Nisibis · Chapter 48
Ephrem Nisibis
27 verses
1
ܠܡܰܘܬܳܐ ܘܣܳܛܳܢܳܐ ܫܶܡܥܶܬ ܩܳܠܳܐ ܟܰܕ ܢܳܨܶܝܢ ܗ̱ܘܰܘ ܕܰܐܝܢܳܐ ܚܰܣܺܝܢ ܡܶܢ ܚܰܒܪܶܗ ܨܶܝܕ ܒܰܪܢܳܫܳܐ ܡܶܢ ܕܺܐܒ̈ܶܐ ܟܣܰܝ̈ܳܐ ܕܒܰܠܥܽܘܗ̇ ܒܺܝܫܳܐ ܘܡܰܘܬܳܐ
wmwth' bysh' dblewh ksy' d'b' mn brnsh' tsyd khbrh mn khsyn d'yn' hww ntsyn kd ql' shmeth wsTn' lmwth'
2
ܡܰܘܬܳܐ ܚܰܘܺܝ ܫܽܘܠܛܳܢܶܗ ܕܰܠܟܽܠ ܙܳܟܶܐ ܣܳܛܳܢܳܐ ܚܰܘܺܝ ܢܶܟܠܶܗ ܕܰܠܟܽܠ ܡܰܚܛܶܐ
mkhT' dlkl nklh khwy sTn' zk' dlkl shwlTnh khwy mwth'
3
ܠܳܟ ܒܺܝܫܳܐ ܐܰܝܢܳܐ ܕܨܳܒܶܐ ܠܚܽܘܕ ܫܳܡܰܥ ܠܳܟ ܠܺܝ ܕܨܳܒܶܐ ܘܰܕܠܳܐ ܨܳܒܶܐ ܨܶܐܕܰܝ ܐܳܬ̇ܝܢ
'thyn ts'dy tsb' wdl' dtsb' ly lk shme lkhwd dtsb' 'yn' bysh' lk
4
ܠܳܟ ܡܰܘܬܐ ܩܛܺܝܪܰܐ ܗ̱ܘ ܒܰܠܚܽܘܕ ܕܰܛܪܽܘܢܽܘܬܳܐ ܠܺܝ ܕܶܝܢ ܦܰܚ̈ܶܐ ܐܳܦ ܢܶܫ̈ܒܶܐ ܕܰܥܪܺܝܡܽܘܬܳܐ
derymwth' nshb' 'p pkh' dyn ly dTrwnwth' blkhwd hw qTyr' mwth' lk
5
ܫܡܰܥ ܒܺܝܫܳܐ ܕܰܐܝܢܳܐ ܕܰܥܪܺܝܡ ܢܺܝܪܳܟ ܬܒܳܪܶܗ ܠܳܐ ܕܶܝܢ ܐܺܝܬ ܐܰܝܢܳܐ ܕܡܶܫܟܰܚ ܡܳܪܶܕ ܡܶܢ ܢܺܝܪܝ̱
nyry mn mrd dmshkkh 'yn' 'yth dyn l' thbrh nyrk derym d'yn' bysh' shme
6
ܐܰܢ̱ܬ ܡܰܘܬܳܐ ܒܰܐܝܢܳܐ ܕܰܟܪܺܝܗ ܚܰܝܠܳܟ ܒܳܩܶܝܬ ܐܶܢܳܐ ܕܶܝܢ ܒܚܶܠܡ̈ܶܐ ܝܰܬܺܝܪ ܡܶܬܓܰܒܰܪ ܐ̱ܢܳܐ
'n' mthgbr ythyr bkhlm' dyn 'n' bqyth khylk dkryh b'yn' mwth' 'nth
7
ܒܺܝܫܳܐ ܠܳܐ ܫܰܠܺܝܛ ܥܰܠ ܟܽܠ ܕܰܡܨܰܚܶܐ ܠܶܗ ܠܺܝ ܕܠܳܛܰܢܝ̱ ܘܰܕܠܳܐܶܛ ܠܺܝ ܠܺܐܝܕ̈ܰܝ ܐܳܬܶܝܢ
'thyn l'ydy ly wdl'T dlTny ly lh dmtskh' kl el shlyT l' bysh'
8
ܐܰܢ̱ܬ ܡܰܘܬܳܐ ܡܶܢ ܐܰܠܳܗܳܐ ܚܰܝܠܳܐ ܩܰܒܶܠܬ ܠܺܝ ܒܰܠܚܽܘܕ ܕܠܳܐ ܡܥܰܕܰܪ ܠܺܝ ܟܰܕ ܡܰܚܛܶܐ ܐ̱ܢܳܐ
'n' mkhT' kd ly medr dl' blkhwd ly qblth khyl' 'lh' mn mwth' 'nth
9
ܐܰܢ̱ܬ ܒܺܝܫܳܐ ܐܰܝܟ ܚܰܠܳܫܳܐ ܦܰܚ̈ܶܐ ܨܳܠܶܝܬ ܘܰܐܝܟ ܡܰܠܟܳܐ ܐ̱ܢܳܐ ܒܫܽܘܠܛܳܢܳܐ ܡܶܬܚܰܫܰܚ ܐ̱ܢܳܐ
'n' mthkhshkh bshwlTn' 'n' mlk' w'yk tslyth pkh' khlsh' 'yk bysh' 'nth
10
ܣܟܰܠ ܐܰܢ̱ܬ ܗ̱ܽܘ ܡܰܘܬܳܐ ܠܡܶܕܰܥ ܕܰܟܡܳܐ ܪܰܒ ܐ̱ܢܳܐ ܕܰܠܚܺܐܪܽܘܬܳܐ ܡܫܰܠܰܛܬܳܐ ܣܶܦܩܶܬ ܕܶܐܨܽܘܕ
d'tswd spqth mshlTth' dlkh'rwth' 'n' rb dkm' lmde mwth' hw 'nth skl
11
ܐܰܢ̱ܬ ܒܺܝܫܳܐ ܐܰܝܟ ܣܳܪܽܘܚܳܐ ܗܳܐ ܚܳܕܰܪ ܐܰܢ̱ܬ ܐܶܢܳܐ ܐܰܝܟ ܐܰܪܝܳܐ ܬܳܒܰܪ ܐ̱ܢܳܐ ܘܠܳܐ ܩܳܢܶܛ ܐ̱ܢܰܐ
'n' qnT wl' 'n' thbr 'ry' 'yk 'n' 'nth khdr h' srwkh' 'yk bysh' 'nth
12
ܠܳܟ ܡܰܘܬܳܐ ܠܰܝܬ ܕܦܳܠܰܚ ܐܳܦ ܠܳܐ ܕܣܳܓܶܕ ܠܺܝ ܒܕ̈ܶܒܚܶܐ ܡܰܠܟ̈ܶܐ ܦܰܠܚܽܘܢܝ̱ ܐܰܝܟ ܠܰܐܠܳܗܳܐ
l'lh' 'yk plkhwny mlk' bdbkh' ly dsgd l' 'p dplkh lyth mwth' lk
13
ܠܡܰܘܬܳܐ ܣܰܓܺܝ̈ܐܶܐ ܩܳܪܶܝܢ ܐܰܝܟ ܕܰܠܛܳܒܳܐ ܠܳܟ ܒܺܝܫܳܐ ܠܳܐ ܐܺܝܬ ܕܰܩܪܳܟ ܐܰܘ ܩܳܪܶܐ ܠܳܟ
lk qr' 'w dqrk 'yth l' bysh' lk dlTb' 'yk qryn sgy'' lmwth'
14
ܠܳܐ ܪܓܺܝܫ ܐܰܢ̱ܬ ܡܰܘܬܳܐ ܒܗܳܕܶܐ ܕܰܟܡܳܐ ܐܶܢܽܘܢ ܕܒܶܐܣܟܺܝܡ ܐܶܣܟܺܝܡ ܩܳܪܶܝܢ ܠܺܝ ܘܰܡܢܰܩܶܝܢ ܠܺܝ
ly wmnqyn ly qryn 'skym db'skym 'nwn dkm' bhd' mwth' 'nth rgysh l'
15
ܣܢܶܐ ܗ̱ܘ ܫܡܳܟ ܐܳܘ ܣܳܛܳܢܳܐ ܠܳܐ ܬܰܫܦܰܪܳܝܗ̱ܝ ܠܰܫܡܳܟ ܟܽܠ ܠܳܐܶܛ ܠܶܗ ܟܰܣܳܐ ܨܰܥܪܳܟ
tserk ks' lh l'T kl lshmk thshpryhy l' sTn' 'w shmk hw sn'
16
ܐܶܕܢܳܟ ܡܰܘܬܳܐ ܝܰܩܺܝܪܳܐ ܕܠܳܐ ܫܳܡܰܥ ܐܰܢ̱ܬ ܕܟܽܠ ܐ̱ܢܳܫ ܥܠܰܝܟ ܗ̱ܽܘ ܥܰܘܳܐ ܛܰܫܳܐ ܢܰܦܫܳܟ
npshk Tsh' ew' hw elyk 'nsh dkl 'nth shme dl' yqyr' mwth' 'dnk
17
܀܀܀ ܓܰܠܝ̈ܳܢ ܐܰܦܰܝ̈ ܒܰܒܪܺܝܬܳܐ ܠܳܐ ܓܶܝܪ ܢܶܟܠܶܬ ܐܰܟܘܳܬܳܟ ܕܰܕܠܳܐ ܢܶܟ̈ܠܶܐ ܠܳܐ ܒܳܐܶܬ ܐܰܢ̱ܬ
'nth b'th l' nkl' ddl' 'kwthk nklth gyr l' bbryth' 'py glyn
18
ܠܰܘ ܡܶܕܶܡ ܝܰܬܺܝܪ ܐܶܫܟܰܚܬ̊ ܐܰܝܟ ܫܰܪܺܝܪܳܐ ܕܰܣܢܶܝܬ ܗ̱ܽܘ ܐܳܦ ܐܰܢ̱ܬ ܐܰܟܘܳܬܝ̱ ܠܰܒ̈ܢܰܝ ܐ̱ܢܳܫ̈ܳܐ
'nsh' lbny 'kwthy 'nth 'p hw dsnyth shryr' 'yk 'shkkhth ythyr mdm lw
19
ܡܶܢܝ̱ ܡܶܕܚܰܠ ܕܳܚܶܠ ܟܽܠ ܐ̱ܢܳܫ ܐܰܝܟ ܕܡܶܢ ܡܳܪܳܐ ܠܳܟ ܕܶܝܢ ܡܶܣܢܰܐ ܗ̱ܘ ܣܳܢܶܝܢ ܠܳܟ ܐܰܝܟ ܕܰܠܒܺܝܫܳܐ
dlbysh' 'yk lk snyn hw msn' dyn lk mr' dmn 'yk 'nsh kl dkhl mdkhl mny
20
ܠܳܟ ܡܰܘܬܳܐ ܣܳܢܶܝܢ ܠܰܫܡܳܟ ܐܳܦ ܠܰܥܒܳܕܳܟ ܫܶܡܝ ܕܺܝܠܝ ܣܢܶܐ ܘܰܐ̱ܪ̈ܓܺܝܓܳܬܝ̱ ܣܰܓܺܝ ܐ̱ܪ̈ܚܺܝܡܳܢ
'rkhymn sgy w'rgygthy sn' dyly shmy lebdk 'p lshmk snyn mwth' lk
21
ܠܡܶܪܰܬ ܫܶܢ̈ܶܐ ܡܶܬܗܰܦܟܳܐ ܗܳܝ ܚܰܠܝܽܘܬܳܟ ܬܘܳܬ ܢܰܦܫܳܐ ܠܰܘܝܳܐ ܟܽܠܫܳܥ ܠܰܪ̈ܓܺܝܓܳܬܳܟ
lrgygthk klshe lwy' npsh' thwth khlywthk hy mthhpk' shn' lmrth
22
ܫܝܽܘܠ ܣܰܢܝܳܐ ܕܠܰܝܬ ܒܓܰܘܳܗ̇ ܐܳܦ ܠܳܐ ܬܘܳܬܳܐ ܗܰܘܬܳܐ ܕܒܶܠܥܰܬ ܐܳܦ ܟܳܡܰܬ ܥܰܠ ܟܽܠ ܙܰܘ̈ܥܺܝܢ
zweyn kl el kmth 'p dbleth hwth' thwth' l' 'p bgwh dlyth sny' shywl
23
ܫܝܽܘܠ ܨܳܡܰܪܬܳܐ ܡܶܬܢܰܚܰܡ ܟܽܠ ܕܰܢܦܰܠ ܒܳܗ̇ ܚܛܺܝܬܰܐ ܗ̱ܘ ܣܰܢܝܳܐ ܕܰܦܣܰܩܬܶܗ ܣܰܒܪܶܗ ܕܐ̱ܢܳܫܳܐ
d'nsh' sbrh dpsqthh sny' hw khTyth' bh dnpl kl mthnkhm tsmrth' shywl
24
ܐܳܦܶܢ ܟܰܪܝܳܐ ܠܺܝ ܒܬܰܝܳܒ̈ܶܐ ܝܶܗܒܶܬ ܐܰܬܪܳܐ ܦܣܰܩܬܳܝܗ̱ܝ ܣܰܒܪܶܗ ܕܚܰܛܳܝܳܐ ܕܡܺܝܬ ܒܰܚܛܳܗܰܘ̈ܗ̱ܝ
bkhThwhy dmyth dkhTy' sbrh psqthyhy 'thr' yhbth bthyb' ly kry' 'pn
25
ܡܰܢ ܨܶܐܕܰܝܟ ܗ̱ܽܘ ܡܩܰܕܶܡ ܗ̱ܘܳܐ ܘܰܦܣܺܝܩ ܣܰܒܪܶܗ ܕܶܐܠܽܘ ܐܰܢ̱ܬ ܠܳܐ ܐܰܚܛܺܝܬܳܝܗ̱ܝ ܫܰܦܺܝܪ ܥܳܢܶܕ
end shpyr 'khTythyhy l' 'nth d'lw sbrh wpsyq hw' mqdm hw ts'dyk mn
26
܀܀܀ ܒܪܺܝܟ ܕܰܐܪܡܺܝ ܐܶܢܽܘܢ ܒܰܚܕܳܕ̈ܶܐ ܠܥܰܒܕ̈ܶܐ ܠܺܝ̈ܛܶܐ ܕܢܶܚܙܶܐ ܒܗܽܘܢ ܐܰܝܟ ܕܰܚܙܰܘ ܒܰܢ ܐܳܦ ܐܰܗܶܠܘ̱ ܒܰܢ
bn 'hlw 'p bn dkhzw 'yk bhwn dnkhz' lyT' lebd' bkhdd' 'nwn d'rmy bryk