Nisibis · Chapter 20
Ephrem Nisibis
23 verses
1
ܝܽܘܚܰܢܳܢ ܕܰܫܪܳܓܳܐ ܗ̱ܘܳܐ ܦܰܪܣܺܝ ܘܰܐܟܶܣ ܙ̈ܰܠܺܝܠܶܐ ܣܰܪܗܶܒܘ̱ ܕܰܥܟܽܘܗ̱ܝ ܠܰܫܪܳܓܳܐ ܕܢܶܫܕܽܘܢ ܨܳܒܶܝܢ ܪܶܓܬܗܽܘܢ ܗܘܺܝ ܠܰܡܦܺܐܕܳܐ ܒܙܰܗܝܽܘܬܳܐ ܘܫ̇ܰܠܳܐ ܥ̇ܰܒ̈ܕܰܝ ܚܶܫܽܘܟܳܐ ܕܰܟܡܳܐ ܕܰܢܗܰܪ ܝܽܘܠܦܳܢܳܟ ܠܳܐ ܐ̱ܢܳܫ ܡܰܡܪܰܚ ܕܰܒܕܶܢܚܶܗ ܢܫܰܡܶܫ ܪܶܓܰܬ ܚܶܫܽܘܟܳܐ ܒܪܺܝܟ ܗ̱ܽܘ ܕܥܰܒܼܕܳܟ ܠܰܡܦܺܐܕܰܢ
lmp'dn debdk hw bryk khshwk' rgth nshmsh dbdnkhh mmrkh 'nsh l' ywlpnk dnhr dkm' khshwk' ebdy wshl' bzhywth' lmp'd' hwy rgthhwn tsbyn dnshdwn lshrg' dekwhy srhbw zlyl' w'ks prsy hw' dshrg' ywkhnn
2
ܛܽܘܒܳܐ ܪܰܒܳܐ ܟܣܼܶܐ ܗ̱ܘܳܐ ܒܳܗ̇ ܒܡܰܟܣܳܢܽܘܬܶܗ ܕܶܐܠܺܝܳܐ ܫܰܡܫܶܗ ܐܶܠܺܝܫܰܥ ܘܰܬܒܼܰܥ ܚܰܕ ܬܪܶܝܢ ܐܰܓܪܳܐ ܕܬܶܫܡܶܫܬܶܗ ܫܽܘܦܪܳܐ ܚܰܕ ܬܪܶܝܢ ܝܶܗܒܰܬ ܠܶܗ ܕܒܰܐܥܦܳܐ ܠܳܒܶܫ ܢܶܨ̈ܚܳܢܶܝܗ̇ ܕܰܐܚܶܒܬܶܗ ܠܡܶܣܟܺܢܽܘܬܶܗ ܕܽܘܠܓܰܫ ܪܰܒܳܟ ܥܰܬܺܝܪܳܐ ܬܺܐܪܰܬ ܓܰܙܳܐ ܕܚ̈ܶܟܡܳܬܶܗ ܒܪܺܝܟ ܗ̱ܽܘ ܕܰܡܥܰܬܰܪ ܝܽܘܠܦܳܢܳܟ
ywlpnk dmethr hw bryk dkhkmthh gz' th'rth ethyr' rbk dwlgsh lmsknwthh d'khbthh ntskhnyh lbsh db'ep' lh yhbth thryn khd shwpr' dthshmshthh 'gr' thryn khd wthbe 'lyshe shmshh d'ly' bmksnwthh bh hw' ks' rb' Twb'
3
ܬܶܚܽܘܒ ܝܰܥܢܽܘܬܳܐ ܡܶܢ ܨܰܘܡܳܟ ܐܰܝܟ ܕܰܒܨܰܘܡܶܗ ܕܕܳܢܺܝܐܶܝܠ ܬܶܒܗܼܰܬ ܪܶܓܬܳܐ ܨܶܝܕ ܦܰܓܪܳܟ ܐܰܝܟ ܡܳܐ ܕܰܒܶܗܬܰܬ ܨܶܝܕ ܝܰܘܣܶܦ ܬܶܚܽܘܒ ܡܶܢܳܟ ܪܶܓܰܬ ܟܶܣܦܳܐ ܐܰܝܟ ܡܳܐ ܕܚܳܒܰܬ ܨܶܝܕ ܫܶܡܥܽܘܢ ܬܶܐܣܽܘܪ ܒܰܐܪܥܳܐ ܐܰܟܘܳܬܶܗ ܘܬܶܫܼܪܶܐ ܒܪܰܘܡܳܐ ܒܰܕܡܼܽܘܬܶܗ ܕܗܰܝܡܳܢܽܘܬܳܟ ܐܰܝܟ ܕܺܝܠܶܗ ܒܪܺܝܟ ܕܰܐܫܼܠܶܡ ܠܳܟ ܬܶܫܡܶܫܬܶܗ
thshmshthh lk d'shlm bryk dylh 'yk dhymnwthk bdmwthh brwm' wthshr' 'kwthh b're' th'swr shmewn tsyd dkhbth m' 'yk ksp' rgth mnk thkhwb ywsp tsyd dbhthth m' 'yk pgrk tsyd rgth' thbhth ddny'yl dbtswmh 'yk tswmk mn yenwth' thkhwb
4
ܢܰܟܦܽܘܬܳܟ ܐܰܝܟ ܕܶܐܠܺܝܫܰܥ ܘܰܒܬܽܘܠܽܘܬܳܟ ܕܶܐܺܠܝܳܐ ܩܳܝܡܼܳܐ ܠܥܰܝ̈ܢܰܝܟ ܐܰܝܟ ܕܺܐܝܽܘܒ ܡܪܰܚܡܳܢܽܘܬܳܟ ܐܰܝܟ ܕܰܘܺܝܕ ܘܰܕܠܳܐ ܚܣܰܡ ܐܰܝܟ ܢܰܘܢܳܬܰܢ ܥܰܙܽܝܙܽܘܬܳܟ ܕܶܐܪܰܡܝܳܐ ܒܰܣܺܝܡܽܘܬܳܟ ܕܰܫܠܺܝ̈ܚܶܐ ܠܳܟ ܥܰܬܺܝܩܳܐ ܕܰܢܒ̈ܺܝܶܐ ܠܳܟ ܚ̈ܰܕܬܳܬܳܐ ܕܰܫܠܺܝ̈ܚܶܐ ܒܪܺܝܟ ܕܰܡܠܰܟ ܡܶܢ ܓܰܙܰܝ̈ܗܽܘܢ
gzyhwn mn dmlk bryk dshlykh' khdthth' lk dnby' ethyq' lk dshlykh' bsymwthk d'rmy' ezyzwthk nwnthn 'yk khsm wdl' dwyd 'yk mrkhmnwthk d'ywb 'yk leynyk qym' d'ly' wbthwlwthk d'lyshe 'yk nkpwthk
5
ܬܶܗܘܶܐ ܟܠܺܝܠܳܐ ܠܟܽܘܡܪܽܘܬܳܐ ܘܒܳܟ ܬܶܙܕܰܗܶܐ ܬܶܫܡܶܫܬܳܐ ܬܶܗܘܶܐ ܐܰܚܳܐ ܠܩܰܫ̈ܺܝܫܶܐ ܐܳܦ ܦܳܩܽܘܕܳܐ ܠܫ̈ܰܡܳܫܶܐ ܬܶܗܘܶܐ ܪܰܒܳܐ ܠܫܰܒܪܽܘܬܳܐ ܚܽܘܛܪܳܐ ܘܺܐܝܕܳܐ ܠܣܰܝܒܽܘܬܳܐ ܬܶܗܘܶܐ ܫܽܘܪܳܐ ܠܢ̈ܰܟܦܳܬܳܐ ܩܳܝܡܼܳܐ ܒܩܰܘܡܳܟ ܢܶܬܢܰܨܰܚ ܘܥܺܕ̱ܬܳܐ ܒܫܽܘܦܪܳܟ ܬܶܨܛܰܒܰܬ ܒܪܺܝܟ ܗ̱ܽܘ ܕܰܓܒܳܟ ܕܰܬܟܰܗܶܢ
dthkhn dgbk hw bryk thtsTbth bshwprk wedth' nthntskh bqwmk qym' lnkpth' shwr' thhw' lsybwth' w'yd' khwTr' lshbrwth' rb' thhw' lshmsh' pqwd' 'p lqshysh' 'kh' thhw' thshmshth' thzdh' wbk lkwmrwth' klyl' thhw'
6
ܒܡܶܣܟܺܢܽܘܬܳܟ ܢܶܬܒܰܛܰܠ ܥܺܝܕܳܐ ܣܰܢܝܳܐ ܕܒܶܝܬ ܓܰܚܙܰܝ ܒܩܺܝܫܽܘܬܳܟ ܢܶܬܛܰܠܰܩ ܥܺܝܕܳܐ ܛܰܡܐܳܐ ܕܒܶܝܬ ܥܰܠܺܝ ܒܰܐܘܝܽܘܬܳܟ ܬܽܘܒ ܢܶܬܦܰܟܰܗ ܫܠܳܡܳܐ ܢܟܺܝܠܼܳܐ ܕܣ̈ܶܦܘܳܬܰܢ ܕܶܐܣܟܰܪܝܽܘܛܳܐ ܢܳܟܽܘܠܳܐ ܣܰܘܟܶܝܗ̇ ܠܟܽܠܳܗ̇ ܡܰܚܫܰܒܬܰܢ ܘܨܽܘܪܶܝܗ̇ ܡܶܕܪܺܝܫ ܚܰܕܬܳܐܺܝܬ ܒܪܺܝܟ ܕܰܒܟܽܘܪܳܟ ܨܳܪܶܦ ܠܰܢ
ln tsrp dbkwrk bryk khdth'yth mdrysh wtswryh mkhshbthn lklh swkyh nkwl' d'skrywT' dspwthn nkyl' shlm' nthpkh thwb b'wywthk ely dbyth Tm'' eyd' nthTlq bqyshwthk gkhzy dbyth sny' eyd' nthbTl bmsknwthk
7
ܒܩܰܘܡܳܟ ܢܶܒܗܰܬ ܡܳܡܽܘܢܳܐ ܕܰܗܘܳܐ ܡܳܪܳܐ ܠܚܺܐܪܽܘܬܰܢ ܢܶܬܒܰܛܰܠ ܡܶܢܰܢ ܟܺܐܒܳܐ ܕܰܐܥܺܝܕ ܥܰܡܰܢ ܘܰܒܣܶܡ ܠܰܢ ܒܰܛܶܠ ܥ̈ܰܠܠܳܬܳܐ ܕܶܐܚܰܕ ܥܝ̈ܳܕܶܐ ܕܰܡܠܼܶܝܢ ܚܽܘܣܪ̈ܳܢܶܐ ܩܶܢܬܰܢ ܒܺܝܫܼܬܳܐ ܒܰܥܝܳܕܳܐ ܬܼܰܩܢܰܢ ܛܳܒܬܳܐ ܒܰܥܝܳܕܳܐ ܗܘܺܝ ܡܳܪܝ̱ ܥܠܼܰܬ ܥܽܘܕܪܳܢܰܢ ܒܪܺܝܟ ܕܰܓܒܳܟ ܡܶܛܽܠ ܚܰܝܰܝܢ
khyyn mTl dgbk bryk ewdrnn elth mry hwy beyd' Tbth' thqnn beyd' byshth' qnthn khwsrn' dmlyn eyd' d'khd ellth' bTl ln wbsm emn d'eyd k'b' mnn nthbTl lkh'rwthn mr' dhw' mmwn' nbhth bqwmk
8
ܥܝܳܕ̈ܶܐ ܒܺܝ̈ܫܶܐ ܢܶܬܦܰܣܩܽܘܢ ܥܺܕ̱ܬܳܐ ܢܶܟܣ̈ܶܐ ܠܳܐ ܬܶܩܼܢܶܐ ܘܰܕܬܶܣܦܰܩ ܬܶܩܢܶܐ ܪ̈ܽܘܚܳܬܳܐ ܘܶܐܢ ܗܽܘ ܕܬܶܣܼܦܰܩ ܕܽܘܡܳܪܰܐ ܗ̱ܘ ܘܥܰܙܺܝܕ̈ܶܐ ܠܳܐ ܢܶܬܩ̇ܰܒܪܽܘܢ ܒܰܦܣܳܩ ܣܰܒܪܳܐ ܚܰܢܦܳܐܺܝܬ ܒܢܰܚ̈ܬܶܐ ܘܶܐܠܝܳܐ ܘܡܰܪܩܽܘܕܬܳܐ ܕܚܰܝܳܐ ܠܳܒܶܫ ܟܽܘܬܺܝܢܳܐ ܘܥܰܢܺܝܕܳܐ ܟܽܠܶܗ ܥܰܝܒܳܐ ܒܪܺܝܟ ܕܰܠܥܰܦܪܰܢ ܡܰܗܼܦܶܟ ܠܰܢ
ln mhpk dleprn bryk eyb' klh wenyd' kwthyn' lbsh dkhy' wmrqwdth' w'ly' bnkhth' khnp'yth sbr' bpsq nthqbrwn l' wezyd' hw dwmr' dthspq hw w'n rwkhth' thqn' wdthspq thqn' l' nks' edth' nthpsqwn bysh' eyd'
9
ܪܶܓܬܳܐ ܥܼܶܠܰܬ ܒܺܝܼܫܬܳܐ ܐܳܦ ܝܰܥܢܽܘܬܳܐ ܕܒܶܝܬ ܥܰܠܝ ܘܓܰܢܳܒܽܘܬܳܐ ܕܒܶܝܬ ܓܰܚܙܝ ܡܨܰܥܪܳܢܽܘܬܳܐ ܕܒܶܝܬ ܢܳܒܳܠ ܡܥܺܝ̈ܢܶܐ ܣܰܢܝ̈ܳܬܳܐ ܛܰܡܶܡ ܕܠܳܐ ܢܶܗܘܶܐ ܢܶܒܥܳܐ ܪܰܒܳܐ ܘܢܶܗܘܶܐ ܡܶܢܶܗ ܦܽܘܠܦܳܠܳܐ ܕܳܐܦ ܠܳܟ ܢܶܡܼܛܶܐ ܡܶܢ ܪܶܙܦܶܗ ܡܳܪܰܢ ܢܶܣܟܽܘܪ ܢܶܒ̈ܥܰܝܗܶܝܢ ܒܪܺܝܟ ܕܰܐܘܒܶܫ ܡܰܒܽܘ̈ܥܰܝܗܶܝܢ
mbweyhyn d'wbsh bryk nbeyhyn nskwr mrn rzph mn nmT' lk d'p pwlpl' mnh wnhw' rb' nbe' nhw' dl' Tmm snyth' meyn' nbl dbyth mtsernwth' gkhzy dbyth wgnbwth' ely dbyth yenwth' 'p byshth' elth rgth'
10
ܠܣܳܒܳܐ ܡܶܠܬܳܐ ܐܰܓܥܶܠ ܠܶܗ ܠܛܰܠܝܳܐ ܫܶܬܩܳܐ ܐܰܫܠܶܡ ܠܶܗ ܕܢܽܘܟܪܳܝܳܐ ܕܥܳܐܶܠ ܨܶܐܕܰܝܟ ܡܶܢ ܛܽܘܟܳܣܳܟ ܝܺܠܶܦ ܠܳܟ ܕܡܰܢܽܘ ܡܡܰܠܶܠ ܩܰܕܡܳܝܳܐ ܘܡܼܰܢܽܘ ܕܰܬܪܶܝܢ ܘܰܬܠܳܬܳܐ ܘܶܐܢ ܟܽܠܢܳܫ ܢܳܛܰܪ ܦܽܘܡܶܗ ܘܶܐܢ ܟܽܠܢܳܫ ܝܳܕܰܥ ܕܰܪܓܶܗ ܛܽܘܒܳܢܳܐ ܗܘܰܘ ܩܳܪܶܝܢ ܠܳܟ ܢܶܓܡܽܘܪ ܡܳܪܰܢ ܨܶܒܝܳܢܳܟ
tsbynk mrn ngmwr lk qryn hww Twbn' drgh yde klnsh w'n pwmh nTr klnsh w'n wthlth' dthryn wmnw qdmy' mmll dmnw lk ylp Twksk mn ts'dyk de'l dnwkry' lh 'shlm shthq' lTly' lh 'gel mlth' lsb'
11
ܩܳܠ ܫܪܳܪܳܟ ܚܰܕ ܢܶܗܘܶܐ ܘܩ̈ܳܠܶܐ ܫܐܺܝ̈ܠܶܐ ܕܠܳܐ ܡܶܢܝܳܢ ܨܰܠܡܳܐ ܕܩܽܘܫܬܳܐ ܥܰܠ ܠܶܒܳܟ ܘܥܰܠ ܦܰܪܨܽܘܦܳܟ ܟܽܠ ܕܶܡ̈ܘܳܢ ܟܡܺܝܪܳܐ ܚܘܺܝܚܳܐ ܘܢܰܫܺܝܫܳܐ ܠܕܰܐܣܟܶܠ ܚܰܘܳܐ ܕܰܪܓܺܝܙ ܐܰܢ̱ܬ ܠܕܰܢܟܶܦܼ ܚܰܘܳܐ ܕܰܦܨܺܝܚ ܐܰܢ̱ܬ ܚܰܕ ܗܘܺܝ ܠܰܐܠܳܗܽܘܬܳܐ ܘܰܠܐ̱ܢܳܫܽܘܬܳܐ ܣܰܓܺܝ̈ܐܶܐ ܒܪܺܝܟ ܗ̱ܽܘ ܕܥܰܡ ܟܽܠ ܟܽܠ ܗܘܳܐ
hw' kl kl dem hw bryk sgy'' wl'nshwth' l'lhwth' hwy khd 'nth dptsykh khw' ldnkp 'nth drgyz khw' ld'skl wnshysh' khwykh' kmyr' dmwn kl prtswpk wel lbk el dqwshth' tslm' mnyn dl' sh'yl' wql' nhw' khd shrrk ql
12
ܐܶܢ ܬܶܫܡܼܰܥ ܛܶܒܼܳܐ ܒܼܺܝܫܳܐ ܡܶܢ ܫܰܪ̈ܺܝܪܶܐ ܕܠܶܐ ܡܰܛܥܶܝܢ ܐܰܫܦܰܥ ܕܶܡ̈ܥܶܐ ܕܰܥܶܟܶܝܗ̇ ܠܢܽܘܪܳܐ ܕܣܳܦܼܰܬ ܒܰܐ̱ܚܪ̈ܳܢܶܐ ܢܶܒܥܽܘܢ ܥܰܡܳܟ ܦܳܪ̈ܽܘܫܶܐ ܘܰܓܙܽܘܪ ܨܰܘܡܳܐ ܠܝܳܕܽܘ̈ܥܶܐ ܘܰܒܚܰܫܳܐ ܬܶܗܘܶܐ ܕܰܝܪܳܟ ܥܰܠ ܗܰܘ ܕܶܐܒܼܰܕ ܒܰܚܼܛܺܝܬܳܐ ܕܢܶܬܦܢܶܐ ܒܰܬܝܳܒܽܘܬܳܐ ܒܪܺܝܟ ܕܶܐܫܟܼܰܚ ܥܶܪܒܳܐ ܕܶܐܒܼܰܕ
d'bd erb' d'shkkh bryk bthybwth' dnthpn' bkhTyth' d'bd hw el dyrk thhw' wbkhsh' lydwe' tswm' wgzwr prwsh' emk nbewn b'khrn' dspth lnwr' dekyh dme' 'shpe mTeyn dl' shryr' mn bysh' Tb' thshme 'n
13
ܠܟܽܠܢܳܫ ܐܶܕܢܳܟ ܠܳܐ ܬܶܬܶܠ ܕܠܳܐ ܢܛܺܝܦܽܘܢܳܟ ܕܰܓ̈ܳܠܶܐ ܠܟܽܠܢܳܫ ܪܶܓܠܳܟ ܠܳܐ ܬܶܫܰܐܠ ܕܠܳܐ ܢܰܦܗܽܘܢܳܟ ܙܰܠܺܝ̈ܠܶܐ ܠܟܽܠܢܳܫ ܢܰܦܫܳܟ ܠܳܐ ܬܶܬܶܠ ܕܠܳܐ ܢܕܽܘܫܽܘܢܳܟ ܡܰܪ̈ܳܚܶܐ ܛܰܪ ܐܺܝܕܳܟ ܡܶܢ ܙܺܐܦܳܢܳܐ ܕܠܳܐ ܢܶܠܩܽܘܛ ܟܽܘܒ̈ܶܐ ܒܺܐܝܕܳܟ ܗܘܺܝ ܪܰܚܺܝܩܳܐ ܘܩܰܪܺܝܒܳܐ ܒܪܺܝܟ ܗ̱ܽܘ ܕܩܰܪܺܝܒ ܟܰܕ ܪܰܚܺܝܩ
rkhyq kd dqryb hw bryk wqryb' rkhyq' hwy b'ydk kwb' nlqwT dl' z'pn' mn 'ydk Tr mrkh' ndwshwnk dl' ththl l' npshk lklnsh zlyl' nphwnk dl' thsh'l l' rglk lklnsh dgl' nTypwnk dl' ththl l' 'dnk lklnsh
14
ܗܳܐ ܛܶܒܼܶܗ ܕܡܰܠܟܳܐ ܚܰܕܬܳܐ ܪܳܥܶܡ ܘܳܐܬܶܐ ܒܰܒܪܺܝܬܳܐ ܠܰܒ̈ܙܺܝܙܶܐ ܗܘܼܳܐ ܠܽܘܒܳܒܳܐ ܘܰܠܒ̈ܳܙܽܘܙܶܐ ܣܽܘܪܳܕܳܐ ܓܽܘܥܳܡܳܐ ܕܝ̈ܰܥܢܶܐ ܡ̇ܰܛܺܝ ܕܰܢܬܺܝܒܽܘܢ ܟܽܠ ܡܳܐ ܕܰܒܠܼܰܥܘ̱ ܢܶܬܪܰܗܒܽܘܢ ܐܳܦ ܡܶܢ ܨܶܐܕܰܝܟ ܕܒܶܝܬ ܟܳܗܢܳܐ ܠܡܰܠܟܳܐ ܟܺܐܢܳܐ ܥܗܺܝܕܳܐ ܩ̈ܰܕܡܶܐ ܢܶܬܚܰܢܩܽܘܢ ܒܪܺܝܟ ܕܰܪܓܼܶܙ ܘܰܦܢܳܐ ܪܰܚܶܡ
rkhm wpn' drgz bryk nthkhnqwn qdm' ehyd' k'n' lmlk' khn' dbyth ts'dyk mn 'p nthrhbwn dblew m' kl dnthybwn mTy dyen' gwem' swrd' wlbzwz' lwbb' hw' lbzyz' bbryth' w'th' rem khdth' dmlk' Tbh h'
15
ܐܺܝܬ ܕܶܐܫܼܟܰܚ ܐܰܬܪܳܐ ܘܰܐܫܺܝܚ ܘܺܐܝܬ ܕܰܥܼܨܳܐ ܘܰܐܠܶܨ ܝܰܨܪܶܗ ܚܰܕ ܪܳܢܶܐ ܕܰܢܛܺܝܼܪ ܕܺܝܢܼܳܐ ܘܰܐ̱ܚܪܺܢܳܐ ܕܳܐܦ ܠܳܐ ܗܳܘܶܐ ܐܺܝܬ ܕܰܓܼܢܰܒ ܘܰܐܦܺܝܓ ܨܶܗܝܶܗ ܘܺܐܝܬ ܕܰܓܢܼܰܒ ܘܰܨܗܶܐ ܠܡܶܓܢܰܒ ܓܢܰܒܘ̱ ܥܰܬܺܝܪ̈ܶܐ ܘܡܶܣܟܺܢ̈ܶܐ ܓܢܼܰܒܘ̱ ܕܶܝܢ ܟ̈ܰܦܢܶܐ ܒܰܡܫܽܘܚܬܳܐ ܘܰܓܢܰܒܘ̱ ܣܰܒ̈ܥܶܐ ܕܠܳܐ ܡܽܘܫܳܚܳܐ ܒܪܺܝܟ ܕܰܒܚܰܪ ܟܽܠ ܨܶܒܝܳܢܺܝ̈ܢ
tsbynyn kl dbkhr bryk mwshkh' dl' sbe' wgnbw bmshwkhth' kpn' dyn gnbw wmskn' ethyr' gnbw lmgnb wtsh' dgnb w'yth tshyh w'pyg dgnb 'yth hw' l' d'p w'khrn' dyn' dnTyr rn' khd ytsrh w'lts dets' w'yth w'shykh 'thr' d'shkkh 'yth
16
ܗܳܫܳܐ ܕܶܝܢ ܝܰܗ̱ܒ ܐܰܬܪܳܐ ܘܚܰܘܺܝ ܟܽܠܢܳܫ ܨܒܶܝܳܢܶܗ ܕܰܐܝܟܰܢܳܐ ܘܰܠܡܼܰܢ ܕܳܡܶܐ ܘܡܳܢܳܐ ܓܒܼܳܐ ܠܶܗ ܡܶܢ ܡܳܢܳܐ ܫܩܼܰܠ ܢܶܣܝܳܢܳܐ ܡܶܢ ܟܽܠܢܳܫ ܕܰܡ ܢܶܟܦܽܘܪ ܕܳܐܦ ܠܳܐ ܣܢܳܐ ܗ̱ܘܳܐ ܝܰܗ̱ܒ ܠܰܢ ܐܰܬܪܳܐ ܕܢܶܬܒܰܝܰܢ ܕܛܳܒ ܡܶܢ ܗܳܢܳܐ ܫܽܘܠܛܳܢܳܐ ܩܽܘܦܳܚܳܐ ܡܥܰܕܰܪ ܣܰܓܺܝ ܒܪܺܝܟ ܕܰܠܥܽܘܕܪܳܢ ܟܳܐܶܐ ܒܰܢ
bn k'' dlewdrn bryk sgy medr qwpkh' shwlTn' hn' mn dTb dnthbyn 'thr' ln yhb hw' sn' l' d'p nkpwr dm klnsh mn nsyn' shql mn' mn lh gb' wmn' dm' wlmn d'ykn' tsbynh klnsh wkhwy 'thr' yhb dyn hsh'
17
ܠܳܐ ܓܶܝܪ ܨܳܒܶܐ ܕܒܰܩܛܺܝܪܳܐ ܢܺܝܪܶܗ ܢܰܪܡܶܐ ܥܰܠ ܨܰܘܪܰܢ ܝܰܗ̱ܒ ܠܰܢ ܐܰܬܪܳܐ ܘܶܐܫܬܰܥܠܶܝܢ ܕܳܡܐ ܕܰܡܪܰܕܢܰܢ ܘܶܐܣܬܰܓܰܦܢ ܢܪܰܚܶܡ ܢܺܝܪܶܗ ܩܰܠܺܝܠܳܐ ܢܶܓܼܒܶܐ ܫܰܒܛܶܗ ܒܰܣܺܝܡܳܐ ܢܝ̇ܳܚܰܢ ܣܰܓܺܝ ܡܠܳܐܳܐ ܠܰܢ ܕܒܰܩܛܺܝܪܶܗ ܗܳܝ ܢܺܝܚܽܘܬܳܐ ܘܰܒܢܺܝܪܶܗ ܩܰܠܺܝܠܽܘܬܳܐ ܒܪܺܝܟ ܗ̱ܽܘ ܕܥܰܡܠܶܗ ܒܽܘܣܳܡܰܐ ܗ̱ܘ
hw bwsm' demlh hw bryk qlylwth' wbnyrh nykhwth' hy dbqTyrh ln ml'' sgy nykhn bsym' shbTh ngb' qlyl' nyrh nrkhm w'sthgpn dmrdnn dm' w'shthelyn 'thr' ln yhb tswrn el nrm' nyrh dbqTyr' tsb' gyr l'
18
ܥܳܠܡܳܐ ܟܽܠܶܗ ܐܰܝܟ ܓܽܘܫܡܳܐ ܒܟܽܘܪܗܳܢܳܐ ܪܰܒܳܐ ܢܦܼܰܠ ܗ̱ܘܳܐ ܕܒܶܐܫܳܬܳܗ̇ ܕܚܰܢܦܽܘܬܳܐ ܐܶܫܬܰܚܰܢ ܘܰܡܼܪܰܥ ܘܰܢܦܼܰܠ ܝܰܡܺܝܢܳܐ ܕܪ̈ܰܚܼܡܶܐ ܓܶܫܬܶܗ ܘܥܶܣܼܶܬ ܢܰܦܫܶܗ ܒܰܚܢܼܳܢܳܐ ܦܶܣܩܼܰܬ ܒܰܥܓܰܠ ܚܰܢܦܽܘܬܳܐ ܕܗܼܺܝ ܗܺܝ ܥܶܠܼܰܬ ܟܽܘܪܗܳܢܶܗ ܘܶܐܬܢܰܦܰܨ ܘܰܕܥܼܶܬ ܘܰܦܢܼܳܐ ܫܽܘܒܚܳܐ ܠܺܐܝܼܕܳܐ ܕܰܣܥܰܪܬܶܗ
dserthh l'yd' shwbkh' wpn' wdeth w'thnpts kwrhnh elth hy dhy khnpwth' begl psqth bkhnn' npshh westh gshthh drkhm' ymyn' wnpl wmre 'shthkhn dkhnpwth' db'shthh hw' npl rb' bkwrhn' gwshm' 'yk klh elm'
19
ܬܶܫܬܰܝܰܢ ܐܰܪܥܳܐ ܒܝܰܘ̈ܡܰܝܟ ܕܰܚܙܳܬܳܟ ܕܰܡܠܼܶܐ ܫܰܝܢܐ ܐܰܢ̱ܬ ܒܳܟ ܢܶܬܒ̈ܰܢܝܳܢ ܥܺܕ̈ܳܬܳܐ ܘܢ̈ܶܬܥܰܛܦܳܢ ܬܰܨܒܺܝ̈ܳܬܰܝܗܶܝܢ ܘܢܶܬܦܰܬܚܽܘܢ ܒܗܶܝܢ ܣܳܦܼܪ̈ܰܝܗܶܝܢ ܘܢܶܣܬܰܕܪܽܘܢ ܦܳܬܽܘܪ̈ܰܝܗܶܝܢ ܘܢܶܙܕܰܗܽܘܢ ܫܰܡܳܫܰܝ̈ܗܶܝܢ ܬܰܣܼܰܩ ܠܡܶܢܗܶܝܢ ܬܰܘܕܺܝܬܳܐ ܪܺܝܫܺܝܬܳܐ ܠܡܳܪܶܐ ܫܰܝܢܳܐ ܒܪܺܝܟ ܕܰܡܢܰܚܶܡ ܥܶܗܰܕܬܰܢ
ehdthn dmnkhm bryk shyn' lmr' ryshyth' thwdyth' lmnhyn thsq shmshyhyn wnzdhwn pthwryhyn wnsthdrwn spryhyn bhyn wnthpthkhwn thtsbythyhyn wntheTpn edth' nthbnyn bk 'nth shyn' dml' dkhzthk bywmyk 're' thshthyn
20
ܨܠܽܘܬܳܟ ܬܶܣܼܰܩ ܠܰܫܡܰܝܳܐ ܬܶܣܰܩ ܥܰܡܳܗ̇ ܬܰܪܥܽܘܬܳܐ ܢܰܡܛܰܪ ܡܳܪܳܗ̇ ܕܰܫܡܰܝܳܐ ܛܳܒ̈ܳܬܶܗ ܥܰܠ ܒܺܝܼܫܽܘܬܰܢ ܘܒܽܘ̈ܝܳܐܰܘܗ̱ܝ ܥܰܠ ܥܳܩ̈ܳܬܰܢ ܘܟܽܘܢܳܫܶܗ ܥܰܠ ܒܽܘܕܳܪܰܢ ܢܥܺܝܪ ܛܢܳܢܼܶܗ ܥܰܡ ܚܽܘܒܶܗ ܚܶܣܕܰܢ ܬܶܬܒܰܥ ܟܺܐܢܽܘܬܶܗ ܥܰܘܠܰܢ ܬܶܥܼܛܶܐ ܛܰܝܒܽܘܬܶܗ ܒܪܺܝܟ ܕܰܡܒܰܪܶܟ ܡܰܪܥܺܝܬܶܗ
mreythh dmbrk bryk Tybwthh theT' ewln k'nwthh ththbe khsdn khwbh em Tnnh neyr bwdrn el wkwnshh eqthn el wbwy'why byshwthn el Tbthh dshmy' mrh nmTr threwth' emh thsq lshmy' thsq tslwthk
21
ܕܟܳܗܢܳܐ ܘܡܰܠܟܳܐ ܩܰܕܡܳܝܳܐ ܐܰܝܟ ܒܰܚܕ̈ܳܕܶܐ ܨܺܝܪܺܝܢ ܗ̱ܘܰܘ ܘܰܐܝܟ ܕܰܒ̈ܟܰܦܶܐ ܬܩܺܝܠܺܝܢ ܗ̱ܘܰܘ ܐܳܦ ܘܰܠܓܳܫ ܐܳܦ ܒܰܪ ܡܰܠܟܳܐ ܕܡܰܟܺܝܟܺܝܢ ܗ̱ܘܰܘ ܘܰܒܗܰܝܠܶܝܢ ܢܕܰܡܽܘܢ ܐ̱ܚܪ̈ܳܝܳܐ ܠܰܚܕ̈ܳܕܶܐ ܟܳܗ̈ܢܶܐ ܢܶܗܘܽܘܢ ܢܰܗܺܝܪ̈ܶܐ ܘܰܡܗܰܠܟܳܐ ܢܶܗܘܽܘܢ ܙܰܠܺܝ̈ܩܶܐ ܐܳܦ ܕ̈ܰܝܳܢܶܐ ܙܰܗܪ̈ܺܝܪܶܐ ܒܪܺܝܟ ܗ̱ܽܘ ܕܰܐܢܗܰܪ ܢܰܦܫ̈ܳܬܰܢ
npshthn d'nhr hw bryk zhryr' dyn' 'p zlyq' nhwwn wmhlk' nhyr' nhwwn khn' lkhdd' 'khry' ndmwn wbhylyn hww dmkykyn mlk' br 'p wlgsh 'p hww thqylyn dbkp' w'yk hww tsyryn bkhdd' 'yk qdmy' wmlk' dkhn'
22
ܡܶܢ ܡܰܠܟܽܘܬܳܐ ܢܳܡܽܘ̈ܣܶܐ ܘܡܶܢ ܟܳܗܢܽܘܬܳܐ ܚܽܘ̈ܣܳܝܶܐ ܕܢܰܪܟܶܢ ܬܰܪ̈ܬܰܝܗܶܝܢ ܣܰܢܝܳܐ ܗ̱ܝ ܕܢܰܥܙܶܢ ܬܰܪ̈ܬܰܝܗܶܝܢ ܩܰܫܝܳܐ ܗ̱ܝ ܚܕܳܐ ܬܶܥܰܙ ܘܰܚܕܳܐ ܬܶܒܼܣܰܡ ܒܒܽܘܝܳܢܳܐ ܘܰܒܦܽܘܪܫܳܢܳܐ ܕܶܚܠܳܐ ܒܪ̈ܰܚܡܶܐ ܬܶܬܡܰܙܰܓ ܬܗܶܐ ܟܳܗܢܽܘܬܰܢ ܒܰܣܺܝܡܳܐ ܐܳܦ ܡܰܠܟܽܘܬܰܢ ܥܰܙܺܝܙܳܐ ܒܪܺܝܟ ܕܡܰܙܶܓ ܥܽܘܕܪ̈ܳܢܺܝܢ
ewdrnyn dmzg bryk ezyz' mlkwthn 'p bsym' khnwthn thh' ththmzg brkhm' dkhl' wbpwrshn' bbwyn' thbsm wkhd' thez khd' hy qshy' thrthyhyn dnezn hy sny' thrthyhyn dnrkn khwsy' khnwth' wmn nmws' mlkwth' mn
23
ܢܨܰܠܽܘܢ ܟܳܗ̈ܢܶܐ ܥܰܠ ܡܰܠܟ̈ܶܐ ܕܢܶܗܘܽܘܢ ܫܽܘܪܳܐ ܠܐ̱ܢܳܫܽܘܬܳܐ ܡܶܢ ܨܶܝܕ ܡܰܠܟ̈ܶܐ ܙܳܟܽܘܬܳܐ ܘܡܶܢ ܟܳܗ̈ܢܶܐ ܗܰܝܡܳܢܽܘܬܳܐ ܙܳܟܽܘܬܳܐ ܢܶܬܢܰܛܰܪ ܦܰܓܪ̈ܶܐ ܘܗܰܝܡܳܢܽܘܬܳܐ ܢܰܦܫ̈ܳܬܳܐ ܡ̈ܰܠܟܶܐ ܢܶܫܠܽܘܢ ܬܰܟܬܽܘܫܳܐ ܟܳܗ̈ܢܶܐ ܢܶܫܠܽܘܢ ܥܽܘܩܳܒܳܐ ܕܪܺܝܫܳܐ ܘܩܺܐܪܣܳܐ ܢܶܬܒܰܛܰܠ ܒܪܺܝܟ ܝܰܠܕܶܗ ܕܰܡܫܶܝܢ ܟܽܠ ܫܽܘܒܚܳܐ ܠܳܟ ܥܰܠ ܡܰܘܗܰܒܬܳܟ
mwhbthk el lk shwbkh' kl dmshyn yldh bryk nthbTl wq'rs' drysh' ewqb' nshlwn khn' thkthwsh' nshlwn mlk' npshth' whymnwth' pgr' nthnTr zkwth' hymnwth' khn' wmn zkwth' mlk' tsyd mn l'nshwth' shwr' dnhwwn mlk' el khn' ntslwn