mtser shry mlwhy w'wpy dgmr m' dkh'b d'yn' mwth' drshk lh 'wpy
13
ܨܶܝܕ ܟܽܠ ܐܺܝܬܰܝ ܙܰܟܳܝܳܐ ܘܒܳܟ ܚܳܐܶܒ ܐ̱ܢܳܐ ܢܦܺܝܣܳܟ ܐܳܕܳܡ ܕܰܙܟܺܝܬܶܗ ܐܳܘ ܣܳܛܳܢܳܐ
sTn' 'w dzkythh 'dm npysk 'n' kh'b wbk zky' 'ythy kl tsyd
14
ܐܶܢܳܐ ܐ̱ܢܳܐ ܕܦܶܟܪܶܬ ܘܰܫܕܺܝܬܶܗ ܠܳܐܕܳܡ ܩܽܘܕܡܰܝܟ ܒܓܰܢ̱ܒܳܪܳܐ ܕܰܦܟܰܪ ܨܶܢܥ̈ܳܬܝ̱ ܐܶܬܺܝܬ ܐܶܬܢܰܨܚܶܬ ܀܀܀
'thntskhth 'thyth tsnethy dpkr bgnbr' qwdmyk l'dm wshdythh dpkrth 'n' 'n'
15
ܐܶܢܳܐ ܐ̱ܢܳܐ ܕܩܶܛܪܶܬ ܚܰܕ̱ܬܳܐܺܝܬ ܬܳܓܳܐ ܒܬܺܐܒܶܝܠ ܕܠܳܐܕܳܡ ܪܺܝܫ ܓܰܢ̱ܒܳܪ̈ܶܐ ܚܶܒܫܶܬ ܒܰܫܝܽܘ̇ܠ
bshywl khbshth gnbr' rysh dl'dm bth'byl thg' khdth'yth dqTrth 'n' 'n'
16
ܐܶܢܳܐ ܩܛܰܠܬܶܗ ܒܡܰܘܬܳܐ ܟܰܣܝܳܐ ܠܳܐܕܳܡ ܕܰܚܛܳܐ ܐܰܢ̱ܬ ܡܰܘܬܳܐ ܠܡܺܝܬܰܐ ܗ̱ܘ ܐܰܡܺܝܬܬ ܕܰܩܛܺܝܠ ܗ̱ܘܳܐ ܠܺܝ
ly hw' dqTyl 'mythth hw lmyth' mwth' 'nth dkhT' l'dm ksy' bmwth' qTlthh 'n'
17
ܟܰܕ ܨܒܰܝܬ ܒܺܝܫܳܐ ܠܡܶܙܟܳܐ ܢܰܦܫܳܟ ܐܰܣܢܺܝܬ ܕܰܐܢ̱ܬ ܡܰܘܬܳܐ ܘܰܐܢ̱ܬ ܣܳܛܳܢܳܐ ܘܰܙܥܽܘܪ ܗ̱ܽܘ ܠܳܟ
lk hw wzewr sTn' w'nth mwth' d'nth 'snyth npshk lmzk' bysh' tsbyth kd
18
ܗܘܰܝܬ ܫܳܠܶܐ ܡܳܕܶܝܢ ܡܰܘܬܳܐ ܐܰܝܟ ܚܰܠܳܫܳܐ ܕܠܳܐ ܒܡ̈ܶܠܶܐ ܘܠܳܐ ܒܰܥܒܳܕ̈ܶܐ ܥܰܙܺܝܬ ܠܰܡܩܳܡ
lmqm ezyth bebd' wl' bml' dl' khlsh' 'yk mwth' mdyn shl' hwyth
19
ܠܒܺܝܫܬܳܟ ܗ̱ܽܘ ܙܟܺܝܬ ܒܺܝܫܳܐ ܐܶܢ ܦܳܪܶܫ ܐܰܢ̱ܬ ܟܠܺܝܠܳܟ ܟܽܠܶܗ ܟܽܘܐܳܪܰܐ ܗ̱ܘ ܐܶܢ ܪܳܓܶܫ ܐܰܢ̱ܬ
'nth rgsh 'n hw kw'r' klh klylk 'nth prsh 'n bysh' zkyth hw lbyshthk
20
ܐܶܢܳܐ ܐܶܚܽܘܒ ܘܰܐܢ̱ܬ ܐܶܨܛܰܚܳܐ ܐܳܘ ܣܳܛܳܢܳܐ ܛܳܒ ܠܺܝ ܕܶܐܗܘܶܐ ܗܶܕܝܽܘܛܳܐ ܘܠܳܐ ܣܳܪܽܘܚܳܐ
srwkh' wl' hdywT' d'hw' ly Tb sTn' 'w 'tsTkh' w'nth 'khwb 'n'
21
ܒܪܺܝܟ ܟܺܐܢܳܐ ܕܦܰܠܶܓ ܐܶܢܽܘܢ ܕܳܐܘܶܝܢ ܗ̱ܘܰܘ ܛܳܒ ܒܪܺܝܟ ܛܳܒܳܐ ܕܰܡܐܰܘܶܐ ܠܰܢ ܕܰܦܠܺܝܓܺܝܢ ܚ̱ܢܰܢ
khnn dplygyn ln dm'w' Tb' bryk Tb hww d'wyn 'nwn dplg k'n' bryk