Nisibis · Chapter 2
Ephrem Nisibis
20 verses
1
ܐܶܬܦܰܬܰܚܘ̱ ܒܗܳܢ ܝܰܘܡܳܐ ܦܽܘܡ̈ܶܐ ܠܡܰܘܕܳܝܽܘ ܦܶܬܚ̈ܶܐ ܕܬܽܘܪ̈ܥܳܬܳܐ ܠܦܽܘܡ̈ܶܐ ܕܰܒ̈ܢܰܝ ܦܬܰܚܘ̱ ܐܰܘܕܺܝܘ ܠܚܰܢܳܢܳܐ ܕܦܰܪܩܳܗ̇ ܠܐ̱ܢܳܫܽܘܬܰܢ ܘܠܳܐ ܚܳܪ ܒܗܰܘ ܥܶܕܳܢ ܕܢܶܦܪܥܰܢ ܚܽܘܒ̈ܳܠܶܐ ܕܰܐܪܡܺܝܢ ܗ̱ܘܰܘ ܠܰܢ ܕܶܐܬܥܺܝܪܘ̱ ܕܢܶܫܒܽܘܢܳܢ ܛܰܥܡܽܘܗ̇ ܒܦܽܘܪܩܳܢܰܢ ܥܳܠܡ̈ܶܐ ܠܛܰܝܒܽܘܬܳܟ
lTybwthk elm' bpwrqnn Temwh dnshbwnn d'theyrw ln hww d'rmyn khwbl' dnpren edn bhw khr wl' l'nshwthn dprqh lkhnn' 'wdyw pthkhw dbny lpwm' dthwreth' pthkh' lmwdyw pwm' ywm' bhn 'thpthkhw
2
ܦܰܪܩܰܢ ܕܠܳܐ ܫܽܘܪܳܐ ܘܰܐܠܶܦ ܕܫܽܘܪܰܢ ܗ̱ܽܘ ܦܰܪܩܰܢ ܕܠܳܐ ܡܰܠܟܳܐ ܘܰܐܘܕܰܥ ܕܡܰܠܟܰܢ ܗ̱ܽܘ ܦܰܪܩܰܢ ܒܟܽܠ ܡܶܢ ܟܽܠ ܘܚܰܘܺܝ ܕܗܽܘܝܽܘ ܟܽܠ ܦܰܪܩܰܢ ܒܛܰܝܒܽܘܬܶܗ ܘܬܽܘܒ ܓܠܳܐ ܕܡܰܓܳܢ ܚܳܢ ܘܰܐܚܺܝ ܡܶܢ ܟܽܠ ܕܡܶܫܬܰܒܗܰܪ ܫܰܩܠܶܗ ܠܫܽܘܒܗܳܪܳܐ ܘܝܰܗܒܶܗ ܠܛܰܝܒܽܘܬܶܗ
lTybwthh wyhbh lshwbhr' shqlh dmshthbhr kl mn w'khy khn dmgn gl' wthwb bTybwthh prqn kl dhwyw wkhwy kl mn bkl prqn hw dmlkn w'wde mlk' dl' prqn hw dshwrn w'lp shwr' dl' prqn
3
ܪܰܥܡܳܐ ܕܟܽܠ ܦܽܘ̈ܡܺܝܢ ܙܥܽܘܪ ܗ̱ܽܘ ܠܬܰܘܕܺܝܬܳܟ ܕܰܒܫܳܥܬܳܐ ܕܛܰܦܛܶܦ ܢܽܘܗܪܰܢ ܘܗܳܐ ܕܢܶܕܥܰܟ ܒܰܕܟܽܠ ܦܫܽܝܩ ܗ̱ܽܘ ܠܳܟ ܡܶܢ ܫܶܠܝ ܢܒܰܗ ܘܰܐܙܠܶܓ ܡܰܢܽܘ ܚܼܙܳܐ ܬܰܪ̈ܬܶܝܢ ܬܶܕܡܪ̈ܳܢ ܕܥܰܡܶܗ ܕܰܦܣܰܩ ܣܰܒܪܳܐ ܬܟܶܒ ܗ̱ܘܳܐ ܘܰܣܓܼܺܝ ܣܰܒܪܳܐ ܫܳܥܬܳܐ ܕܝ̈ܰܠܠܳܬܳܐ ܗܶܦܟܰܬ ܠܰܣܒܰܪܬܳܐ
lsbrth' hpkth dyllth' sheth' sbr' wsgy hw' thkb sbr' dpsq demh thdmrn thrthyn khz' mnw w'zlg nbh shly mn lk hw pshyq bdkl dndek wh' nwhrn dTpTp dbsheth' lthwdythk hw zewr pwmyn dkl rem'
4
ܝܰܘܡܰܐ ܗ̱ܘ ܕܥܰܕܥܺܕܳܐ ܕܒܶܗ ܗ̱ܽܘ ܬܰܠܝ̈ܳܢ ܥܺܐܕ̈ܶܐ ܕܶܐܠܽܘ ܫܒܳܢ ܪܽܘܓܙܳܐ ܗܳܐ ܒܼܰܛܶܠܘ̱ ܐܳܦ ܥܰܕܥܺܐܕ̈ܺܝܢ ܕܰܢܨܰܚ ܙܟܳܐ ܫܰܝܢܰܢ ܗܳܐ ܪܳܥܡܺܝܢ ܥܺܐܕ̈ܺܝܢ ܗܳܢܳܐ ܝܰܘܡܳܐ ܒܪܺܝܟܳܐ ܛܥܺܝܢ ܠܟܽܠ ܒܶܗ ܗܽܘ ܬܠܶܐ ܟܳܪܟܳܐ ܒܟܳܪܟܳܐ ܬܠܶܐ ܥܰܡܳܐ ܒܥܰܡܳܐ ܬܠܶܐ ܫܰܝܢܳܐ ܒܫܰܝܢܳܐ ܬܠܶܐ ܟܽܘܠܳܐ
kwl' thl' bshyn' shyn' thl' bem' em' thl' bkrk' krk' thl' hw bh lkl Teyn bryk' ywm' hn' e'dyn remyn h' shynn zk' dntskh ede'dyn 'p bTlw h' rwgz' shbn d'lw e'd' thlyn hw dbh deded' hw ywm'
5
ܡܶܢܗܶܝܢ ܕܬܽܘܪ̈ܥܳܬܳܐ ܐܰܣܓܺܝܬ ܢܶܨܚ̈ܳܢܶܐ ܫܽܘܒܚܳܐ ܠܰܬܠܺܝܬܳܝܳܐ ܣܼܠܶܩ ܡܶܢ ܬܠܳܬ ܬܽܘܪ̈ܥܰܢ ܕܰܢܚܼܶܬ ܘܣܳܓ ܐܶܢܶܝ̈ܢ ܒܪ̈ܰܚܡܶܐ ܕܰܟܠܰܘ ܪܽܘܓܙܳܐ ܡܚܳܐ ܗ̱ܘܳܐ ܠܰܕܠܳܐ ܐܺܝܠܰܦ ܕܢܰܠܦܰܢ ܐܰܠܶܦ ܠܓܰܘ̈ܳܝܶܐ ܕܟܺܐܢܰܐ ܗ̱ܘ ܬܼܪܰܥ ܐܶܢܶܝܢ ܐܰܠܶܦ ܠܒܰܪ̈ܳܝܶܐ ܕܛܳܒܰܐ ܗ̱ܘ ܣܳܓ ܐܶܢܶܝܢ
'nyn sg hw dTb' lbry' 'lp 'nyn thre hw dk'n' lgwy' 'lp dnlpn 'ylp ldl' hw' mkh' rwgz' dklw brkhm' 'nyn wsg dnkhth thwren thlth mn slq lthlythy' shwbkh' ntskhn' 'sgyth dthwreth' mnhyn
6
ܡܼܰܠܶܠܘ ܘܗܰܒܘ̱ ܫܽܘܒܚܳܐ ܦܪ̈ܺܝܩܰܝ ܒܗܳܢ ܝܰܘܡܳܐ ܣ̈ܳܒܶܐ ܘܓܰܕ̈ܽܘܕܶܐ ܥܠܰܝܡ̈ܶܐ ܘܰܥܠܰܝܡ̈ܳܬܳܐ ܫܰܒܪ̈ܶܐ ܘܬܰܡܺܝ̈ܡܶܐ ܘܥܺܕ̱ܬܳܐ ܐܶܡܳܐ ܕܟܳܪܟܳܐ ܣ̈ܒܶܐ ܓܶܝܪ ܡܶܢ ܫܶܒܝܳܐ ܐܶܬܚܰܣܰܟܘ̱ ܥܠܰܝܡ̈ܶܐ ܡܶܢ ܫܽܘܢܕܳܐ ܘܥܽܘ̈ܠܶܐ ܡܶܢ ܫܽܘܩܦܳܐ ܢܶܫ̈ܶܐ ܡܶܢ ܦܽܘܪܣܝܳܐ ܘܥܺܕ̱ܬܳܐ ܡܶܢ ܒܽܘܙܚܳܐ
bwzkh' mn wedth' pwrsy' mn nsh' shwqp' mn wewl' shwnd' mn elym' 'thkhskw shby' mn gyr sb' dkrk' 'm' wedth' wthmym' shbr' welymth' elym' wgdwd' sb' ywm' bhn pryqy shwbkh' whbw mllw
7
ܐܶܬܳܐ ܠܰܢ ܒܩܰܫ̈ܝܳܬܳܐ ܕܚܶܠܢܰܢ ܡܠܶܐ ܥܰܝ̈ܢܶܐ ܘܶܐܬܳܐ ܒܢܺܝܚ̈ܳܬܳܐ ܫܦܰܪܢܰܢ ܡܠܶܐ ܫܳܥܳܐ ܐܰܗܡܺܝ ܘܦܳܫ ܩܰܠܺܝܠ ܛܥܰܝܢܰܢ ܕܠܳܐ ܣܳܟܳܐ ܐܰܝܟ ܚܰܝܽܘܬܳܐ ܕܫܶܢܶܐ ܕܝܳܠܦܳܐ ܒܫܶܕܠܳܐ ܘܕܽܘܚܳܠܳܐ ܘܶܐܢܗܽܘ ܕܰܐܗܡܺܝܘ ܡܶܢܳܗ̇ ܡܶܪܕܰܬ ܛܥܳܬ ܘܰܗܘܳܬ ܣܳܪܽܘܚܬܳܐ ܒܫܰܝܢܳܐ
bshyn' srwkhth' whwth Teth mrdth mnh d'hmyw w'nhw wdwkhl' bshdl' dylp' dshn' khywth' 'yk sk' dl' Teynn qlyl wpsh 'hmy she' ml' shprnn bnykhth' w'th' eyn' ml' dkhlnn bqshyth' ln 'th'
8
ܦܰܪܥܰܢ ܘܠܳܐ ܕܚܶܠܢܰܢ ܦܰܪܩܰܢ ܘܠܳܐ ܒܗܶܬܢܰܢ ܚܰܨܰܢ ܣܓܺܝܘ ܢܶܕܪ̈ܶܐ ܪܰܦܺܝ ܣܓܺܝܘ ܚܰܘ̈ܒܶܐ ܕܰܐܠܨܰܢ ܗܘܳܬ ܬܶܢܘܰܝ ܕܰܐܪܘܰܚ ܗܼܘܳܬ ܛܽܘܥܝܰܝ ܐܶܬܪܡܺܝ ܟܰܕ ܝܳܕܰܥ ܠܰܢ ܕܢܰܫܪܰܢ ܒܪܰܡܫܳܐ ܐܰܩܺܝܡܢ ܚܢܰܢ ܠܶܗ ܒܨܰܦܪܳܐ ܗܦܰܟܢ ܚܢܰܢ ܒܶܗ ܩܛܺܝܪܳܐ ܥܒܼܰܪ ܡܶܢܰܢ ܫܪܳܪܳܐ ܥܼܒܰܪ ܡܶܢܰܢ
mnn ebr shrr' mnn ebr qTyr' bh khnn hpkn btspr' lh khnn 'qymn brmsh' dnshrn ln yde kd 'thrmy Tweyy hwth d'rwkh thnwy hwth d'ltsn khwb' sgyw rpy ndr' sgyw khtsn bhthnn wl' prqn dkhlnn wl' pren
9
ܪܰܒܨܰܢ ܒܬܽܘܪ̈ܥܳܬܳܐ ܕܢܶܦܪܽܘܥ ܠܚܰܘܒ̈ܳܬܰܢ ܬ̈ܶܠܳܠܶܐ ܙܩܼܰܦ ܕܰܒܗܽܘܢ ܢܡܰܟܶܟ ܠܫܽܘܒܗܳܪܰܢ ܝܰܡ̈ܡܶܐ ܬܼܪܰܥ ܕܰܒܗܽܘܢ ܢܫܺܝܓܶܗ ܠܦܽܘܠܦܳܠܰܢ ܚܰܒܫܰܢ ܕܢܶܬܟܰܢܰܫ ܒܗܰܝܟܠܶܗ ܚܰܒܫܰܢ ܕܥܶܟܢܰܢ ܠܰܢ ܦܬܼܰܚ ܠܰܢ ܦܗܰܝܢ ܚ̱ܢܰܢ ܠܰܢ ܠܥܰܡܪܳܐ ܕܡܶܝܢ ܚܢܰܢ ܠܰܢ ܕܣܳܠܶܩ ܒܟܽܘܠ ܓܰܘ̈ܳܢܺܝܢ
gwnyn bkwl dslq ln khnn dmyn lemr' ln khnn phyn ln pthkh ln deknn khbshn bhyklh dnthknsh khbshn lpwlpln nshygh dbhwn thre ymm' lshwbhrn nmkk dbhwn zqp thll' lkhwbthn dnprwe bthwreth' rbtsn
10
ܢܶܕܰܥ ܕܛܽܘܒ̈ܳܢܶܐ ܒ̈ܢܰܝ ܢܺܝ̈ܢܘܶܐ ܟܰܕ ܬܳܒܘ̱ ܠܳܐ ܗ̱ܘܳܐ ܒܬ̈ܶܠܠܶܐ ܬܳܒܘ̱ ܘܳܐܦ ܠܳܐ ܒܝܰܕ ܝܰܡܡ̈ܶܐ ܠܳܐ ܗ̱ܘܳܐ ܒܬܽܘܪܥܳܬܳܐ ܐܳܦ ܠܳܐ ܒܩ̈ܶܫܬܳܬܳܐ ܠܳܐ ܗ̱ܘܳܐ ܡܶܢ ܩܳܠ ܝܰܬܪܳܐ ܕܚܶܠܘ̱ ܘܬܳܒܘ̱ ܩܳܠܳܐ ܫܡܼܰܥܘ̱ ܫܺܝܛܳܐ ܐܰܨܺܝܡܘ̱ ܠܥܰܘ̈ܠܰܝܗܽܘܢ ܢܰܟܶܦܘ̱ ܥܠܰܝܡܰܝ̈ܗܽܘܢ ܡܰܟܶܟܘ̱ ܠܡ̈ܰܠܟܰܝܗܽܘܢ
lmlkyhwn mkkw elymyhwn nkpw lewlyhwn 'tsymw shyT' shmew ql' wthbw dkhlw ythr' ql mn hw' l' bqshthth' l' 'p bthwreth' hw' l' ymm' byd l' w'p thbw bthll' hw' l' thbw kd nynw' bny dTwbn' nde
11
ܡܚܰܝܬܳܢ ܘܙܰܕܶܩܢܰܢ ܕܠܳܐ ܗ̱ܘܳܐ ܥܪܺܝܨܳܐܺܝܬ ܦܪܰܩܬܳܢ ܘܰܐܘܕܺܝܢ ܚܢܰܢ ܕܠܳܐ ܚܰܘܳܐ ܕܫܳܘܶܝܢ ܗܘܰܝܢ ܚܰܢܬܳܢ ܘܠܰܘ ܕܰܛܥܺܝܬ ܘܰܣܒܪܰܬ ܕܬܳܒܰܢ ܚܢܰܢ ܠܰܢ ܓܠܶܐ ܗܽܘ ܠܳܟ ܕܡܳܐ ܕܚܰܢܬܳܢ ܛܥܰܝܢ ܠܰܢ ܝܺܕܰܥܬ ܕܰܚܼܛܰܝܢܰܢ ܘܺܝܕܰܥܬ ܕܚܳܛ̇ܝܺܝܢ ܚܢܰܢ ܒܥܰܘܠܳܐ ܕܗܘܼܳܐ ܘܗܳܘܶܐ ܡܰܦܳܣ ܗܘܰܝܬ ܟܰܕ ܚܰܢܬܳܢ
khnthn kd hwyth mps whw' dhw' bewl' khnn dkhTyyn wydeth dkhTynn ydeth ln Teyn dkhnthn dm' lk hw gl' ln khnn dthbn wsbrth dTeyth wlw khnthn hwyn dshwyn khw' dl' khnn w'wdyn prqthn eryts'yth hw' dl' wzdqnn mkhythn
12
ܦܳܚ̇ܶܡ ܬܝܳܒܽܘܬܰܢ ܕܬܶܥܠܽܘܒ ܠܚܰܘܒ̈ܳܬܰܢ ܐܳܦ ܠܳܐ ܒܫܰܘܝܽܘܬܳܐ ܪܺܝܫ ܒܪܺܝܫ ܣܠܶܩ ܟܰܝܠܳܐ ܕܰܐܣܓܺܝ ܢܼܛܰܠ ܥܰܘܠܰܢ ܘܰܙܠܳܬ ܬܝܳܒܽܘܬܰܢ ܦܩܰܕ ܗ̱ܘܳܐ ܕܢܶܙܕܰܒܰܢ ܒܚܰܘܒܬܰܢ ܣܢܺܓܪܰܢ ܗ̱ܘܳܐ ܚܢܳܢܶܗ ܩܰܪܢܳܐ ܘܪܰܒܰܝܬܳܐ ܦܪܰܥܢ ܚܢܰܢ ܫܳܡܽܘܢܳܐ ܕܰܐܘܛܳܬ ܬܝܳܒܽܘܬܰܢ
thybwthn d'wTth shmwn' khnn pren wrbyth' qrn' khnnh hw' sngrn bkhwbthn dnzdbn hw' pqd thybwthn wzlth ewln nTl d'sgy kyl' slq brysh rysh bshwywth' l' 'p lkhwbthn dthelwb thybwthn pkhm
13
ܪܶܒܽܘ ܒܶܟܪ̈ܺܝܢ ܒܰܙܥܽܘܪ ܚܰܘܒܬܳܐ ܫܒܰܩ ܗ̱ܘܳܐ ܠܰܢ ܕܢܶܬܒܰܥ ܢܩܳܐ ܗ̱ܘܳܐ ܛܳܒ ܕܰܢܢܺܝܚ ܠܟܺܐܢܽܘܬܶܗ ܕܢܶܫܒܽܘܒ ܐܰܠܺܝܨ ܗ̱ܘܳܐ ܬܽܘܒ ܕܢܰܦܨܰܚ ܠܛܰܝܒܽܘܬܶܗ ܕܶܡܥ̈ܶܐ ܡܠܶܐ ܥܰܝ̈ܢܶܐ ܝܳܗܒܳܢ ܠܶܗ ܫܰܓܶܫ ܠܟܺܐܢܽܘܬܶܗ ܒܕܰܬܒܰܥ ܫܒܰܩ ܣܰܓܺܝ
sgy shbq bdthbe lk'nwthh shgsh lh yhbn eyn' ml' dme' lTybwthh dnptskh thwb hw' 'lyts dnshbwb lk'nwthh dnnykh Tb hw' nq' dnthbe ln hw' shbq khwbth' bzewr bkryn rbw
14
ܪܶܒܽܘ ܚ̈ܰܘܒܰܢ ܕܰܫܒܼܰܩ ܪܶܒܽܘ ܕܠܶܫ̈ܳܢܰܝܢ ܠܳܐ ܡܶܫܟܚܺܝܢ ܡܰܘܦܺܝܢ ܠܽܘܩܒܰܠ ܛܰܝܒܽܘܬܶܗ ܫܒܰܩ ܠܰܢ ܘܠܳܐ ܫܒܰܩܢܰܢ ܦܪܰܥܢܳܝܗ̱ܝ ܗܰܦܟܳܐܺܝܬ ܥܰܘܠܳܐ ܕܰܚܛܳܐ ܟܬܰܒܢܳܝܗ̱ܝ ܡܶܢܕܪܺܝܫ ܫܒܽܘܩ ܡܳܪܝ̱ ܓܳܥܶܝܢܰܢ ܚܢܰܢ ܬܒܰܥ ܡܳܪܝ̱ ܡܨܰܠܶܝܢ ܚܢܰܢ ܫܒܽܘܩ ܠܰܡ ܕܰܐܣܟܠܰܢ ܚܢܰܢ ܬܒܰܥ ܠܰܡ ܕܡܰܣܟܶܠ ܒܰܢ
bn dmskl lm thbe khnn d'skln lm shbwq khnn mtslyn mry thbe khnn geynn mry shbwq mndrysh kthbnyhy dkhT' ewl' hpk'yth prenyhy shbqnn wl' ln shbq Tybwthh lwqbl mwpyn mshkkhyn l' dlshnyn rbw dshbq khwbn rbw
15
ܐܳܦ ܠܳܐ ܐܰܝܟ ܒܰܪ̈ܳܝܶܐ ܥܡܰܠܢ ܚܢܰܢ ܚܠܳܦ ܢܰܦܫܰܢ ܗܼܶܢܽܘܢ ܐܰܪܺܝܡܘ̱ ܬ̈ܶܠܠܶܐ ܚܢܰܢ ܕܶܝܢ ܐܳܦ ܠܳܐ ܩ̈ܳܠܶܐ ܗܶܢܽܘܢ ܫܪܰܘ ܫܽܘܪܳܐ ܚܢܰܢ ܕܶܝܢ ܐܳܦ ܠܳܐ ܩܶܛܪ̈ܶܐ ܕܠܺܝ̈ܠܶܐ ܕܰܒܓܰܘ ܠܶܒܰܢ ܫܪܰܝܢ ܗܘܰܝܢ ܛܠܼܶܡ ܗ̱ܘܳܐ ܠܟܰܫܺܝܪ̈ܶܐ ܡܶܛܽܠ ܚ̈ܒܰܢܳܢܶܐ ܥܰܡܠܳܐ ܛܠܼܶܡ ܕܰܠܒܰܪ ܟܰܕ ܗܼܽܘ ܛܠܺܝܡ ܡܶܢ ܓܰܘ
gw mn Tlym hw kd dlbr Tlm eml' khbnn' mTl lkshyr' hw' Tlm hwyn shryn lbn dbgw dlyl' qTr' l' 'p dyn khnn shwr' shrw hnwn ql' l' 'p dyn khnn thll' 'rymw hnwn npshn khlp khnn emln bry' 'yk l' 'p
16
ܐܰܪܦܺܝ ܠܡ̈ܰܠܳܠܶܐ ܘܰܡܚܳܐ ܠܫ̈ܰܬܺܝܩܶܐ ܫܽܘܪܳܐ ܡܶܬܢܰܓܰܕ ܗ̱ܘܳܐ ܘܥܰܡܳܐ ܡܶܬܚܰܟܰܡ ܗ̱ܘܳܐ ܚܳܣ ܠܶܗ ܥܰܠ ܚܶܫܽܘ̈ܫܶܐ ܡܚܳܐ ܗ̱ܘܳܐ ܠܰܕܠܳܐ ܚܳܐܶܫ ܚܠܳܦ ܓܶܝܪ ܢܰܦܫ̈ܳܬܳܐ ܕܪܶܓܫܰܢ ܠܟܺܐܦܳܐ ܕܠܳܐ ܪܶܓܫܬܳܐ ܡܚܳܐ ܗ̱ܘܳܐ ܕܠܰܢ ܢܶܪܕܶܐ ܒܚܽܘܒܶܗ ܫܒܰܩ ܓܽܘܫܡܰܢ ܘܰܪܗܶܛ ܡܚܳܐ ܫܽܘܪܰܢ
shwrn mkh' wrhT gwshmn shbq bkhwbh nrd' dln hw' mkh' rgshth' dl' lk'p' drgshn npshth' gyr khlp kh'sh ldl' hw' mkh' khshwsh' el lh khs hw' mthkhkm wem' hw' mthngd shwr' lshthyq' wmkh' lmll' 'rpy
17
ܡܼܰܢܽܘ ܚܼܙܳܐ ܕܰܗܘܳܬ ܬܽܘܪܰܥܬܳܐ ܐܰܝܟ ܡܰܚܙܺܝܬܳܐ ܚܳܪܘ̱ ܒܳܗ̇ ܬܪ̈ܶܝܢ ܓܰܒ̈ܺܝܢ ܫܰܡܫܰܬ ܠܒܰܪ ܘܰܠܓܰܘ ܚܙܰܘ ܒܳܗ̇ ܐܰܝܟ ܕܰܒܥܰܝ̈ܢܶܐ ܠܚܰܝܠܳܐ ܕܰܬܒܼܰܪ ܘܰܥܼܨܰܒ ܚܙܰܐܘܽܗ̱ܝ ܕܰܬܪܰܥ ܗ̱ܘܳܐ ܘܬܽܘܒ ܣܳܓ ܒܰܪ̈ܳܝܶܐ ܚܙܰܘ ܬܽܘܩܦܶܗ ܐܰܫܩܶܠܘ̱ ܘܠܳܐ ܪܰܡ̇ܶܫܘ̱ ܓܰܘ̈ܳܝܶܐ ܚܙܰܘ ܥܶܕܪܶܗ ܐܰܘܕܺܝܘ ܘܠܳܐ ܐܰܘܦܺܝܘ
'wpyw wl' 'wdyw edrh khzw gwy' rmshw wl' 'shqlw thwqph khzw bry' sg wthwb hw' dthre khz'why wetsb dthbr lkhyl' dbeyn' 'yk bh khzw wlgw lbr shmshth gbyn thryn bh khrw mkhzyth' 'yk thwreth' dhwth khz' mnw
18
ܝܰܘܡܳܐ ܕܦܽܘܪܩܳܢܶܟܝ̱ ܢܥܺܝܪܶܗ ܠܛܽܘܒܳܥܶܟܝ̱ ܟܰܕ ܐܶܬܬܪܰܥ ܫܽܘܪܳܐ ܘܟܰܕ ܬܳܟܒܝܢ ܦܺܝ̈ܠܶܐ ܟܰܕ ܡܳܛܪ̈ܺܝܢ ܓܶܐܪ̈ܶܐ ܘܟܰܕ ܡܚܰܨܦܺܝܢ ܓܰܒܪ̈ܶܐ ܚܙܳܬܳܐ ܠܰܫܡܰܝ̈ܳܢܶܐ ܗܘܼܳܬ ܗ̱ܘܳܬ ܥܽܘܠܳܐ ܐܰܩܪܶܒ ܬܰܡܳܢ ܚܢܳܢܳܐ ܢܨܰܚ ܬܰܡܳܢ ܪ̈ܰܚܡܶܐ ܙܟܰܘ ܡܶܢ ܬܚܶܬ ܥܺܝܪ̈ܶܐ ܩܥܰܘ ܡܶܢ ܠܥܶܠ
lel mn qew eyr' thkhth mn zkw rkhm' thmn ntskh khnn' thmn 'qrb ewl' hwth hwth lshmyn' khzth' gbr' mkhtspyn wkd g'r' mTryn kd pyl' thkbyn wkd shwr' 'ththre kd lTwbeky neyrh dpwrqnky ywm'
19
ܘܰܠܐܺܝ ܒܥܶܠܕܳܪܶܟܝ̱ ܕܢܰܟܶܐ ܒܨ̈ܶܢܥܳܬܶܗ ܠܫܽܘܪܳܐ ܕܚܰܕܰܪ ܠܶܟܝ̱ ܓܰܘܣܳܐ ܕܥܳܡܽܘܪ̈ܰܝܟܝ̱ ܘܰܠܐܺܝ ܘܠܳܐ ܐܶܫܟܰܚ ܘܡܶܛܽܠ ܕܠܳܐ ܢܶܣܼܒܰܪ ܕܶܐܠܽܘ ܬܼܪܰܥ ܐܳܦ ܥܰܠ ܘܠܰܢ ܫܼܒܳܐ ܬܰܪܥܶܗ ܘܠܳܐ ܒܰܚܕܳܐ ܘܰܒܗܶܬ ܘܠܳܐ ܟܰܕܽܘ ܥܕܰܡܳܐ ܬܠܳܬ ܙܰܒܢܺܝ̈ܢ ܕܢܶܒܗܰܬ ܬܠܳܬ ܒܰܬܠܳܬ
bthlth thlth dnbhth zbnyn thlth edm' kdw wl' wbhth bkhd' wl' threh shb' wln el 'p thre d'lw nsbr dl' wmTl 'shkkh wl' wl'y demwryky gws' lky dkhdr lshwr' btsnethh dnk' beldrky wl'y
20
ܢܶܣܓܶܐ ܐܳܦ ܠܺܝ ܒܓܰܘܶܟܝ̱ ܛܽܘܒܳܐ ܒܛܰܝܒܽܘܬܳܐ ܕܰܣܓܺܝܘ ܒܶܟܝ̱ ܚܰܘ̈ܒܰܝ ܢܶܣܓܽܘܢ ܒܶܟܝ̱ ܦܺܐܪ̈ܰܝ ܘܰܕܒܶܟܝ̱ ܚܛܳܬ ܛܰܠܝܽܘܬܝ̱ ܒܶܟܝ̱ ܬܶܬܚܢܰܢ ܣܰܝܒܽܘܬܝ̱ ܒܦܽܘܡܳܐ ܕܰܒ̈ܢܰܝܟܝ̱ ܒܥܳܝ ܥܰܠ ܒܪܶܟܝ̱ ܕܰܚܛܺܝܬ ܠܒܰܪ ܡܶܢ ܚܰܝܠܝ̱ ܘܬܳܒܶܬ ܒܨܺܝܪ ܡܶܢ ܚܰܝܠܝ̱ ܒܰܕܪܶܬ ܕܠܳܐ ܟܰܝܠܳܐ ܘܟܰܢܫܶܬ ܒܨܺܝܪ ܟܰܝܠܳܐ
kyl' btsyr wknshth kyl' dl' bdrth khyly mn btsyr wthbth khyly mn lbr dkhTyth brky el bey dbnyky bpwm' sybwthy ththkhnn bky Tlywthy khTth wdbky p'ry bky nsgwn khwby bky dsgyw bTybwth' Twb' bgwky ly 'p nsg'