Nisibis · Chapter 34
Ephrem Nisibis
11 verses
1
ܡܰܬܩܰܢ ܗ̱ܘܳܐ ܠܺܝ ܟܽܘܪܣܳܝ ܒܰܫܝܽܘܠ ܘܩܳܡ ܚܰܕ ܡܺܝܬܳܐ ܣܰܚܦܰܢܝ̱ ܡܶܢܶܗ ܟܽܠܢܳܫ ܡܶܢܝ̱ ܗܽܘ ܕܚܶܠ ܗ̱ܘܳܐ ܒܰܠܚܽܘܕ ܘܶܐܢܳܐ ܡܶܢ ܐ̱ܢܳܫ ܠܳܐ ܕܶܚܠܶܬ ܩܶܢܛܳܐ ܘܨܶܦܬܳܐ ܒܶܝܬ ܚܰܝ̈ܶܐ ܫܠܳܡܳܐ ܘܫܰܝܢܳܐ ܒܶܝܬ ܡܺܝ̈ܬܶܐ ܒܓܰܒܪܳܐ ܩܛܺܝܠܳܐ ܗܳܐ ܥܰܠ ܠܳܗ̇ ܫܶܒܝܳܐ ܠܰܫܝܽܘܠ ܐܶܢܳܐ ܠܟܽܠܢܳܫ ܫܳܒܶܐ ܗܘܺܝܬ ܒܰܪ ܫܰܒܝܳܐ ܕܰܫܒܺܝܬ ܫܒܳܢܝ̱ ܕܰܫܒܺܝܬܶܗ ܕܰܒܪܳܗ̇ ܘܶܐܙܰܠ ܠܦܰܪܕܰܝܣܳܐ
lprdys' w'zl dbrh dshbythh shbny dshbyth shby' br hwyth shb' lklnsh 'n' lshywl shby' lh el h' qTyl' bgbr' myth' byth wshyn' shlm' khy' byth wtspth' qnT' dkhlth l' 'nsh mn w'n' blkhwd hw' dkhl hw mny klnsh mnh skhpny myth' khd wqm bshywl kwrsy ly hw' mthqn
2
ܟܽܠܢܳܫ ܡܶܢܝ̱ ܗܽܘ ܩܰܒܶܠ ܣܰܓܺܝ ܘܶܐܢܳܐ ܡܶܢ ܚܰܕ ܩܰܒܠܶܬ ܒܰܠܚܽܘܕ ܡܼܰܢܽܘ ܒܰܒ̈ܢܰܝ ܐ̱ܢܳܫܳܐ ܕܰܟܐܶܝܢ ܐܰܟܘܳܬܝ̱ ܘܰܡܛܳܗ̇ ܙܰܒܢܳܐ ܠܰܬܪܺܝܨܽܘܬܝ̱ ܐܶܢܳܐ ܠܟܽܠܢܳܫ ܪܳܚܶܡ ܐ̱ܢܳܐ ܘܰܕܣܳܢܶܐ ܠܺܝ ܗܼܽܘ ܝܳܕܰܥ ܠܳܐ ܝܳܕܰܥ ܐ̱ܢܳܐ ܡܶܢ ܝܰܘܡ̈ܰܝ ܫܽܘܚܕܳܐ ܡܰܢܽܘ ܒܰܐܦ̈ܰܝ ܡܰܠܟ̈ܶܐ ܠܳܐ ܢܶܣ̇ܒܶܬ ܒܺܝ ܡܶܬܟܰܪܙܳܐ ܫܰܘܝܽܘܬܳܐ ܕܰܠܥܰܒܼܕܳܐ ܘܡܳܪܶܗ ܒܰܫܝܽܘܠ ܡܫܰܘܶܐ ܐ̱ܢܳܐ ܀܀܀
'n' mshw' bshywl wmrh dlebd' shwywth' mthkrz' by nsbth l' mlk' b'py mnw shwkhd' ywmy mn 'n' yde l' yde hw ly wdsn' 'n' rkhm lklnsh 'n' lthrytswthy zbn' wmTh 'kwthy dk'yn 'nsh' bbny mnw blkhwd qblth khd mn w'n' sgy qbl hw mny klnsh
3
ܩܕܳܡ ܐܰܠܳܗܰܐ ܗ̱ܘ ܡܫܰܡܶܫ ܐ̱ܢܳܐ ܕܠܰܝܬ ܠܘܳܬܶܗ ܡܰܣܰܒ ܒܰܐܦ̈ܶܐ ܡܰܢܽܘ ܐ̱ܚܪܺܢܳܐ ܕܰܢܣܰܝܒܰܪ ܐܰܟܘܳܬܝ̱ ܕܰܡܨܶܛܚܳܐ ܐ̱ܢܳܐ ܘܰܡܛܰܐܶܒ ܐ̱ܢܳܐ ܗܳܦܟܳܐܺܝܬ ܡܶܬܦܢܶܝܢ ܠܺܝ ܚܽܘܒ̈ܳܠܶܐ ܛܳܒ̈ܶܐ ܕܪܳܡܶܐ ܐ̱ܢܳܐ ܟܰܕ ܣܽܘܥܪ̈ܳܢܰܝ ܫܰܦܺܝܪ̈ܺܝܢ ܫܶܡܝ̱ ܠܳܐ ܫܰܦܺܝܪ ܡܢܳܚ ܗܽܘ ܪܶܥܝܳܢܝ̱ ܒܰܫܪܳܪܶܗ ܒܰܐܠܳܗܰܐ ܗ̱ܘ ܡܶܬܒܰܝܰܐ ܐ̱ܢܳܐ ܕܟܰܕ ܛܳܒܰܐ ܗ̱ܘ ܛܠܺܝܡ ܗ̱ܽܘ ܟܽܠܝܽܘܡ ܘܰܡܣܰܝܒܰܪ
wmsybr klywm hw Tlym hw Tb' dkd 'n' mthby' hw b'lh' bshrrh reyny hw mnkh shpyr l' shmy shpyryn swerny kd 'n' drm' Tb' khwbl' ly mthpnyn hpk'yth 'n' wmT'b 'n' dmtsTkh' 'kwthy dnsybr 'khrn' mnw b'p' msb lwthh dlyth 'n' mshmsh hw 'lh' qdm
4
ܠܣ̈ܳܒܶܐ ܚ̇ܶܣܟܰܬ ܡܶܢ ܟܽܠ ܟܺܐܒܰܝ̈ܢ ܐܳܦ ܠܰܛܠܳܝ̈ܶܐ ܡܶܢ ܟܽܠ ܚܰܘܒܰܝ̈ܢ ܩܪ̈ܳܒܶܐ ܟܣܰܝ̈ܳܐ ܡܰܫܠܶܐ ܐ̱ܢܳܐ ܒܰܫܝܽܘܠ ܒܰܐܬܪܰܢ ܥܰܘܠܳܐ ܠܳܐ ܗܳܘܶܐ ܫܝܽܘܠ ܗ̱ܽܘ ܘܰܫܡܰܝܳܐ ܒܰܠܚܽܘܕ ܕܰܚܣܺܝ̈ܟܳܢ ܡܶܢ ܟܽܠ ܚܰܘ̈ܒܺܝܢ ܗܳܕܶܐ ܐܰܪܥܳܐ ܕܒܰܡܨܰܥܬܳܐ ܥܰܘܠܳܐ ܫܪܶܐ ܒܳܗ̇ ܒܰܕܓܽܘܢ ܐܰܝܢܳܐ ܕܦܳܪܽܘܫܰܐ ܗ̱ܘ ܐܰܘ ܠܰܫܡܰܝܳܐ ܢܰܣܶܩ ܠܶܗ ܘܶܐܢ ܥܶܛܠܳܐ ܗ̱ܝ ܢܶܚܽܘܬ ܠܰܫܝܽܘܠ ܕܰܦܫܺܝܩܳܐ
dpshyq' lshywl nkhwth hy eTl' w'n lh nsq lshmy' 'w hw dprwsh' 'yn' bdgwn bh shr' ewl' dbmtseth' 're' hd' khwbyn kl mn dkhsykn blkhwd wshmy' hw shywl hw' l' ewl' b'thrn bshywl 'n' mshl' ksy' qrb' khwbyn kl mn lTly' 'p k'byn kl mn khskth lsb'
5
ܠܚܰܕ ܒܰܪܢܳܫܳܐ ܥܰܠ ܚܰܕ ܡܺܝܬܶܐ ܟܽܠܢܳܫ ܪܳܗܶܛ ܠܰܡܒܰܝܰܐܘ ܐܶܢܳܐ ܕܶܝܢ ܕܡܺܝ̈ܬܶܐ ܣܰܓܺܝ̈ܐܶܐ ܚܼܰܝܰܘ ܠܺܝ ܠܰܝܬ ܕܥܳܐܶܠ ܘܰܡܒܰܝܰܐ ܠܺܝ ܥܰܠ ܣܳܛܳܢܳܐ ܕܶܐܬܪܰܥܰܡ ܫܰܒܥܳܐ ܠܶܗ ܘܳܝ̈ܳܝܢ ܐܳܦ ܠܶܗ ܟܰܕ ܛܳܒ ܕܳܫܶܗ ܒܰܪ ܡܰܪܝܰܡ ܪܳܡܳܐ ܗ̱ܝ ܪܽܘܚܶܗ ܚܶܘܝܰܐ ܗ̱ܘ ܕܰܡܥܳܙܳܐ ܘܰܪܨܺܝܨ ܀܀܀ ܦܰܩܳܚ ܠܺܝ ܕܶܐܦܶܠ ܘܶܐܣܓܽܘܕ ܩܕܳܡ ܝܶܫܽܘܥ ܗܳܢܳܐ ܕܙܰܟܳܢܝ̱ ܒܰܨܠܺܝܒܶܗ
btslybh dzkny hn' yshwe qdm w'sgwd d'pl ly pqkh wrtsyts dmez' hw khwy' rwkhh hy rm' mrym br dshh Tb kd lh 'p wyyn lh shbe' d'threm sTn' el ly wmby' de'l lyth ly khyw sgy'' dmyth' dyn 'n' lmby'w rhT klnsh myth' khd el brnsh' lkhd
6
ܡܳܐ ܕܥܳܐܶܠ ܒܶܗ ܒܬܰܪܥܳܐ ܕܰܫܝܽܘܠ ܚܠܳܦ ܝܽܘܚܰܢܳܢ ܐܰܟܪܶܙ ܩܽܘܕܡܰܘܗ̱ܝ ܘܶܐܩܥܳܐ ܕܗܳܐ ܡܰܚܶܐ ܡܺܝ̈ܬܶܐ ܡܰܛܺܝ ܥܼܰܒܕܳܟ ܐ̱ܢܳܐ ܡܶܟܺܝܠ ܝܶܫܽܘܥ ܡܶܛܽܠ ܦܰܓܪܳܟ ܫܟܰܪܬܳܟ ܕܚܰܦܺܝܬܳܗ̇ ܠܰܐܠܳܗܽܘܬܳܟ ܠܳܐ ܬܶܪܓܰܙ ܐܰܘ ܒܰܪ ܡܰܠܟܳܐ ܥܰܠ ܓܺܙܰܒܪܳܟ ܒܦܽܘܩܕܳܢܳܟ ܦܶܬܚܶܬ ܘܶܐܚܕܶܬ ܟܰܕ ܛܳܒ ܓܶܦ̈ܰܝ ܩܰܠܺܝܠܺܝܢ ܒܝܰܕ ܪܶܡܙܳܟ ܗܰܘ ܪܳܗܶܛ ܐ̱ܢܳܐ ܠܟܽܠ ܓܰܒܺܝ̈ܢ
gbyn lkl 'n' rhT hw rmzk byd qlylyn gpy Tb kd w'khdth pthkhth bpwqdnk gzbrk el mlk' br 'w thrgz l' l'lhwthk dkhpythh shkrthk pgrk mTl yshwe mkyl 'n' ebdk mTy myth' mkh' dh' w'qe' qwdmwhy 'krz ywkhnn khlp dshywl bthre' bh de'l m'
7
ܟܽܠ ܕܶܐܬܢܰܚܰܡܘ̱ ܠܳܐ ܗ̱ܘܰܘ ܒܽܘܟܪ̈ܶܐ ܕܡܳܪܰܢ ܐܺܝܬܰܘܗ̱ܝ ܒܽܘܟܪܳܐ ܕܰܫܝܽܘܠ ܐܰܝܟܰܢ ܡܶܫܟܰܚ ܡܺܝܬܶܐ ܩܕܳܡ ܠܶܗ ܠܗܰܘ ܚܰܝܠܳܐ ܕܒܶܗ ܐܶܬܢܰܚܰܡ ܐܺܝܬ ܐ̱ܚܪ̈ܳܝܶܐ ܕܰܩܕܳܡܺܝܝܢ ܘܰܙܥܽܘܪ̈ܶܐ ܕܰܗܘܰܘ ܒܽܘܟܪ̈ܶܐ ܡܢܳܫܳܐ ܓܶܝܪ ܕܒܽܘܟܪܳܐ ܗ̱ܘܳܐ ܐܰܝܟܰܢ ܐܶܫܟܰܚ ܕܰܐܦܪܶܝܡ ܢܣܰܒ ܒܽܘܟܪܽܘܬܶܗ ܘܶܐܢ ܝܰܠܕܳܐ ܐ̱ܚܪܳܝܳܐ ܩܕܳܡܶܗ ܟܡܳܐ ܢܶܩܕܽܘܡ ܡܳܪܳܐ ܘܰܒܪܳܐ ܒܢܽܘܚܳܡܶܗ
bnwkhmh wbr' mr' nqdwm km' qdmh 'khry' yld' w'n bwkrwthh nsb d'prym 'shkkh 'ykn hw' dbwkr' gyr mnsh' bwkr' dhww wzewr' dqdmyyn 'khry' 'yth 'thnkhm dbh khyl' lhw lh qdm myth' mshkkh 'ykn dshywl bwkr' 'ythwhy dmrn bwkr' hww l' d'thnkhmw kl
8
ܗܳܐ ܝܽܘܚܰܢܳܢ ܐܰܝܟ ܟܳܪܽܘܙܳܐ ܡܦܺܝܣ ܕܰܐܚܪܳܝܰܐ ܗ̱ܘ ܟܰܕ ܗܽܘ ܩܰܫܺܝܫ ܐܶܡܰܪ ܓܶܝܪ ܕܗܳܐ ܓܰܒܪܳܐ ܐܶܬܳܐ ܒܳܬܰܪܝ̱ ܘܰܗܘܳܐ ܠܶܗ ܠܰܡ ܩܕܳܡܰܝ ܐܰܝܟܰܢ ܓܶܝܪ ܩܰܕܶܡ ܗ̱ܘܳܐ ܠܶܗ ܀܀܀ ܠܗܰܘ ܚܰܝܠܳܐ ܕܒܶܗ ܡܰܟܪܶܙ ܗ̱ܘܳܐ ܟܽܠ ܡܶܕܶܡ ܓܶܝܪ ܕܰܗܘܳܐ ܡܶܛܽܠ ܡܶܕܶܡ ܐ̱ܚܪܳܝܰܐ ܗ̱ܘ ܐܳܦܶܢ ܩܰܕܡܳܝܰܐ ܗ̱ܘ ܥܶܠܬܳܐ ܓܶܝܪ ܗܳܝ ܕܩܰܪܬܶܗ ܩܰܫܺܝܫܳܐ ܗ̱ܝ ܐܳܦ ܩܰܕܡܳܝܳܐ ܒܟܽܠ ܡܶܕܶܡ
mdm bkl qdmy' 'p hy qshysh' dqrthh hy gyr elth' hw qdmy' 'pn hw 'khry' mdm mTl dhw' gyr mdm kl hw' mkrz dbh khyl' lhw lh hw' qdm gyr 'ykn qdmy lm lh whw' bthry 'th' gbr' dh' gyr 'mr qshysh hw kd hw d'khry' mpys krwz' 'yk ywkhnn h'
9
ܥܶܠܬܶܗ ܕܳܐܕܳܡ ܩܰܫܺܝܫܳܐ ܗܘܳܬ ܡܶܢ ܒܶܪ̈ܝܳܬܳܐ ܕܠܶܗ ܐܰܬܬܩܶܢ ܒܶܗ ܓܶܝܪ ܒܳܐܕܳܡ ܚܳܐܰܪ ܗ̱ܘܳܐ ܟܽܠܫܳܥ ܒܳܪܽܘܝܳܐ ܟܰܕ ܗܳܐ ܒܪܳܐ ܘܶܐܢ ܐܳܕܳܡ ܥܰܕ ܠܳܐ ܢܶܗܘܶܐ ܩܰܫܺܝܫ ܗܽܘ ܡܶܢ ܒܶܪ̈ܝܳܬܳܐ ܟܡܳܐ ܗܳܟܺܝܠ ܡܳܪܝ̱ ܬܶܬܩܰܫܰܫ ܗܳܝ ܐ̱ܢܳܫܽܘܬܳܟ ܒܰܐܠܳܗܽܘܬܳܟ ܗܳܝ ܕܺܐܝܬܶܝܗ̇ ܡܶܢ ܥܳܠܰܡ ܥܰܡ ܝܰܠܽܘܕܳܟ ܠܳܟ ܫܽܘܒܚܳܐ ܘܒܺܐܝܕܳܟ ܠܰܐܒܽܘܟ ܡܶܢ ܟܽܠܰܢ
kln mn l'bwk wb'ydk shwbkh' lk ylwdk em elm mn d'ythyh hy b'lhwthk 'nshwthk hy ththqshsh mry hkyl km' bryth' mn hw qshysh nhw' l' ed 'dm w'n br' h' kd brwy' klshe hw' kh'r b'dm gyr bh 'ththqn dlh bryth' mn hwth qshysh' d'dm elthh
10
ܠܳܟ ܬܶܫܒܽܘܚܬܳܐ ܕܰܐܢ̱ܬ ܗܽܘ ܩܕܳܡܰܝ ܒܰܐܠܳܗܽܘܬܳܟ ܘܰܒܐ̱ܢܳܫܽܘܬܳܟ ܐܳܦܶܢ ܓܶܝܪ ܩܰܕܶܡ ܐܶܠܺܝܳܐ ܘܰܣܠܶܩ ܠܳܐ ܡܨܶܐ ܩܕܳܡ ܠܶܗ ܠܰܐܝܢܳܐ ܕܡܶܛܽܠܳܬܶܗ ܐܶܣܬܰܠܰܩ ܕܰܬܠܶܐ ܗܽܘ ܪܳܙܶܗ ܒܰܫܪܳܪܳܟ ܘܳܐܦܶܢ ܩܕܳܡܰܘܗ̱ܝ ܓܰܠܝܳܐܺܝܬ ܐ̱ܪ̈ܳܙܶܐ ܠܩܽܘܫܬܳܟ ܩܕܳܡܰܝ ܗܽܘ ܠܗܽܘܢ ܟܰܣܝܳܐܺܝܬ ܩܰܕܡܳܝܗ̱ܝ ܒܶܪ̈ܝܳܬܳܐ ܠܳܐܕܳܡ ܩܕܺܝܡ ܗܽܘ ܠܗܶܝܢ ܕܡܶܛܽܠܳܬܶܗ ܐܰܬܬܩܶܢ
'ththqn dmTlthh lhyn hw qdym l'dm bryth' qdmyhy ksy'yth lhwn hw qdmy lqwshthk 'rz' gly'yth qdmwhy w'pn bshrrk rzh hw dthl' 'sthlq dmTlthh l'yn' lh qdm mts' l' wslq 'ly' qdm gyr 'pn wb'nshwthk b'lhwthk qdmy hw d'nth thshbwkhth' lk
11
ܡܳܪܝ̱ ܥܒܰܕ ܠܺܝ ܗܰܘ ܢܽܘܚܳܡܳܐ ܀܀܀ ܠܳܐ ܕܰܩܛܺܝܪܳܟ ܐܶܠܳܐ ܕܚܽܘܒܳܟ ܩܛܺܝܪܳܟ ܐܳܦ ܠܚ̈ܰܛܳܝܶܐ ܡܰܚܶܐ ܪܳܥܶܐ ܗ̱ܘܳܐ ܬܽܘܒ ܐܶܣܟܰܪܝܽܘܛܳܐ ܕܢܶܓܒܶܐ ܠܶܗ ܡܰܘܬܳܐ ܕܰܫܝܽܘܠ ܛܳܒ ܡܶܢ ܚ̈ܰܝܶܐ ܕܓܺܗܰܢܳܐ ܥܒܼܶܕ ܠܺܝ ܗܳܟܺܝܠ ܢܽܘܚܳܡܳܐ ܗܰܘ ܕܰܚܢܳܢܳܟ ܘܶܐܠܳܐ ܫܳܒܩܳܐ ܟܺܐܢܽܘܬܳܟ ܐܺܝܬ ܠܳܗ̇ ܥܶܠܬܳܐ ܠܛܰܝܒܽܘܬܳܟ ܗܳܕܶܐ ܒܰܠܚܽܘܕ ܬܥܰܗܶܕ ܠܺܝ ܕܒܳܗ̇ ܛܶܦܣܶܬ
Tpsth dbh ly thehd blkhwd hd' lTybwthk elth' lh 'yth k'nwthk shbq' w'l' dkhnnk hw nwkhm' hkyl ly ebd dghn' khy' mn Tb dshywl mwth' lh dngb' 'skrywT' thwb hw' re' mkh' lkhTy' 'p qTyrk dkhwbk 'l' dqTyrk l' nwkhm' hw ly ebd mry