Nisibis · Chapter 16
Ephrem Nisibis
12 verses
1
ܐܰܦܶܣ ܡܳܪܝ̱ ܐܳܦ ܠܰܙܥܽܘܪܽܘܬܝ̱ ܕܬܶܪܡܶܐ ܒܓܰܙܳܟ ܫܳܡܽܘܢܳܗ̇ ܐܰܝܟ ܬܰܓܳܪܳܐ ܕܡܰܪܥܺܝܬܰܢ ܕܪܰܒܺܝ ܟܰܟܰܪ ܝܽܘܠܦܳܢܳܟ ܘܰܦܼܪܰܫ ܘܰܢܦܼܰܩ ܠܰܠܡܺܐܢܳܟ ܐܶܡܰܠܶܠ ܥܰܠ ܥܰܠܳܢܶܗ ܕܗܼܳܘܶܐ ܪܺܝܫܳܐ ܠܡܰܪܥܺܝܬܳܐ ܬܰܠܡܺܝܕܳܐ ܗ̱ܘܳܐ ܕܰܬܠܳܬܳܐ ܗܘܳܐ ܠܶܗ ܪܰܒܳܐ ܪܒܺܝܥܳܝܳܐ ܒܪܺܝܟ ܗ̱ܽܘ ܕܥܰܒܼܕܶܗ ܒܽܘܝܳܐܰܢ
bwy'n debdh hw bryk rbyey' rb' lh hw' dthlth' hw' thlmyd' lmreyth' rysh' dhw' elnh el 'mll llm'nk wnpq wprsh ywlpnk kkr drby dmreythn thgr' 'yk shmwnh bgzk dthrm' lzewrwthy 'p mry 'ps
2
ܒܚܰܕ ܚܽܘܒܳܐ ܐܰܦܬܽܘܟ ܐܶܢܽܘܢ ܘܰܟܠܺܝܠܳܐ ܐܶܓܕܽܘܠ ܐܶܢܽܘܢ ܠܗ̈ܰܒܳܒܰܝܗܽܘܢ ܢܰܨ̈ܺܝܚܶܐ ܘܠܰܦܩܳܚ̈ܰܝܗܽܘܢ ܒܰܣܺܝ̈ܡܶܐ ܕܗܰܘ ܪܰܒܳܐ ܘܕܰܬܠܡܺܝܕܶܗ ܕܦܳܫ ܡܶܢܶܗ ܐܰܝܟ ܐܶܠܺܝܫܰܥ ܪܶܬܚܼܰܬ ܩܰܪܢܳܐ ܕܓܰܒܝܽܘܬܶܗ ܘܶܐܫܬܰܡܠܺܝ ܘܰܗܘܳܐ ܪܺܝܫܳܐ ܘܶܐܬܥܰܠܺܝ ܘܰܗܼܘܳܐ ܪܰܒܳܐ ܒܪܺܝܟ ܕܥܰܒܼܕܶܗ ܪܺܝܫܳܝܳܐ
ryshy' debdh bryk rb' whw' w'thely rysh' whw' w'shthmly dgbywthh qrn' rthkhth 'lyshe 'yk mnh dpsh wdthlmydh rb' dhw bsym' wlpqkhyhwn ntsykh' lhbbyhwn 'nwn 'gdwl wklyl' 'nwn 'pthwk khwb' bkhd
3
ܘܚܼܰܕܺܝܘ ܫܡ̈ܰܝܳܢܶܐ ܕܥܳܢܳܐ ܕܰܒܪܳܥܝܳܐ ܕܪܰܥܘ̱ ܪܳܥܶܝܢ ܚܶܕܝܰܬ ܕܰܝܪܳܐ ܕܥ̈ܶܠܳܢܶܐ ܕܰܚܙܰܘ ܝܽܘܒܳܠ ܕܰܪ̈ܓܰܝܗܽܘܢ ܫܩܼܰܠ ܩܰܒܥܶܗ ܐܰܝܟ ܪܶܥܝܳܢܳܐ ܒܓܰܘ ܓܽܘܫܡܳܐ ܪܰܒܳܐ ܕܰܥܕܳܐ ܘܰܟܪܺܝܟܺܝܢ ܠܶܗ ܗܰܕܳܡܰܘ̈ܗ̱ܝ ܕܰܢܡܽܘܪܽܘܢ ܡܶܢܶܗ ܚ̈ܰܝܶܐ ܝܽܘܠܦܳܢܳܐ ܠܰܚܡܳܐ ܚܰܕܬܳܐ ܒܪܺܝܟ ܗܽܘ ܕܥܰܒܕܶܗ ܐܰܘܨܰܪܗܽܘܢ
'wtsrhwn debdh hw bryk khdth' lkhm' ywlpn' khy' mnh dnmwrwn hdmwhy lh wkrykyn ded' rb' gwshm' bgw reyn' 'yk qbeh shql drgyhwn ywbl dkhzw deln' dyr' khdyth reyn drew dbrey' den' shmyn' wkhdyw
4
ܓܒܳܝܗ̱ܝ ܡܶܢ ܣܽܘܓܳܐܐ ܕܥ̈ܰܠܳܢܶܐ ܕܝܰܗ̱ܒ ܢܶܣܝܳܢܳܐ ܕܰܫܪܳܪܶܗ ܒܰܚܪܶܗ ܙܰܒܢܳܐ ܒܓܰܘ ܥܳܢܳܐ ܘܰܒܩܳܝܗ̱ܝ ܢܽܘܓܪܳܐ ܐܰܝܟ ܟܽܘܪܳܐ ܕܝܰܗ̱ܒ ܒܩܳܝܳܐ ܒܰܩܢܽܘܡܶܗ ܥܰܒܕܶܗ ܫܽܘܪܳܐ ܠܣ̈ܰܓܺܝܐܶܐ ܢܗܶܐ ܨܰܘܡܳܟ ܙܰܝܢܳܐ ܠܰܐܬܪܰܢ ܨܠܽܘܬܳܟ ܣܰܟܪܳܐ ܠܰܡܕܺܝܢ̱ܬܰܢ ܦܺܝܪܡܳܟ ܢܶܩ̇ܢܶܐ ܠܬܰܪܥܽܘܬܳܐ ܒܪܺܝܟ ܗܽܘ ܕܩܰܕܶܫ ܕܶܒܚ̈ܳܬܳܟ
dbkhthk dqdsh hw bryk lthrewth' nqn' pyrmk lmdynthn skr' tslwthk l'thrn zyn' tswmk nh' lsgy'' shwr' ebdh bqnwmh bqy' dyhb kwr' 'yk nwgr' wbqyhy en' bgw zbn' bkhrh dshrrh nsyn' dyhb deln' swg'' mn gbyhy
5
ܪܳܥܝܳܐ ܕܰܦܼܪܰܫ ܡܶܢ ܥܳܢܶܗ ܪܥܳܗ̇ ܒܡܰܪ̈ܓܶܐ ܪ̈ܽܘܚܳܢܶܐ ܘܰܒܝܰܕ ܚܽܘܛܪܶܗ ܢܰܨܺܝܚܳܐ ܡܶܢ ܕܺܐܒ̈ܶܐ ܟܣܰܝ̈ܳܐ ܢܰܛܪܳܗ̇ ܬܶܡܠܶܐ ܠܳܗ̇ ܕܽܘܟܰܬ ܪܰܒܳܟ ܕܨܰܗܝܳܐ ܠܨܰܘܬܳܐ ܕܢܶܥܡ̈ܳܬܶܗ ܐܰܩܺܝܡܳܟ ܐܰܝܟ ܥܰܡܽܘܕܳܐ ܒܟܰܪܟܳܐ ܕܥܰܡܳܐ ܪܥܺܝܠܳܐ ܒܰܨ̈ܠܰܘܳܬܳܟ ܢܶܣܬܰܡܰܟ ܒܪܺܝܟ ܗܽܘ ܕܥܰܒܕܳܟ ܥܰܡܽܘܕܰܢ
emwdn debdk hw bryk nsthmk btslwthk reyl' dem' bkrk' emwd' 'yk 'qymk dnemthh ltswth' dtshy' rbk dwkth lh thml' nTrh ksy' d'b' mn ntsykh' khwTrh wbyd rwkhn' bmrg' reh enh mn dprsh rey'
6
ܐܰܫܠܼܶܡ ܐܺܝܕܶܗ ܠܬܰܠܡܺܝܕܶܗ ܟܽܘܪܣܝܳܐ ܠܰܐܝܢܳܐ ܕܫܳܘܶܐ ܠܶܗ ܩܠܺܝܕܳܐ ܠܰܐܝܢܳܐ ܕܶܐܬܗܰܝܡܰܢ ܓܙܳܪܳܐ ܠܰܐܝܢܳܐ ܕܶܐܬܢܰܨܰܚ ܝܳܐܶܐ ܠܺܐܝܕܳܟ ܪܽܘܚܳܦܳܐ ܘܰܠܩܽܘܪܒܳܢܳܟ ܚܽܘܣܳܝܳܐ ܘܰܠܠܶܫܳܢܳܟ ܒܽܘܝܳܐܳܐ ܢܨܰܒܶܬ ܫܰܝܢܳܐ ܫܽܘܠܛܳܢܳܟ ܠܓܰܘ ܥܺܝܪ̈ܶܐ ܘܰܠܒܰܪ ܟ̈ܶܢܫܶܐ ܒܪܺܝܟ ܗܽܘ ܕܰܓܒܳܟ ܠܚ̈ܰܕܘܳܬܳܐ
lkhdwth' dgbk hw bryk knsh' wlbr eyr' lgw shwlTnk shyn' ntsbth bwy'' wllshnk khwsy' wlqwrbnk rwkhp' l'ydk y'' d'thntskh l'yn' gzr' d'thhymn l'yn' qlyd' lh dshw' l'yn' kwrsy' lthlmydh 'ydh 'shlm
7
ܡܰܠܦܳܢܽܘܬܳܟ ܬܶܬܝܰܬܰܪ ܒܰܥܒܳܕܳܐ ܛܳܒ ܡܶܢ ܡ̈ܶܠܶܐ ܕܩܰܠܺܝܠ ܡ̈ܶܠܶܐ ܙܳܪܰܥ ܐܰܢ̱ܬ ܦܳܠܽܘܚܶܝܗ̇ ܠܰܐܪܥܰܢ ܒܰܥܒܳܕ̈ܶܐ ܕܰܒܦܽܘܠܚܳܢܳܐ ܣܰܓܺܝܐܳܐ ܢܶܥܬܰܪ ܙܰܪܥܳܐ ܙܰܠܺܝܠܳܐ ܟܬܰܗ ܕܙܰܪܥܳܐ ܥܰܬܺܝܩܳܐ ܚܰܕ ܒܰܬܠܳܬܺܝܢ ܬܺܐܬܶܐ ܒܰܢ ܘܙܰܪܥܳܟ ܚܰܕܬܳܐ ܚܰܕ ܒܶܫܬܺܝܢ ܒܪܺܝܟ ܗܽܘ ܕܡܰܣܓܶܐ ܚܰܕ ܒܰܡܳܐܐ
bm'' khd dmsg' hw bryk bshthyn khd khdth' wzrek bn th'th' bthlthyn khd ethyq' dzre' kthh zlyl' zre' nethr sgy'' dbpwlkhn' bebd' l'ren plwkhyh 'nth zre ml' dqlyl ml' mn Tb bebd' ththythr mlpnwthk
8
ܚܶܡܬܳܟ ܠܘܳܬܳܟ ܒܰܛܺܝܠܳܐ ܗ̱ܝ ܕܫܰܝܢܳܐ ܪܳܣܶܡ ܥܰܠ ܟܽܠܳܟ ܛܰܢܳܢܳܐ ܠܘܳܬܳܟ ܕܰܥܺܝܟܰܐ ܗ̱ܘ ܕܚܽܘܒܳܟ ܟܽܠܫܳܥ ܡܶܬܓܰܘܙܰܠ ܬܒܰܪܬܳܝܗ̱ܝ ܥܽܘܩܣܳܐ ܕܰܚܣܳܡܳܐ ܕܐ̱ܢܳܫܳܐ ܒܣܼܶܬܳܪܳܐ ܠܳܐ ܢܶܡܚܶܐ ܡܶܐܟܰܠ ܩܰܪܨܳܐ ܕܰܡܕܰܘܶܕ ܠܳܐ ܦܳܢܝܳܐ ܠܶܗ ܡܰܫܡܰܥܬܳܟ ܕܩܽܘܫܬܳܐ ܓܰܠܝܳܐ ܒܳܣܶܡ ܠܳܟ ܒܪܺܝܟ ܗܽܘ ܕܨܰܒܶܬ ܗܰܕ̈ܳܡܰܝܟ
hdmyk dtsbth hw bryk lk bsm gly' dqwshth' mshmethk lh pny' l' dmdwd qrts' m'kl nmkh' l' bsthr' d'nsh' dkhsm' ewqs' thbrthyhy mthgwzl klshe dkhwbk hw deyk' lwthk Tnn' klk el rsm dshyn' hy bTyl' lwthk khmthk
9
ܬܶܬܶܠ ܡܰܠܼܟܳܐ ܒܓܰܘ ܥܰܡܳܟ ܐܺܝܬ ܝܳܬܪܽܘܢ ܒܶܝܬ ܥܶܒܪ̈ܳܝܶܐ ܬܺܐܙܰܠ ܟܽܠܳܟ ܥܰܡ ܐܰܝܢܳܐ ܕܰܠܝܽܘܬܪܳܢܳܐ ܡܳܠܶܟ ܠܳܟ ܬܶܥܪܽܘܩ ܟܽܠܳܟ ܡܶܢ ܐܰܝܢܳܐ ܕܰܐ̱ܚܪܳܢܝܳܐܺܝܬ ܡܳܠܶܟ ܠܳܟ ܪܰܚܒܥܳܡ ܢܺܝܫܳܐ ܢܶܗܘܶܐ ܠܳܟ ܬܶܓܒܼܶܐ ܡܰܠܟ̈ܶܐ ܕܥܽܘܕܪܳܢܳܐ ܬܶܣܠܶܐ ܡܰܠܟ̈ܶܐ ܕܰܚܣܼܳܡܳܐ ܒܪܺܝܟ ܗܽܘ ܕܰܡܠܰܟ ܒܽܘܝܳܢܳܐ
bwyn' dmlk hw bryk dkhsm' mlk' thsl' dewdrn' mlk' thgb' lk nhw' nysh' rkhbem lk mlk d'khrny'yth 'yn' mn klk therwq lk mlk dlywthrn' 'yn' em klk th'zl ebry' byth ythrwn 'yth emk bgw mlk' ththl
10
ܡܰܘܗܰܒܬܳܐ ܕܶܐܬܝܰܗܼܒܰܬ ܠܳܟ ܡܶܢ ܪܰܘܡܳܐ ܦܶܪܚܰܬ݀ ܢܶܚܬܰܬ݀ ܠܳܐ ܬܶܩܪܶܝܗ̇ ܒܰܫܡܳܐ ܕܐ̱ܢܳܫܳܐ ܠܳܐ ܬܶܬܠܶܝܗ̇ ܒܰܐ̱ܚܪܺܝܢ ܚܰܝܠܳܐ ܕܠܰܝܬ ܕܠܰܐܬܪܳܗ̇ ܡܳܛܶܐ ܗ̱ܘܳܐ ܣܳܛܳܢܳܐ ܨܢܺܝܥܳܐ ܡܣܰܒܰܪ ܕܰܒ̈ܢܰܝ ܐ̱ܢܳܫܳܐ ܝܰܗܒܽܘܗ̇ ܠܳܟ ܕܗܳܝ ܡܰܘܗܰܒܬܳܐ ܒܰܪ̱ܬ ܚܺܐܪ̈ܶܐ ܥܰܒܕܽܘܬܳܐ ܠܐ̱ܢܳܫܳܐ ܬܶܦܠܽܘܚ ܒܪܺܝܟ ܗܽܘ ܕܰܐܪܟܶܢ ܡܰܘܗܰܒܬܶܗ
mwhbthh d'rkn hw bryk thplwkh l'nsh' ebdwth' kh'r' brth mwhbth' dhy lk yhbwh 'nsh' dbny msbr tsnye' sTn' hw' mT' dl'thrh dlyth khyl' b'khryn ththlyh l' d'nsh' bshm' thqryh l' nkhthth prkhth rwm' mn lk d'thyhbth mwhbth'
11
ܨܼܺܝܪ ܗ̱ܘܳܐ ܪܰܒܳܟ ܒܰܩܢܽܘܡܳܟ ܗܳܐ ܕܶܡܘ̈ܳܬܶܗ ܥܰܠ ܟܽܠܳܟ ܦܼܪܰܫ ܡܶܢܰܢ ܚܰܕ ܥܰܡܰܢ ܗ̱ܽܘ ܒܳܟ ܢܶܚܙܶܐ ܠܰܬܠܳܬܰܝܗܽܘܢ ܢܰܨ̈ܺܝܚܶܐ ܕܰܦܼܪܰܫܘ̱ ܡܶܢܰܢ ܬܗܶܐ ܠܰܢ ܫܽܘܪܳܐ ܐܰܝܟ ܝܰܥܩܽܘܒ ܘܰܡܠܶܐ ܪ̈ܰܚܡܶܐ ܐܰܝܟ ܒܳܒܽܘ ܘܓܰܙܳܐ ܕܡ̈ܶܠܶܐ ܐܰܝܟ ܘܰܠܓܶܫ ܒܪܺܝܟ ܗܽܘ ܕܰܒܚܰܕ ܨܳܪ ܐܶܢܽܘܢ
'nwn tsr dbkhd hw bryk wlgsh 'yk dml' wgz' bbw 'yk rkhm' wml' yeqwb 'yk shwr' ln thh' mnn dprshw ntsykh' lthlthyhwn nkhz' bk hw emn khd mnn prsh klk el dmwthh h' bqnwmk rbk hw' tsyr
12
ܐܳܦ ܐܶܢܳܐ ܫܶܚܠܳܐ ܕܡܰܪܥܺܝܬܳܐ ܠܳܐ ܟܳܡܶܬ ܥܰܠ ܘܳܠܺܝܬܳܐ ܨܳܪܶܬ ܨܰܠܡܳܐ ܠܰܬܪܰܝܗܽܘܢ ܡܶܢ ܣܰܡ̈ܳܡܢܶܐ ܕܰܬܪܰܝܗܽܘܢ ܕܬܶܚܼܙܶܐ ܥܳܢܳܐ ܨ̈ܶܒܬܰܝܗܽܘܢ ܐܳܦ ܡܰܪܥܺܝܬܳܐ ܫܽܘܦܪ̈ܰܝܗܽܘܢ ܘܕܰܗܘܺܝܬ ܐܶܡܪܳܐ ܡܰܠܠܳܐ ܠܳܟ ܐܰܠܳܗܶܗ ܕܰܐܒܪܳܗܳܡ ܒܩܰܘܡܶܗ ܕܰܐܒܪܳܡ ܐܰܘܕܶܐ ܠܳܟ ܒܪܺܝܟ ܗܽܘ ܕܰܥܒܰܕܢܝ̱ ܟܶܢܳܪܶܗ
knrh debdny hw bryk lk 'wd' d'brm bqwmh d'brhm 'lhh lk mll' 'mr' wdhwyth shwpryhwn mreyth' 'p tsbthyhwn en' dthkhz' dthryhwn smmn' mn lthryhwn tslm' tsrth wlyth' el kmth l' dmreyth' shkhl' 'n' 'p