Nisibis · Chapter 26
Ephrem Nisibis
22 verses
1
ܘܰܐܝܟܰܢ ܕܰܚ̈ܛܶܐ ܒܶܪܝ̱ ܡܰܐܕܰܬܓܡܰܪ ܫܰܠܚܳܝܗ̱ܝ ܠܥܽܘܪܳܐ ܕܠܳܐ ܙܳܕܶܩ ܕܰܗܘܼܳܐ ܚܠܺܝܛ ܒܗܶܝܢ ܗܳܟܰܢ ܫܠܼܰܚܘ̱ ܟܺܐܢ̈ܶܐ ܡܶܕܶܡ ܕܠܳܐ ܥܰܕܰܪ
edr dl' mdm k'n' shlkhw hkn bhyn khlyT dhw' zdq dl' lewr' shlkhyhy m'dthgmr bry dkhT' w'ykn
2
ܡܽܘܫܶܐ ܘܕܳܢܺܝܐܶܝܠ ܡܗܺܝܪ̈ܶܐ ܘܚ̈ܰܟܺܝܡܶܐ ܝܰܘ̈ܢܶܐ ܕܶܐܬܥܪܰܡ ܒܰܝܢܳܬ ܚܘ̈ܰܘܳܬܳܐ ܚܰܕ ܐܶܬܪܕܺܝ ܒܡܶܨܪܶܝܢ ܐ̱ܚܪܺܢܳܐ ܒܓܰܘ ܒܳܒܶܠ
bbl bgw 'khrn' bmtsryn 'thrdy khd khwwth' bynth d'therm ywn' wkhkym' mhyr' wdny'yl mwsh'
3
ܫܒܼܰܩ ܚܰܕ ܕܚ̈ܰܠܳܫܶܐ ܐ̱ܚܪܺܢܳܐ ܕܟܰܠܕ̈ܳܝܶܐ ܚܶܟܡܬܳܐ ܕܒܰܟܝܳܢܳܐ ܫܰܘܬܶܦܘ̱ ܠܫܰܒܪܽܘܬܳܐ ܒܰܕܡܽܘܬ ܢܰܗܺܝܪܳܐ ܐ̱ܚܝܳܢܳܐ ܕܒ̈ܳܒܳܬܳܐ
dbbth' 'khyn' nhyr' bdmwth lshbrwth' shwthpw dbkyn' khkmth' dkldy' 'khrn' dkhlsh' khd shbq
4
ܨܢܺܝܥܺܝܢ ܒܪܺܝܪܺܝܢ ܗ̱ܘܰܘ ܥܪܺܝܡܺܝܢ ܦܫܺܝܛܺܝܢ ܗ̱ܘܰܘ ܫܦܶܝܢ ܗ̱ܘܰܘ ܘܦܳܪܽܘܫܺܝܢ ܡܗܺܝܪܺܝܢ ܘܬܰܡܺܝܡܺܝܢ ܚܙܰܘ ܛܳܒܬܳܐ ܠܰܒܫܽܘܗ̇ ܚܙܰܘ ܒܺܝܫܬܳܐ ܫܰܠܚܽܘܗ̇
shlkhwh byshth' khzw lbshwh Tbth' khzw wthmymyn mhyryn wprwshyn hww shpyn hww pshyTyn erymyn hww bryryn tsnyeyn
5
ܘܰܐܝܟ ܐ̱ܢܳܫܳܐ ܕܠܳܐ ܪܕܳܐ ܒܽܐܘܪܚܳܐ ܕܠܳܐ ܝܳܕܰܥ ܠܳܐ ܝܳܕܥܺܝܢ ܗ̱ܘܰܘ ܠܳܗ̇ ܠܽܐܘܪܚܶܗ ܕܚܶܫܽܘܟܳܐ ܒܰܚܕܰܐ ܗ̱ܘ ܡܦܣܺܝܢ ܗ̱ܘܰܘ ܐܽܘܪܚܶܗ ܕܢܰܗܺܝܪܳܐ
dnhyr' 'wrkhh hww mpsyn hw bkhd' dkhshwk' l'wrkhh lh hww ydeyn l' yde dl' b'wrkh' rd' dl' 'nsh' w'yk
6
ܠܘܳܬ ܒܺܝܫܬܳܐ ܫܰܒܪ̈ܶܐ ܠܘܳܬ ܪܶܓܬܳܐ ܚܣ̈ܺܝܠܶܐ ܛ̈ܠܳܝܶܐ ܠܪܳܡܽܘܬܳܐ ܓܡܺܝܪ̈ܶܐ ܠܘܳܠܺܝܬܳܐ ܛܰܪ̈ܩܶܐ ܠܙܰܗܝܽܘܬܳܐ ܘܢܰܟ̈ܦܶܐ ܠܕܰܟܝܽܘܬܳܐ
ldkywth' wnkp' lzhywth' Trq' lwlyth' gmyr' lrmwth' Tly' khsyl' rgth' lwth shbr' byshth' lwth
7
ܡܰܢܽܘ ܚܙܳܐ ܡܶܢ ܡܬܽܘܡ ܕܺܐܒ̈ܶܐ ܕܪ̈ܰܒܳܢܶܐ ܗܘܰܘ ܠܶܐܡܪ̈ܶܐ ܢܰܟ̈ܦܶܐ ܠܝܰܘ̈ܢܶܐ ܚ̈ܘܰܘܳܬܳܐ ܘܰܠܨܰܦܪܳܐ ܢ̈ܶܨܶܐ ܕܢܺܐܠܦܽܘܢ ܥܝ̈ܳܕܰܝܗܽܘܢ
eydyhwn dn'lpwn nts' wltspr' khwwth' lywn' nkp' l'mr' hww drbn' d'b' mthwm mn khz' mnw
8
ܒܺܝܫܰܐ ܗ̱ܘ ܚܼܠܰܛ ܐܰܚܰܝ̈ ܡܶܐܪܬܶܗ ܒܚܰܠܝܽܘܬܳܐ ܘܚܶܫܟܶܗ ܒܢܰܗܺܝܪܳܐ ܘܙܺܐܦܶܗ ܒܓܰܘ ܩܽܘܫܬܳܐ ܘܒܶܝܫܬܶܗ ܒܛܰܝܒܽܘܬܳܐ ܘܥܰܘܠܶܗ ܒܟܺܐܢܽܘܬܳܐ
bk'nwth' wewlh bTybwth' wbyshthh qwshth' bgw wz'ph bnhyr' wkhshkh bkhlywth' m'rthh 'khy khlT hw bysh'
9
ܡܳܐܢ̈ܶܐ ܓܒܳܐ ܗܘܳܐ ܠܶܗ ܕܟܰܝ̈ܳܐ ܘܩܰܕܺܝ̈ܫܶܐ ܘܰܢܣܼܰܟ ܒܗܽܘܢ ܬܶܛܪܶܗ ܣܝܳܢܶܗ ܡܠܳܐ ܐܶܢܽܘܢ ܝܽܘܠܦܳܢ ܚܰܪ̈ܳܫܶܐ ܘܡܺܐܡܪܳܐ ܕܟܰܠܕ̈ܳܝܶܐ
dkldy' wm'mr' khrsh' ywlpn 'nwn ml' synh thTrh bhwn wnsk wqdysh' dky' lh hw' gb' m'n'
10
ܘܰܐܓܰܪ ܘܰܐܘܚܰܪ ܗ̱ܘܳܐ ܬܰܛܪܶܗ ܒܕܰܟܝܽܘܬܳܐ ܕܰܐܟܒܰܪ ܢܥܺܝܕ ܩܽܘܫܬܳܐ ܥܰܡܶܗ ܕܚܶܫܽܘܟܳܐ ܘܢܶܛܥܶܐ ܘܢܳܕܶܫ ܗ̱ܘܳܐ ܫܪܳܪܳܐ ܒܓܰܘ ܫܽܘܩܪܳܐ
shwqr' bgw shrr' hw' wndsh wnTe' dkhshwk' emh qwshth' neyd d'kbr bdkywth' thTrh hw' w'wkhr w'gr
11
ܘܰܪܢܳܐ ܕܶܐܢ ܬܶܗܘܶܐ ܟܽܠܳܗ̇ ܕܝܽܘܬܪܳܢܳܐ ܗ̱ܝ ܟܰܕ ܗܼܺܝ ܕܚܽܘܣܪܳܢܳܐ ܗ̱ܝ ܕܰܗܘܼܳܐ ܡܕܺܝܠ ܬܶܛܪܶܐ ܣܝܳܢܳܐ ܕܝܽܘܠܦܳܢܶܗ ܒܦܽܘܡ̈ܶܐ ܒ̈ܢܰܝ ܩܽܘܫܬܳܐ
qwshth' bny bpwm' dywlpnh syn' thTr' mdyl dhw' hy dkhwsrn' hy kd hy dywthrn' klh thhw' d'n wrn'
12
ܘܰܪܢܳܐ ܕܶܐܢ ܗܼܽܘ ܕܡܰܪܕܽܘ ܫ̈ܦܰܝܳܐ ܘܰܫܕܰܘ ܬܶܛܪܶܐ ܕܰܢܣܰܟ ܒܗܽܘܢ ܚܰܪܡܳܐ ܠܳܐ ܡܶܫܟܚܳܐ ܕܠܰܓܡܳܪ ܠܳܐ ܢܦܽܘܫ ܒܗܽܘܢ ܛܰܥܡܳܐ ܘܗܰܘܦܳܐ ܕܝܽܘܠܦܳܢܶܗ
dywlpnh whwp' Tem' bhwn npwsh l' dlgmr mshkkh' l' khrm' bhwn dnsk thTr' wshdw shpy' dmrdw hw d'n wrn'
13
ܗܳܟܰܢ ܢܟܶܠ ܛܰܘܶܫ ܡܳܐܢ̈ܶܐ ܕܬܶܫܡܶܫܬܳܐ ܕܡܶܟܽܝܠ ܕܶܐܬܛܰܘܰܫܘ̱ ܠܳܐ ܡܨܶܝܢ ܕܢܶܬܕܰܟܽܘܢ ܕܢܶܦܣܽܘܩ ܣܒܰܪ ܥܰܡܳܐ ܕܠܳܐ ܢܚܽܘܪ ܠܦܽܘܢܳܝܳܐ
lpwny' nkhwr dl' em' sbr dnpswq dnthdkwn mtsyn l' d'thTwshw dmkyl dthshmshth' m'n' Twsh nkl hkn
14
ܘܰܒܗܼܶܬ ܒܬܰܪ̈ܬܰܝܗܶܝܢ ܡܳܐܢ̈ܶܐ ܕܒܰܟܝܳܢܳܐ ܠܳܐ ܐܶܬܡܨܺܝ ܛܰܘܶܫ ܕܡܳܪܗܽܘܢ ܬܒܰܥ ܐܶܢܽܘܢ ܕܗܳܝ ܦܶܣܬܳܐ ܕܺܐܝܕܳܐ ܐ̱ܬܳܬ ܕܰܟܝܰܬ ܐܶܢܽܘܢ
'nwn dkyth 'thth d'yd' psth' dhy 'nwn thbe dmrhwn Twsh 'thmtsy l' dbkyn' m'n' bthrthyhyn wbhth
15
ܟܬܳܒܳܗ̇ ܗ̱ܘܳܐ ܫܶܦܥܳܐ ܘܰܗܘܼܳܐ ܐܳܦ ܦܽܘܫܳܩܳܗ̇ ܨܰܪܦܳܐ ܒܓܰܘ ܟܽܘܪܳܐ ܘܒܺܐܕܳܐ ܕܕܳܢܺܝܐܶܝܠ ܐܶܬܡܪܰܩܘ̱ ܘܶܐܬܕܰܟܺܝܘ ܘܰܫܦܼܰܪܘ̱ ܘܶܐܬܚܰܠܰܠܘ̱
w'thkhllw wshprw w'thdkyw 'thmrqw ddny'yl wb'd' kwr' bgw tsrp' pwshqh 'p whw' shpe' hw' kthbh
16
ܘܕܰܢܦܼܰܩܘ̱ ܒܫܺܝܛܽܘܬܳܐ ܦܢܰܘ ܥܰܠܘ̱ ܒܙܰܗܝܽܘܬܳܐ ܕܰܢܦܼܰܩܘ̱ ܒܓܽܘܕܳܦܳܐ ܐܶܬܚܡܶܠܘ̱ ܒܩܽܘܠܳܣܳܐ ܕܶܐܬܗܰܦܰܟܘ̱ ܒ̈ܢܰܝ ܛܽܘܥܝܰܝ ܘܫܰܒܚܽܘܗ̱ܝ ܠܡܳܪܶܐ ܟܽܠ
kl lmr' wshbkhwhy Tweyy bny d'thhpkw bqwls' 'thkhmlw bgwdp' dnpqw bzhywth' elw pnw bshyTwth' wdnpqw
17
ܡܳܐܢ̈ܶܐ ܕܒܰܟܝܳܢܳܐ ܐܰܟܣܽܘܗ̱ܝ ܕܠܳܐ ܟܝܳܢܳܐ ܡܳܐܢ̈ܶܐ ܕܚܺܐܪܽܘܬܳܐ ܐܰܟܣܽܘܗ̱ܝ ܒܨܶܒܝܳܢܳܐ ܡܳܐܢ̈ܶܐ ܡܠܰܘ ܩܽܘܫܬܳܐ ܘܰܐܣܪܰܚܘ̱ ܫܪܳܪܰܝܗܽܘܢ
shrryhwn w'srkhw qwshth' mlw m'n' btsbyn' 'kswhy dkh'rwth' m'n' kyn' dl' 'kswhy dbkyn' m'n'
18
ܡܳܐܢ̈ܶܐ ܕܰܡܠܶܝܢ ܗ̱ܘܰܘ ܬܽܘܒ ܒܨܶܒܝܳܢܗܽܘܢ ܫܽܘܩܪܳܐ ܐܶܬܟܦܺܝܘ ܘܶܐܣܬܰܦܰܩܘ̱ ܘܶܐܬܶܐܫܶܕܘ̱ ܘܶܐܣܬܰܪܰܩܘ̱ ܒܺܝܫܳܐ ܠܐܺܝ ܕܢܰܬܼܩܶܢ ܘܡܶܕܪܺܝܫ ܕܢܰܡܠܶܐ ܐܶܢܽܘܢ
'nwn dnml' wmdrysh dnthqn l'y bysh' w'sthrqw w'th'shdw w'sthpqw 'thkpyw shwqr' btsbynhwn thwb hww dmlyn m'n'
19
ܡܽܘܫܶܐ ܥܣܰܪ ܙܰܒ̈ܢܺܝܢ ܟܦܳܐ ܐܶܢܽܘܢ ܒܓܰܘ ܡܶܨܪܶܝܢ ܘܰܐܘܣܶܦ ܐܳܦ ܕܳܢܺܝܐܶܝܠ ܟܦܳܐ ܐܶܢܽܘܢ ܒܓܰܘ ܒܳܒܶܠ ܡܳܪܰܢ ܬܼܒܰܪ ܐܶܢܽܘܢ ܘܥܽܘܪܳܐ ܥܼܒܰܕ ܐܶܢܽܘܢ
'nwn ebd wewr' 'nwn thbr mrn bbl bgw 'nwn kp' dny'yl 'p w'wsp mtsryn bgw 'nwn kp' zbnyn esr mwsh'
20
ܡܳܐܢ̈ܶܐ ܒ̈ܢܰܝ ܩܽܘܫܬܳܐ ܩܛܺܝܪܳܐ ܡܠܳܐ ܐܶܢܽܘܢ ܘܗܼܶܢܽܘܢ ܠܗܽܘܢ ܣܰܦܶܩܘ̱ ܘܰܚܠܳܦ ܡܶܪܬܳܐ ܕܶܐܫܰܕ ܚܽܘܒܳܐ ܚܰܠܝܳܐ ܘܩܽܘܫܬܳܐ ܗܼܶܢܽܘܢ ܒܗܽܘܢ ܢܣܼܰܟܘ ܬܽܘܒ
thwb nskw bhwn hnwn wqwshth' khly' khwb' d'shd mrth' wkhlp spqw lhwn whnwn 'nwn ml' qTyr' qwshth' bny m'n'
21
ܚܢܰܢ ܕܶܝܢ ܕܦܳܪܽܘܩܰܢ ܫܪܳܪܶܗ ܢܣܼܰܟ ܘܰܡܠܳܢ ܡܳܐܢܳܐ ܟܦܳܐ ܢܰܦܫܶܗ ܘܶܐܬܶܐܫܰܕ ܒܨܶܒܝܳܢܶܗ ܘܰܗܼܦܰܟ ܡܠܳܐ ܥܽܘܒܶܗ ܬܶܛܪܳܐ ܘܚܶܪܝܳܢܳܐ
wkhryn' thTr' ewbh ml' whpk btsbynh w'th'shd npshh kp' m'n' wmln nsk shrrh dprwqn dyn khnn