Nativity · Chapter 4
Ephrem — Other Works
212 verses
1
ܒܪܺܝܟ ܗܽܘ ܡܳܪܝ ܝܰܘܡܳܟ ܗܰܘ ܩܰܕܡܳܝܳܐ ܕܒܶܗ ܗܽܘ ܪܫܺܝܡ ܗܳܢܳܐ ܝܽܘܡ ܥܰܕܥܺܕܳܟ [ܥܽܘܢܺܝܬܳܐ : ܒܪܺܝܟ ܗܽܘ ܕܝܰܗܒܳܟ ܠܰܢ ܟܰܕ ܠܳܐ ܫܰܐܶܠܢܳܟ ܕܒܳܟ ܢܰܘܕܶܐ ܠܐܰܒܽܘܟ ܥܰܠ ܡܰܘܗܰܒܬܶܗ]
mwhbthh el l'bwk nwd' dbk sh'lnk l' kd ln dyhbk hw bryk ewnyth' ededk ywm hn' rshym hw dbh qdmy' hw ywmk mry hw bryk
2
ܝܰܘܡܳܟ ܠܳܟ ܕܳܡܶܐ ܕܪܳܚܶܡ ܐ̱ܢܳܫܰܐ ܗ̱ܘ ܕܡܶܬܝܰܒܰܠ ܘܐܳܬܶܐ ܥܰܡ ܟܽܠ ܕܳܪ̈ܺܝܢ
dryn kl em w'th' dmthybl hw 'nsh' drkhm dm' lk ywmk
3
ܝܰܘܡܰܐ ܗ̱ܘ ܕܡܰܫܠܶܡ ܥܰܡ ܩܰܫܺܝ̈ܫܶܐ ܘܗܳܦܶܟ ܕܢܶܫܪܶܐ ܥܰܡ ܝܰܠܽܘܕ̈ܶܐ
ylwd' em dnshr' whpk qshysh' em dmshlm hw ywm'
4
ܝܰܘܡܰܐ ܗ̱ܘ ܕܰܒܚܽܘܒܶܗ ܡܚܰܕܶܬ ܢܰܦܫܶܗ ܕܰܢܚܰܕܶܬ ܚܰܝܠܶܗ ܥܰܬܺܝܩܽܘܬܰܢ
ethyqwthn khylh dnkhdth npshh mkhdth dbkhwbh hw ywm'
5
ܝܰܘܡܳܟ ܡܳܐ ܕܰܣܥܰܪܢ ܘܰܥܒܰܪ ܘܐܶܙܰܠ ܒܰܚܢܳܢܶܗ ܦܳܢܶܐ ܘܬܽܘܒ ܣܳܥܰܪ ܠܰܢ
ln ser wthwb pn' bkhnnh w'zl webr dsern m' ywmk
6
ܝܳܕܰܥ ܕܰܣܢܺܝܩܳܐ ܗ̱ܝ ܐܢܳܫܽܘܬܳܐ ܟܽܠܶܗ ܠܳܟ ܕܳܡܶܐ ܟܰܕ ܫܳܐܶܠ ܠܳܗܿ
lh sh'l kd dm' lk klh 'nshwth' hy dsnyq' yde
7
ܣܢܺܝܩܳܐ ܗ̱ܝ ܒܪܺܝܬܳܐ ܥܰܠ ܡܰܒܽܘܥܶܗ ܘܠܶܗ ܡܳܪܝ ܐܰܝܟ ܕܐܳܦ [ܠܳܟ] ܨܰܗܝܳܐ ܟܽܠܳܗܿ
klh tshy' lk d'p 'yk mry wlh mbweh el bryth' hy snyq'
8
ܝܰܘܡܰܐ ܗ̱ܘ ܕܥܰܠ ܙܰܒ̈ܢܶܐ ܡܰܡܠܶܟ [ܢܺܝܪܶܗ] ܘܢܽܘܓܪܳܐ ܙܳܟܶܐ ܟܽܠ ܠܳܐ [ܡܰܥܒܰܪ ܠܶܗ]
lh mebr l' kl zk' wnwgr' nyrh mmlk zbn' del hw ywm'
9
[ܥܒܰܪܘ ܓܶܝܪ ܐܳܦ ܡܰܠܟ̈ܶܐ ܥܰܡ ܝܽܘܩܢܰܝ̈ܗܽܘܢ ܘܰܒܛܶܠܘ] ܥܰܕܺܥ̈ܕܶܐ ܕܕܽܘܟܪ̈ܳܢܰܝܗܽܘܢ
ddwkrnyhwn eded' wbTlw ywqnyhwn em mlk' 'p gyr ebrw
10
ܫܽܘܠܛܳܢܶܗ ܕܝܰܘܡܳܟ ܐܰܝܟ ܕܺܝܠܳܟ ܗܽܘ ܕܰܡܬܺܝܚ ܥܰܠ ܕܳܪ̈ܶܐ ܕܐܶܬܰܘ ܘܐܳܬܶܝܢ
w'thyn d'thw dr' el dmthykh hw dylk 'yk dywmk shwlTnh
11
ܝܰܘܡܳܟ ܠܳܟ ܕܳܡܶܐ ܕܟܰܕ ܗܽܘ ܚܰܕ ܗܽܘ ܣܰܪܥܶܦ ܘܰܣܓܺܝ ܠܶܗ ܕܢܶܕܰܡܶܐ ܒܳܟ
bk dndm' lh wsgy srep hw khd hw dkd dm' lk ywmk
12
ܒܗܳܢܳܐ ܡܳܪܝ ܝܰܘܡܳܟ ܕܠܰܢ ܩܰܪܺܝܒܰܐ ܗ̱ܘ ܚܙܰܝܢܳܝܗܝ ܠܝܰܠܕܳܟ ܗܰܘ ܪܰܚܺܝܩܳܐ
rkhyq' hw lyldk khzynyhy hw qryb' dln ywmk mry bhn'
13
ܐܰܟܘܳܬܳܟ ܝܰܘܡܳܟ ܢܶܗܘܶܐ ܠܰܢ ܡܳܪܝ ܢܶܗܘܶܐ ܡܶܨܥܳܝܳܐ ܘܥܳܪܶܒ ܫܰܝܢܳܐ
shyn' werb mtsey' nhw' mry ln nhw' ywmk 'kwthk
14
ܝܰܘܡܳܟ ܗܽܘ ܪܰܥܺܝ ܫܡܰܝܳܐ ܘܐܰܪܥܳܐ ܕܒܶܗ ܢܚܶܬ ܥܶܠܳܝܳܐ ܨܶܝܕ ܬܰܚ̈ܬܳܝܶܐ
thkhthy' tsyd ely' nkhth dbh w're' shmy' rey hw ywmk
15
ܝܰܘܡܳܟ ܗܽܘ ܡܶܫܟܰܚ ܠܰܡܪܰܥܳܝܽܘ ܠܗܰܘ ܟܺܐܢܳܐ ܕܰܪܓܶܙ ܥܰܠ ܚܰܘ̈ܒܳܬܰܢ
khwbthn el drgz k'n' lhw lmreyw mshkkh hw ywmk
16
ܗܳܐ ܪ̈ܶܒܽܘ ܚܰܘܒܺܝ̈ܢ ܫܒܰܩ ܠܰܢ ܝܰܘܡܳܟ ܕܒܶܗ ܗܰܘ ܕܢܰܚܘ ܪ̈ܰܚܡܶܐ ܥܰܠ ܚܰܝ̈ܳܒܶܐ
khyb' el rkhm' dnkhw hw dbh ywmk ln shbq khwbyn rbw h'
17
ܪܰܒ ܗܽܘ ܡܳܪܝ ܝܰܘܡܳܟ ܠܳܐ ܢܶܙܥܰܪ ܒܰܢ ܢܶܪܚܰܡ ܒܰܥܝܳܕܶܗ ܥܰܠ ܣܰܟܠܽܘܬܰܢ
sklwthn el beydh nrkhm bn nzer l' ywmk mry hw rb
18
ܘܐܶܢܗܽܘ ܕܟܽܠ ܝܽܘܡ ܡܳܪܝ ܫܦܺܝܥ ܫܽܘܒܩܳܢܳܟ ܟܡܳܐ ܝܰܬܺܝܪ ܢܶܣܓܶܐ ܒܗܳܢܳܐ ܝܰܘܡܳܐ
ywm' bhn' nsg' ythyr km' shwbqnk shpye mry ywm dkl w'nhw
19
ܟܽܠܗܽܘܢ ܝܰܘܡ̈ܳܬܳܐ ܡܶܢ ܓܰܙܶܗ ܗܽܘ ܕܝܰܘܡܳܟ ܢܰܨܺܝܚܳܐ ܩܢܰܘ ܛܳܒ̈ܳܬܳܐ
Tbth' qnw ntsykh' dywmk hw gzh mn ywmth' klhwn
20
ܟܽܠܗܽܘܢ ܥܰܕܥܺܕ̈ܶܐ ܡܶܢ ܣܺܝܡ̈ܳܬܶܗ ܕܗܳܢܳܐ ܥܰܕܥܺܕܳܐ ܫܦܰܪܘ ܘܐܶܨܛܰܒܰܬܘ
w'tsTbthw shprw eded' dhn' symthh mn eded' klhwn
21
ܪ̈ܰܚܡܰܝܟ ܒܝܰܘܡܳܟ ܐܰܫܦܰܥ ܠܰܢ ܡܳܪܝ ܐܰܘܕܰܥ ܠܰܢ ܝܰܘܡܳܟ ܡܶܢ ܟܽܘܠ ܝܰܘܡܺܝ̈ܢ
ywmyn kwl mn ywmk ln 'wde mry ln 'shpe bywmk rkhmyk
22
ܕܪܰܒ ܗܽܘ ܒܶܝܬ ܓܰܙܶܗ ܕܝܽܘܡ ܡܰܘܠܳܕܳܟ ܢܶܗܘܶܐ ܦܳܪܽܘܥܳܐ ܚܠܳܦ ܚܰܝ̈ܳܒܶܐ
khyb' khlp prwe' nhw' mwldk dywm gzh byth hw drb
23
ܪܰܒ ܗܽܘ ܗܳܢ ܝܰܘܡܳܐ ܡܶܢ ܝܰܘܡܺܝ̈ܢ ܕܒܶܗ ܢܦܰܩ ܚܰܢܳܢܳܐ ܨܶܝܕ ܚܰܛܳܝ̈ܶܐ
khTy' tsyd khnn' npq dbh ywmyn mn ywm' hn hw rb
24
ܣܺܝܡܰܬ ܣܰܡ̈ܡܳܢܶܐ ܗ̱ܘ ܝܰܘܡܳܟ ܪܰܒܳܐ ܕܒܶܗ ܕܢܰܚ ܣܰܡ ܚ̈ܰܝܶܐ ܠܰܡܡܰܚܰܝ̈ܳܐ
lmmkhy' khy' sm dnkh dbh rb' ywmk hw smmn' symth
25
ܐܰܘܨܰܪ ܥܽܘܕܪ̈ܳܢܶܐ ܗ̱ܘ ܝܰܘܡܳܐ ܗܳܢܳܐ ܕܒܶܗ ܐܰܙܠܶܓ ܢܽܘܗܪܳܐ ܥܰܠ ܣܰܡܝܽܘܬܰܢ
smywthn el nwhr' 'zlg dbh hn' ywm' hw ewdrn' 'wtsr
26
ܟܶܐܡܰܬ ܐܳܦ ܟܰܦܳܐ ܛܥܺܝܢ ܠܰܢ ܘܐܳܬܶܐ ܕܡܶܢܳܗܿ ܪܕܳܐ ܣܶܒܥܳܐ ܥܰܠ ܟܰܦܢܽܘܬܰܢ
kpnwthn el sbe' rd' dmnh w'th' ln Teyn kp' 'p k'mth
27
ܣܓܽܘܠܰܐ ܗ̱ܘ ܫܳܪܽܘܝܳܐ ܝܰܘܡܳܐ ܗܳܢܳܐ ܕܟܳܣܳܐ ܕܦܽܘܪܩܳܢܳܐ ܡܛܰܫܰܝ ܗܘܳܐ ܒܶܗ
bh hw' mTshy dpwrqn' dks' hn' ywm' shrwy' hw sgwl'
28
ܥܺܐܕܰܐ ܗ̱ܘ ܒܰܟܳܪܳܐ ܝܰܘܡܳܐ ܗܳܢܳܐ ܕܡܰܒܟܰܪ ܙܳܟܶܐ ܠܟܽܠ ܥܰܕܥܺܕ̈ܺܝܢ
ededyn lkl zk' dmbkr hn' ywm' bkr' hw e'd'
29
ܒܣܰܬܘܳܐ ܕܰܡܓܰܙܶܐ ܦܺܐܪ̈ܰܝ ܣܰܘ̈ܟܶܐ ܡܶܢ ܣܰܬܳܐ ܥܩܰܪܬܳܐ ܦܺܐܪܳܐ ܕܢܰܚ ܠܰܢ
ln dnkh p'r' eqrth' sth' mn swk' p'ry dmgz' bsthw'
30
ܒܩܽܘܪܳܫܳܐ ܕܡܰܫܠܰܚ ܟܽܠ ܐܺܝܠܳܢܺܝ̈ܢ ܢܽܘܪܒܳܐ ܐܰܦܪܰܥ ܠܰܢ ܡܶܢ ܒܶܝܬ ܐܺܝܫܰܝ
'yshy byth mn ln 'pre nwrb' 'ylnyn kl dmshlkh bqwrsh'
31
ܒܟܳܢܽܘܢ ܕܛܳܫܶܐ ܙܰܪܥܳܐ ܒܐܰܪܥܳܐ ܫܶܘܚܰܬ ܡܶܢ ܟܰܪܣܳܐ ܫܒܶܠ ܚܰܝ̈ܶܐ
khy' shbl krs' mn shwkhth b're' zre' dTsh' bknwn
32
ܒܢܺܝܣܳܢ ܕܫܳܘܰܚ ܙܰܪܥܳܐ ܒܐܳܐܰܪ ܒܶܗ ܙܶܪܥܰܬ ܢܰܦܫܶܗ ܟܰܦܳܐ ܒܐܰܪܥܳܐ
b're' kp' npshh zreth bh b''r zre' dshwkh bnysn
33
ܚܶܨܕܳܗܿ ܐܳܦ ܐܰܟܠܳܗܿ ܡܰܘܬܳܐ ܒܰܫܝܽܘܠ ܘܰܨܪܳܝܗܝ ܣܰܡ ܚܰܝ̈ܶܐ ܕܰܟܣܶܐ ܗܘܳܐ ܒܶܗ
bh hw' dks' khy' sm wtsryhy bshywl mwth' 'klh 'p khtsdh
34
ܒܢܺܝܣܳܢ ܓܶܝܪ ܕܐܶܡܪ̈ܶܐ ܒܕܰܒܪܳܐ ܦܳܥܶܝ̈ܢ ܠܟܰܪܣܳܐ ܥܰܠ ܗܘܳܐ ܒܶܗ ܐܶܡܰܪ ܦܶܨܚܳܐ
ptskh' 'mr bh hw' el lkrs' peyn bdbr' d'mr' gyr bnysn
35
ܢܰܗܪܳܐ ܕܡܶܢܶܗ ܗܽܘ ܣܠܶܩܘ ܨܰܝܳܕ̈ܶܐ ܡܶܢܶܗ ܥܡܰܕ ܘܰܣܠܶܩ ܨܳܐܶܕ ܟܽܘܠܳܐ
kwl' ts'd wslq emd mnh tsyd' slqw hw dmnh nhr'
36
ܢܰܗܪܳܐ ܕܨܳܐܶܕ ܗܘܳܐ ܫܡܶܥܽܘܢ ܢܽܘܢܰܘ̈ܗܝ ܡܶܢܶܗ ܣܠܶܩ ܨܳܕܶܗ ܨܳܐܶܕ ܐܢܳܫ̈ܳܐ
'nsh' ts'd tsdh slq mnh nwnwhy shmewn hw' dts'd nhr'
37
ܙܩܺܝܦܳܐ ܕܗܽܘ ܨܳܐܶܕ ܟܽܠ ܓܰܝܳܣܺܝ̈ܢ ܒܶܗ ܨܳܕܶܗ ܠܚܰܝ̈ܶܐ ܠܗܰܘ ܓܰܝܳܣܳܐ
gys' lhw lkhy' tsdh bh gysyn kl ts'd dhw zqyp'
38
ܚܰܝܳܐ ܒܝܰܕ ܡܰܘܬܶܗ ܣܰܪܩܳܗܿ ܠܰܫܝܽܘܠ ܨܳܪܳܗܿ ܘܐܰܦܪܰܚ ܡܶܢܳܗܿ ܟܶܢܫ̈ܶܐ ܫܶܠܡ̈ܶܐ
shlm' knsh' mnh w'prkh tsrh lshywl srqh mwthh byd khy'
39
ܡܳܟܣ̈ܶܐ ܘܙܰܢܳܝ̈ܳܬܳܐ ܦܰܚ̈ܶܐ ܛܰܡ̈ܐܶܐ ܠܦܰܚܰܘ̈ܗܝ ܕܰܢܟܺܝܠܳܐ ܨܳܕ ܩܰܕܺܝܫܳܐ
qdysh' tsd dnkyl' lpkhwhy Tm'' pkh' wznyth' mks'
40
ܚܛܺܝܬܳܐ ܕܰܗܘܳܬ ܦܰܚܳܐ ܠܓܰܒܪ̈ܶܐ ܥܰܒܕܳܗܿ ܡܰܚܙܺܝܬܳܐ ܠܬܰܝ̈ܳܒܳܬܳܐ
lthybth' mkhzyth' ebdh lgbr' pkh' dhwth khTyth'
41
ܬܺܬܶܐ ܡܚܰܒܰܠܬܳܐ ܕܛܠܶܡܰܬ ܦܺܐܪ̈ܶܐ ܠܙܰܟܰܝ ܐܰܝܟ ܦܺܐܪܳܐ ܩܰܪܶܒܬܶܗ ܗܘܳܬ
hwth qrbthh p'r' 'yk lzky p'r' dTlmth mkhblth' thth'
42
ܦܺܐܪܳܐ ܕܰܟܝܳܢܳܗܿ ܠܳܐ ܝܶܗܒܰܬ ܗܘܳܬ ܝܶܗܒܰܬ ܕܶܝܢ ܦܺܐܪܳܐ ܚܰܕ ܡܰܠܳܠܳܐ
mll' khd p'r' dyn yhbth hwth yhbth l' dkynh p'r'
43
ܨܠܳܐ ܡܳܪܰܢ ܨܰܗܝܶܗ ܠܥܶܠ ܡܶܢ ܒܪܳܐ ܘܨܳܕܳܗܿ ܠܰܨܗܺܝܬܳܐ ܒܡܰܝ̈ܳܐ ܕܫܰܐܶܠ
dsh'l bmy' ltshyth' wtsdh br' mn lel tshyh mrn tsl'
44
ܨܳܕ ܗܘܳܐ ܚܕܳܐ ܢܰܦܫܳܐ ܡܶܢ ܡܰܒܽܘܥܳܐ ܘܰܗܦܰܟ ܨܳܕ ܒܳܗܿ ܗܽܘ ܠܟܽܠܶܗ ܟܰܪܟܳܐ
krk' lklh hw bh tsd whpk mbwe' mn npsh' khd' hw' tsd
45
ܬܪ̈ܶܥܣܰܪ ܨܰܝܳܕܺܝܢ ܨܳܕ ܩܰܕܺܝܫܳܐ ܘܰܗܦܰܟ ܨܳܕ ܒܗܽܘܢ ܠܟܽܠܳܗܿ ܒܪܺܝܬܳܐ
bryth' lklh bhwn tsd whpk qdysh' tsd tsydyn thresr
46
ܣܩܰܪܝܽܘܛܰܐ ܗ̱ܘ ܕܰܦܠܰܛ ܡܶܢ ܒܶܝܬ ܢܶܫܒܰܘ̈ܗܝ ܘܢܶܦܠܰܬ ܠܳܗܿ ܒܨܰܘܪܶܗ ܡܰܚܢܽܘܩܺܝܬܳܐ
mkhnwqyth' btswrh lh wnplth nshbwhy byth mn dplT hw sqrywT'
47
ܢܶܫܒܶܗ ܕܡܰܚܶܐ ܟܽܘܠ ܠܚܰܝ̈ܶܐ ܨܳܐܶܕ ܘܰܕܦܳܠܶܛ ܡܶܢܶܗ ܦܳܠܶܛ ܡܶܢ ܚܰܝ̈ܶܐ
khy' mn plT mnh wdplT ts'd lkhy' kwl dmkh' nshbh
48
ܘܡܰܢܽܘ ܡܰܘܦܶܐ ܠܺܝ ܠܰܡܬܰܢܳܝܽܘ ܥܽܘܕܪ̈ܳܢܶܐ ܦܪ̈ܺܝܫܶܐ ܕܰܟܣܶܝܢ ܒܳܟ ܡܳܪܝ
mry bk dksyn prysh' ewdrn' lmthnyw ly mwp' wmnw
49
ܟܡܳܐ ܡܶܫܟܰܚ ܠܳܐܰܥ ܦܽܘܡܳܐ ܨܰܗܝܳܐ ܡܶܢ ܓܰܘ ܡܰܒܽܘܥܳܗܿ ܕܐܰܠܳܗܽܘܬܳܐ
d'lhwth' mbweh gw mn tshy' pwm' l'e mshkkh km'
50
ܦܰܢܳܐ ܠܰܢ ܝܰܘܡܳܢ ܩܳܠ ܒܳܥܽܘܬܰܢ ܨܠܽܘܬܰܢ ܕܰܒܡ̈ܶܠܶܐ ܬܶܗܘܶܐ ܒܰܥܒܳܕ̈ܶܐ
bebd' thhw' dbml' tslwthn bewthn ql ywmn ln pn'
51
ܐܰܫܳܐ ܠܰܢ ܪܰܒܽܘܢܝ ܟܽܘܠ ܡܳܐ ܕܰܚܙܰܝܢ ܥܰܕܥܺܕܳܟ ܢܶܥܒܰܪ ܛܳܒܳܐ ܕܰܫܡܰܥܢ
dshmen Tb' nebr ededk dkhzyn m' kwl rbwny ln 'sh'
52
ܦܗܳܐ ܠܶܗ ܪܶܥܝܳܢܰܢ ܒܰܝܢܳܬ ܩ̈ܳܠܶܐ ܐܳܘ ܩܳܠܶܗ ܕܐܰܒܽܘܗܝ ܫܰܝܶܢ ܩ̈ܳܠܶܐ
ql' shyn d'bwhy qlh 'w ql' bynth reynn lh ph'
53
ܪܰܒܰܬ ܠܳܗܿ ܬܺܒܶܝܠ ܒܳܟ ܬܶܫܬܠܶܐ ܕܒܳܟ ܗܽܘ ܫܠܺܝ ܝܰܡܳܐ ܡܶܢ ܡܰܚ̈ܫܽܘܠܰܘܗܝ
mkhshwlwhy mn ym' shly hw dbk thshthl' bk thbyl lh rbth
54
ܚܕܺܝܽܘ ܫܺܐܕ̈ܶܐ ܕܰܫܡܰܥܘ ܩܳܠ ܓܽܘܕܳܦܳܐ ܥܺܝܪ̈ܶܐ ܢܶܚܕܽܘܢ ܒܰܢ ܐܰܝܟ ܕܰܡܥܳـ[ـܕܺܝܢ]
dmedyn 'yk bn nkhdwn eyr' gwdp' ql dshmew sh'd' khdyw
55
ܡܶܢ ܓܰܘ ܡܰܪܥܺܝܬܳܟ ܩܳܠ ܟܰܪܝܽܘܬܳܐ ܒܳܟ ܗܽܘ ܡܚܰܕܶܐ ܟܽܠ ܬܶܚܕܶܐ ܥܳܢܳܟ
enk thkhd' kl mkhd' hw bk krywth' ql mreythk gw mn
56
ܪܽܘܥܳܡܰܢ ܪܰܒܽܘܢܝ ܠܳܐ ܬܶܩܰܨ ܠܰܢ ܡܶܬܪܰܥܰܡ ܦܽܘܡܰܢ ܟܰܕ ܗܽܘ ܚܰܛܳܝ
khTy hw kd pwmn mthrem ln thqts l' rbwny rwemn
57
ܝܰܘܡܳܟ ܡܳܪܝ ܢܶܬܶܠ ܟܽܘܠ ܚܰܕ̈ܘܳܬܳܐ ܒܗܰܒ̈ܳܒܰܝ ܫܰܝܢܳܐ ܢܶܥܒܶܕ ܦܶܨܚܳܟ
ptskhk nebd shyn' bhbby khdwth' kwl nthl mry ywmk
58
ܝܰܘܡܳܐ ܕܣܽܘܠܳܩܳܟ ܒܶܗ ܢܶܬܪܰܡܪܰܡ ܥܰܡ ܠܰܚܡܳܐ ܚܰܕܬܳܐ ܢܶܗܘܶܐ ܕܽܘܟܪܳܢܶܗ
dwkrnh nhw' khdth' lkhm' em nthrmrm bh dswlqk ywm'
59
ܡܳܪܰܢ ܐܰܣܓܳܐ ܠܰܢ ܫܰܝܢܳܐ ܕܢܶܥܒܶܕ ܬܠܳܬܳܐ ܥܰܕܥܺܕ̈ܶܝܗܿ ܕܐܰܠܳܗܽܘܬܳܐ
d'lhwth' ededyh thlth' dnebd shyn' ln 'sg' mrn
60
ܪܰܒ ܗܽܘ ܡܳܪܝ ܝܰܘܡܳܟ ܠܳܐ ܢܶܬܒܰܙܰܚ ܡܝܰܩܰܪ ܗܽܘ ܟܽܠ ܐܢܳܫ ܝܽܘܡ ܡܰܘܠܳܕܳܟ
mwldk ywm 'nsh kl hw myqr nthbzkh l' ywmk mry hw rb
61
ܟܺܐܢܳܐ ܟܰܪ ܝܰܩܰܪ ܝܽܘܡ ܡܰܘܠܳܕܳܟ ܕܗܶܪܽܘܕܶܣ ܝܰܩܰܪ ܝܽܘܡ ܡܰܘܠܳܕܶܗ
mwldh ywm yqr dhrwds mwldk ywm yqr kr k'n'
62
ܪܰܩܕܳܐ ܕܛܰܡܐܽܘܬܳܐ ܒܣܶܡ ܠܛܳܪܽܘܢܳܐ ܠܳܟ ܡܳܪܝ ܢܶܒܣܰܡ ܠܳܟ ܩܳܠ ܢܰܟܦ̈ܳܬܳܐ
nkpth' ql lk nbsm mry lk lTrwn' bsm dTm'wth' rqd'
63
ܠܳܟ ܡܳܪܝ ܢܪܰܥܶܐ ܩܳܠ ܢܰܟ̈ܦܳܬܳܐ ܕܬܶܛܰܪ ܦܰܓܪ̈ܰܝܗܶܝܢ ܩܰܕܺܝܫܳܐܺܝܬ
qdysh'yth pgryhyn dthTr nkpth' ql nre' mry lk
64
ܝܰܘܡܶܗ ܕܗܶܪܽܘܕܶܣ ܠܶܗ ܗܽܘ ܕܳܡܶܐ ܐܳܦ ܝܰܘܡܳܟ ܕܺܝܠܳܟ ܠܳܟ ܗܽܘ ܕܳܡܶܐ
dm' hw lk dylk ywmk 'p dm' hw lh dhrwds ywmh
65
ܝܰܘܡܶܗ ܕܰܕܠܺܝܚܳܐ ܕܠܺܝܚ ܒܰܚܛܺܝܬܳܐ ܘܰܫܦܶܐ ܐܰܟܘܳܬܳܟ ܝܰܘܡܳܟ ܫܰܦܝܳܐ
shpy' ywmk 'kwthk wshp' bkhTyth' dlykh ddlykh' ywmh
66
ܥܺܐܕܶܗ ܕܰܛܪܽܘܢܳܐ ܩܛܰܠ ܟܳܪܽܘܙܳܐ ܒܥܰܕܥܺܕܳܟ ܟܽܠܢܳܫ ܫܽܘܒܚܳܐ ܡܰܟܪܶܙ
mkrz shwbkh' klnsh bededk krwz' qTl dTrwn' e'dh
67
ܒܝܰܘܡܶܗ ܕܩܳܛܽܘܠܳܐ ܩܳܠܳܐ ܫܬܶܩ ܗܘܳܐ ܒܝܰܘܡܳܟ ܕܶܝܢ ܕܺܝܠܳܟ ܩ̈ܳܠܶܐ ܕܥܺܐܕܳܐ
de'd' ql' dylk dyn bywmk hw' shthq ql' dqTwl' bywmh
68
ܛܰܡܐܳܐ ܒܥܰܕܺܥܕܶܗ ܫܪܳܓܳܐ ܐܶܕܥܳܟ ܕܰܢܛܰܫܶܐ ܚܶܫܟܳܐ ܥܰܠ ܓܰܝܳܪ̈ܶܐ
gyr' el khshk' dnTsh' 'dek shrg' bededh Tm''
69
ܥܶܕܳܢ ܩܰܕܺܝܫܳܐ ܫܪ̈ܳܓܶܐ ܣܳܕܰܪ ܕܢܶܥܪܽܘܩ ܚܶܫܽܘܟܳܐ ܥܰܡ ܟܰܣܝ̈ܳܬܶܗ 70 ܝܰܘܡܶܗ ܕܗܰܘ ܬܰܥܠܳܐ ܙܦܰܪ ܐܰܟܘܳܬܶܗ ܘܩܰܕܺܝܫ ܥܰܕܥܺܕܶܗ ܕܐܶܡܰܪ ܩܽܘܫܬܳܐ
qwshth' d'mr ededh wqdysh 'kwthh zpr thel' dhw ywmh ksythh em khshwk' dnerwq sdr shrg' qdysh' edn
70
ܝܰܘܡܶܗ ܕܥܳܒܽܘܪܳܐ ܥܒܰܪ ܐܰܟܘܳܬܶܗ ܘܝܰܘܡܳܟ ܐܰܟܘܳܬܳܟ ܠܥܳܠܰܡ ܩܰـ[ـܝܳܡ]
qym lelm 'kwthk wywmk 'kwthh ebr debwr' ywmh
71
ܝܰܘܡܶܗ ܕܰܛܪܽܘܢܳܐ ܦܩܰܪ ܐܰܟܘܳܬܶܗ ܕܫܶܠܝܶܗ ܒܰܩܛܺܝܪܶܗ ܩܳܠܳܐ ܟܺܐܢܳܐ
k'n' ql' bqTyrh dshlyh 'kwthh pqr dTrwn' ywmh
72
ܥܺܐܕܶܗ ܕܡܰܟܺܝܟܳܐ ܢܝܳܚܳܐ ܐܰܟܘܳܬܶܗ ܕܰܕܢܺܝܚ ܗܽܘ ܫܶܡܫܶܗ ܥܰܠ ܥܳܫܽܘܩܰܘ̈ܗܝ
eshwqwhy el shmshh hw ddnykh 'kwthh nykh' dmkyk' e'dh
73
ܝܳܕܰܥ ܗܘܳܐ ܛܪܽܘܢܳܐ ܕܠܰܘ ܡܰܠܟܳܐ ܗܘܳܐ ܒܰܕܓܽܘܢ ܝܰܗܒ ܐܰܬܪܳܐ ܠܰܡܠܶܟ ܡܰܠܟ̈ܶܐ
mlk' lmlk 'thr' yhb bdgwn hw' mlk' dlw Trwn' hw' yde
74
ܝܰܘܡܳܐ ܡܳܪܝ ܟܽܠܶܗ ܠܳܐ ܣܳܦܶܩ ܠܺܝ ܕܐܶܬܩܽܘܠ ܩܽܘܠܳܣܳܟ ܥܰܡ ܩܽܘܠܩܳܠܶܗ
qwlqlh em qwlsk d'thqwl ly spq l' klh mry ywm'
75
ܝܰܘܡܳܟ ܚܰܢܳܢܳܐ ܢܰܥܒܰܪ ܣܰܟܠܽܘܬܝ ܕܥܰܡ ܝܰܘܡܳܐ ܛܰܡܐܳܐ ܬܰܩܶܠܬ ܝܰܘܡܳܟ
ywmk thqlth Tm'' ywm' dem sklwthy nebr khnn' ywmk
76
ܪܰܒ ܗܽܘ ܓܶܝܪ ܝܰܘܡܳܟ ܡܶܢ ܦܽܘܚܳܡܳܐ ܘܠܳܐ ܡܨܶܐ ܡܶܬܦܰܚܰܡ ܥܰܡ ܝܰܘܡ̈ܳܬܰܢ
ywmthn em mthpkhm mts' wl' pwkhm' mn ywmk gyr hw rb
77
ܝܰܘܡܶܗ ܕܒܰܪ ܐܢܳܫܳܐ ܐܰܝܟ ܕܐܰܪܥܳܢܳܐ ܘܝܰܘܡܶܗ ܕܐܰܠܳܗܳܐ ܐܰܝܟ ܕܐܰܠܳܗܳܐ
d'lh' 'yk d'lh' wywmh d'ren' 'yk 'nsh' dbr ywmh
78
ܝܰܘܡܳܟ ܪܰܒ ܗܽܘ ܡܳܪܝ ܡܶܢ ܕܰܢܒܺܝ̈ܶܐ ܘܰܫܩܰܠܬ ܩܰܪܶܒܬܶܗ ܠܰܕܩܳܛܽܘܠܳܐ
ldqTwl' qrbthh wshqlth dnby' mn mry hw rb ywmk
79
ܝܳܕܰܥ ܐܰܢ̱ܬ ܗܽܘ ܡܳܪܝ ܐܰܝܟ ܝܳܕܰܥ ܟܽܠ ܕܬܶܫܡܰܥ ܦܽܘܚ̈ܳܡܶܐ ܕܦܰܚܶܡ ܠܶܫܳܢܝ
lshny dpkhm pwkhm' dthshme kl yde 'yk mry hw 'nth yde
80
ܝܰܘܡܳܟ ܢܶܬܶܠ ܠܰܢ ܫܶܐܠܰܬ [ܚ̈ܰـ]ـܝܶܐ ܕܝܰܘܡܶܗ ܕܗܰܘ ܝܳܗܶܒ ܫܶܐܠܰܬ ܡܰܘܬܳܐ
mwth' sh'lth yhb dhw dywmh khy' sh'lth ln nthl ywmk
81
ܝܺܡܳܐ ܒܥܰܕܥܺܕܶܗ ܡܰܠܟܳܐ ܣܢܺܝܩܳܐ ܕܦܶܠܓܳܗܿ ܕܡܰܠܟܽܘܬܶܗ ܬܗܶܐ ܐܰܓܰܪ ܪܰܩܕܳܐ
rqd' 'gr thh' dmlkwthh dplgh snyq' mlk' bededh ym'
82
ܥܺܐܕܳܟ ܕܶܝܢ ܕܺܝܠܳܟ ܐܳܘ ܡܰܥܬܰܪ ܟܽܘܠ ܢܶܬܪܳܐ ܕܦܰܪܟܽܘܟܳܐ ܒܙܶܕܩܳܐ ܢܶܫܕܶܐ
nshd' bzdq' dprkwk' nthr' kwl methr 'w dylk dyn e'dk
83
ܡܶܢ ܐܰܪܥܳܐ ܨܗܺܝܬܳܐ ܓܣܳܐ ܡܰܒܽܘܥܳܐ ܕܗܽܘ ܣܦܰܩ ܕܰܢܣܰܒܰܥ ܨܰܗܝܳܐ ܕܥܰܡ̈ܡܶܐ
demm' tshy' dnsbe spq dhw mbwe' gs' tshyth' 're' mn
84
ܡܶܢ ܥܽܘܒܳܐ ܒܬܽܘܠܳܐ ܐܰܝܟ ܡܶܢ ܫܽܘܥܳܐ ܫܘܰܚ ܙܰܪܥܳܐ ܕܡܶܢܶܗ ܗܘܰܝ̈ ܥ̈ܠܠܳܬܳܐ
ellth' hwy dmnh zre' shwkh shwe' mn 'yk bthwl' ewb' mn
85
ܐܰܘܨܪ̈ܶܐ ܕܠܳܐ ܡܶܢܝܳܢ ܡܠܳܐ ܗܘܳܐ ܝܰܘܣܶܦ ܘܐܶܣܬܰܦܰܩܘ ܘܐܰܘܦܺܝܘ ܒܰܫ̈ܢܰܝ ܟܰܦܢܳܐ
kpn' bshny w'wpyw w'sthpqw ywsp hw' ml' mnyn dl' 'wtsr'
86
ܚܕܳܐ ܫܒܶܠ ܩܽܘܫܬܳܐ ܝܶܗܒܰܬ ܠܰܚܡܳܐ ܠܰܚܡܳܐ ܫܡܰܝܳܢܳܐ ܕܠܳܐ ܡܶܣܬܰܝܰܟ
msthyk dl' shmyn' lkhm' lkhm' yhbth qwshth' shbl khd'
87
ܠܰܚܡܳܐ ܕܰܩܨܳܐ ܗܘܳܐ ܒܽܘܟܪܳܐ ܒܕܰܒܪܳܐ ܐܰܘܦܺܝ ܠܶܗ ܘܰܥܒܰܪ ܟܰܕ ܛܳܒ ܣܓܺܝ
sgy Tb kd webr lh 'wpy bdbr' bwkr' hw' dqts' lkhm'
88
ܗܦܰܟ ܬܽܘܒ ܘܰܩܨܳܐ ܗܘܳܐ ܠܰܚܡܳܐ ܚܰܕܬܳܐ ܕܕܳܪ̈ܶܐ ܘܫܰܪ̈ܒܳܬܳܐ ܠܳܐ ܡܰܘܦܶܝܢ ܠܶܗ
lh mwpyn l' wshrbth' ddr' khdth' lkhm' hw' wqts' thwb hpk
89
ܐܰܘܦܺܝܘ ܕܶܝܢ ܫܰܒܥܳܐ ܠܰܚܡܺܝ̈ܢ ܕܰܩܨܳܐ ܘܰܓܡܰܪܘ ܐܳܦ ܚܰܡܫܳܐ ܠܰܚ̈ܡܺܝܢ ܕܐܰܣܓܺܝ
d'sgy lkhmyn khmsh' 'p wgmrw dqts' lkhmyn shbe' dyn 'wpyw
90
ܚܰܕ ܠܰܚܡܳܐ ܕܰܩܨܳܐ ܙܟܳܗܿ ܠܰܒܪܺܝܬܳܐ ܕܰܟܡܳܐ ܕܡܶܬܦܰܠܰܓ ܡܶܣܓܳܐ ܣܳܓܶܐ
sg' msg' dmthplg dkm' lbryth' zkh dqts' lkhm' khd
91
ܡܠܳܐ ܬܽܘܒ ܐܰܓܳܢ̈ܶܐ ܚܰܡܪܳܐ ܪܰܒܳܐ ܙܰܠܥܽܘܗܝ ܗܘܰܘ ܘܐܰܘܦܺܝ ܟܰܕ ܣܰܓܺܝܰܐܐ ܗ̱ܘ
hw sgy'' kd w'wpy hww zlewhy rb' khmr' 'gn' thwb ml'
92
ܟܰܕ ܟܳܣܳܐ ܕܝܰܗܒ ܙܥܽܘܪ ܗܘܳܐ ܫܶܩܝܶܗ ܪܰܒ ܗܽܘ ܛܳܒ ܚܰܝܠܶܗ ܕܠܳܐ ܡܶܣܬܰܝܰܟ
msthyk dl' khylh Tb hw rb shqyh hw' zewr dyhb ks' kd
93
ܟܳܣܳܐ ܕܰܡܩܰܒܶܠ ܟܽܠ ܚܰܡܪ̈ܳܢܺܝܢ ܘܐܪܳܙܳܐ ܕܰܒܓܰܘܶܗ ܗܽܘܝܽܘ ܟܰܕ ܗܽܘ
hw kd hwyw dbgwh w'rz' khmrnyn kl dmqbl ks'
94
ܚܰܕ ܠܰܚܡܳܐ ܕܰܩܨܳܐ ܠܳܐ ܡܶܬܬܰܚܰܡ ܘܚܰܕ ܟܳܣܳܐ ܕܰܡܙܰܓ ܠܳܐ ܡܶܣܬܰܝܰܟ
msthyk l' dmzg ks' wkhd mththkhm l' dqts' lkhm' khd
95
ܚܶܛܬܳܐ ܕܐܶܙܕܰܪܥܰܬ ܠܝܰܘܡ̈ܶܐ ܬܠܳܬܳܐ ܣܶܠܩܰܬ ܘܰܡܠܳܬܶܗ ܠܐܰܘܨܰܪ ܚ̈ܰܝܶܐ
khy' l'wtsr wmlthh slqth thlth' lywm' d'zdreth khTth'
96
ܠܰܝܚܡܰܐ ܗ̱ܘ ܪܽܘܚܳܢܳܐ ܐܰܝܟ ܝܳܗܽܘܒܶܗ ܠܪ̈ܽܘܚܳܢܶܐ ܗܽܘ ܡܰܚܶܐ ܪܽܘܚܳܢܳܐܺܝܬ
rwkhn'yth mkh' hw lrwkhn' yhwbh 'yk rwkhn' hw lykhm'
97
ܘܐܰܝܢܳܐ ܕܢܳܣܶܒ ܠܶܗ ܦܰܓܪܳܢܳܐܺܝܬ ܫܺܝܥܳܐܺܝܬ ܢܳܣܶܒ ܠܶܗ ܦܰܓܪܳܢܳܐܺܝܬ
pgrn'yth lh nsb shye'yth pgrn'yth lh dnsb w'yn'
98
ܠܰܚܡܰܐ ܗ̱ܘ ܕܰܚܢܳܢܳܐ ܦܰܪܽܘܫܳܐܺܝܬ ܢܳܣܶܒ ܠܶܗ ܗܰܘܢܳܐ ܐܰܝܟ ܣܰܡ ܚ̈ܰܝܶܐ
khy' sm 'yk hwn' lh nsb prwsh'yth dkhnn' hw lkhm'
99
ܐܶܢ ܕܶܒܚ̈ܶܐ ܕܡܺܝ̈ܬܶܐ ܒܰܫܡܳܐ ܕܫܺܐܕ̈ܶܐ ܒܐܪܳܙܰܐ ܗ̱ܘ ܡܶܬܕܰܒܚܺܝܢ ܐܳܦ ܡܶܬܐܰܟܠܺܝܢ
mth'klyn 'p mthdbkhyn hw b'rz' dsh'd' bshm' dmyth' dbkh' 'n
100
ܠܩܽܘܕܫܳܐ ܕܦܽܘܪܫܳܢܳܐ ܟܡܳܐ ܙܳܕܶܩ ܠܰܢ ܕܐܪܳܙܶܗ ܙܰܗܝܳܐܺܝܬ ܢܶܫܬܰܡܰܫ ܒܰܢ
bn nshthmsh zhy'yth d'rzh ln zdq km' dpwrshn' lqwdsh'
101
ܕܐܳܟܶܠ ܡܶܢ ܕܶܒܚܳܐ ܒܰܫܡܳܐ ܕܫܺܐܕ̈ܶܐ ܫܺܐܕܳܢܰܐ ܗܳܘܶܐ ܕܠܳܐ ܚܶܪܝܳܢܳܐ
khryn' dl' hw' sh'dn' dsh'd' bshm' dbkh' mn d'kl
102
ܕܐܳܟܶܠ ܡܶܢ ܠܰܚܡܶܗ ܕܰܫܡܰܝܳܢܳܐ ܫܡܰܝܳܢܳܐ ܗܳܘܶܐ ܕܠܳܐ ܦܽܘܠܳܓܳܐ
pwlg' dl' hw' shmyn' dshmyn' lkhmh mn d'kl
103
ܡܰܠܶܦ ܠܰܢ ܚܰܡܪܳܐ ܕܐܰܟܘܳܬܶܗ ܗܽܘ ܥܳܒܶܕ ܠܶܗ ܠܐܰܝܢܳܐ ܕܡܶܬ[ܚܶܝܢ] ܒܶܗ
bh dmthkhyn l'yn' lh ebd hw d'kwthh khmr' ln mlp
104
ܣܳܢܶܐ ܓܶܝܪ ܣܰܓܺܝ ܠܰܕܪܳܚܶܡ ܠܶܗ ܕܡܰܪܘܶܐ ܘܰܡܫܰܢܶܐ ܠܶܗ ܘܰܡܒܰܙܰܚ ܒܶܗ
bh wmbzkh lh wmshn' dmrw' lh ldrkhm sgy gyr sn'
105
ܡܰܠܶܦ ܠܰܢ ܢܽܘܗܪܳܐ ܕܐܰܟܘܳܬܶܗ ܗܽܘ ܥܳܒܶܕ ܠܳܗܿ ܠܥܰܝܢܳܐ ܒܰܪܬ ܢܰܗܺܝܪܳܐ
nhyr' brth leyn' lh ebd hw d'kwthh nwhr' ln mlp
106
ܥܰܝܢܳܐ ܒܝܰܕ ܢܽܘܗܪܳܐ ܚܙܳܬ ܦܽܘܪܣܳܝܳܐ ܘܪܶܗܛܰܬ ܢܰܟܦܬܶܗ ܠܓܰܒܪܳܐ ܢܰܟܦܳܐ
nkp' lgbr' nkpthh wrhTth pwrsy' khzth nwhr' byd eyn'
107
ܗܽܘ ܗܰܘ ܦܽܘܪܣܳܝܳܐ ܚܰܡܰܪܐ ܗ̱ܘ ܥܰܒܕܶܗ ܕܐܳܦ ܠܳܐ ܥܰܠ ܢܰܟ̈ܦܶܐ ܝܺܕܰܥ ܕܢܶܚܽܘܣ
dnkhws yde nkp' el l' d'p ebdh hw khmr' pwrsy' hw hw
108
ܙܰܝܢܶܗ ܕܰܢܟܺܝܠܳܐ ܠܰܒܫܶܗ ܒܽܘܟܪܳܐ ܕܰܒܙܰܝܢܳܐ ܕܰܩܛܰܠ ܢܶܗܦܽܘܟ ܢܺܚܳܐ
nkh' nhpwk dqTl dbzyn' bwkr' lbshh dnkyl' zynh
109
ܒܩܰܝܣܳܐ ܕܩܰܛܠܰܢ ܒܶܗ ܒܶܗ ܐܶܬܦܰܨܺܝܢ ܒܚܰܡܪܳܐ ܕܰܡܫܰܢܶܐ ܠܰܢ ܒܶܗ ܐܬܶܿܢܰܟܰܦܢ
'thnkpn bh ln dmshn' bkhmr' 'thptsyn bh bh dqTln bqys'
110
ܒܐܶܠܥܳܐ ܕܡܶܢ ܐܳܕܳܡ ܐܶܫܬܰܡܛܰܬ ܗܘܳܬ ܒܳܗܿ ܫܰܡܛܶܗ ܒܺܝܫܳܐ ܠܶܒܶܗ ܕܐܳܕܳܡ
d'dm lbh bysh' shmTh bh hwth 'shthmTth 'dm dmn b'le'
111
ܕܢܰܚ ܡܶܢܳܗܿ ܕܐܶܠܥܳܐ ܚܰܝܠܳܐ ܟܰܣܝܳܐ ܕܦܰܣܩܶܗ ܠܣܳܛܳܢܳܐ ܐܰܝܟ ܕܠܰܕܓܽܘܢ
dldgwn 'yk lsTn' dpsqh ksy' khyl' d'le' mnh dnkh
112
ܒܗܳܝ ܓܶܝܪ ܩܺܒܽܘܬܳܐ ܣܶܦܪܳܐ ܟܣܳܐ ܒܳܗܿ ܕܩܳܥܶܐ ܘܡܰܟܪܶܙ ܗܘܳܐ ܥܰܠ ܙܰܟܳܝܳܐ
zky' el hw' wmkrz dqe' bh ks' spr' qbwth' gyr bhy
113
ܗܘܳܐ ܕܶܝܢ ܐܳܦ ܬܰܡܳܢ ܐܪܳܙܳܐ ܓܰܠܝܳܐ ܕܐܶܫܬܰܦܰܠ ܕܓܰܘܳܢ ܒܓܰܘ ܒܶܝܬ ܓܰܘܣܶܗ
gwsh byth bgw dgwn d'shthpl gly' 'rz' thmn 'p dyn hw'
114
ܐܶܬܳܐ ܠܶܗ ܫܽܘܡܠܳܝܳܐ ܒܳܬܰܪ ܐܪܳܙܳܐ ܕܐܶܫܬܰܦܰܠ ܒܺܝܫܳܐ ܒܶܝܬ ܬܽܘܟܠܳܢܶܗ
thwklnh byth bysh' d'shthpl 'rz' bthr shwmly' lh 'th'
115
ܒܪܺܝܟ ܗܽܘ ܗܰܘ ܕܐܶܬܳܐ ܘܫܰܠܶܡܘ ܗܘܰܘ ܒܶܗ ܐܪܳ̈ܙܶܐ ܕܣܶܡܳܠܳܐ ܘܰܕܝܰܡܺܝܢܳܐ
wdymyn' dsml' 'rz' bh hww wshlmw d'th' hw hw bryk
116
ܓܰܡܪܶܗ ܠܗܰܘ ܐܪܳܙܳܐ ܕܰܗܘܳܐ ܒܐܶܡܪܳܐ ܘܓܰܡܪܶܗ ܠܗܰܘ ܛܽܘܦܣܳܐ ܕܰܗܘܳܐ ܒܰܕܓܽܘܢ
bdgwn dhw' Twps' lhw wgmrh b'mr' dhw' 'rz' lhw gmrh
117
ܒܪܺܝܟ ܗܽܘ ܕܒܐܶܡܪܳܐ ܕܩܽܘܫܬܳܐ ܦܰܪܩܰܢ ܘܣܰܚܦܶܗ ܠܣܳܚܽܘܦܰܢ ܐܰܝܟ ܕܠܰܕܓܽܘܢ
dldgwn 'yk lskhwpn wskhph prqn dqwshth' db'mr' hw bryk
118
ܒܟܳܢܽܘܢ ܕܐܰܪ̈ܺܝܟܺܝܢ ܠܰܝܠܰܘ̈ܳܬܳܐ ܕܢܰܚ ܠܰܢ ܐܺܝܡܳܡܳܐ ܕܠܳܐ ܡܶܣܬܰܝܰܟ
msthyk dl' 'ymm' ln dnkh lylwth' d'rykyn bknwn
119
ܒܣܰܬܘܳܐ ܕܰܟܡܺܝܪܳܐ ܒܪܺܝܬܳܐ ܟܽܠܳܗܿ ܢܦܰܩ ܫܽܘܦܪܳܐ ܕܐܰܦܨܰܚ ܟܽܠ ܒܶܪ̈ܝܳܬܳܐ
bryth' kl d'ptskh shwpr' npq klh bryth' dkmyr' bsthw'
120
ܣܰܬܘܳܐ ܕܥܳܒܶܕ ܠܳܗܿ ܠܐܰܪܥܳܐ ܥܩܰܪܬܳܐ ܒܬܽܘܠܽܘܬܳܐ ܒܶܗ ܗܽܘ ܝܶܠܦܰܬ ܝܰܠܕܳܐ
yld' ylpth hw bh bthwlwth' eqrth' l're' lh debd sthw'
121
ܟܳܢܽܘܢ ܕܰܡܫܰܠܐ ܚܶܒܠܶܝ̈ܗܿ ܕܐܰܪܥܳܐ ܒܶܗ ܗܽܘ ܗܘܰܘ ܚܶܒ̈ܠܶܐ ܠܰܒܬܽܘܠܽܘܬܳܐ
lbthwlwth' khbl' hww hw bh d're' khblyh dmshl' knwn
122
ܐܶܡܪܳܐ ܫܳܪܽܘܝܳܐ ܠܳܐ ܐܢܳܫ ܠܽܘܩܕܰܡ ܚܳܙܶܐ ܠܶܗ ܐܶܠܳܐ ܪ̈ܳܥܰܘܳܬܳܐ
rewth' 'l' lh khz' lwqdm 'nsh l' shrwy' 'mr'
123
ܐܳܦ ܐܶܡܰܪ ܩܽܘܫܬܳܐ ܒܰܥܕܶܢ ܝܰܠܕܶܗ ܪܶܗܛܰܬ ܠܳܗܿ ܣܒܰܪܬܶܗ ܠܪ̈ܳܥܰܘܳܬܳܐ
lrewth' sbrthh lh rhTth yldh bedn qwshth' 'mr 'p
124
ܐܰܟܒܰܪ ܐܳܦ ܬܰܡܳܢ ܥܳܦ ܕܽܘܡܳܪܳܐ ܕܐܶܡܪܳܐ ܕܠܳܐ ܒܝܰܪܚܶܗ ܡܰܠܶܠ ܘܰܢܦܰܩ
wnpq mll byrkhh dl' d'mr' dwmr' ep thmn 'p 'kbr
125
ܕܐܶܡܪܳܐ ܕܠܳܐ ܒܙܰܒܢܶܗ ܢܗܶܐ ܟܳܪܽܘܙܳܐ ܠܗܰܘ ܐܶܡܪܳܐ ܕܒܰܛܢܶܗ ܠܰܘ ܕܰܟܝܳܢܰܐ ܗ̱ܘ
hw dkyn' lw dbTnh 'mr' lhw krwz' nh' bzbnh dl' d'mr'
126
ܚܙܳܝܗܝ ܕܺܐܒܳܐ ܣܳܒܳܐ ܠܐܶܡܰܪ ܚܰܠܒܳܐ ܘܐܰܩܢܶܛ ܡܶܢܶܗ ܕܰܡܫܰܓܢܰܝ ܗܘܳܐ
hw' dmshgny mnh w'qnT khlb' l'mr sb' d'b' khzyhy
127
ܕܰܠܒܼܶܫ ܓܶܝܪ ܕܺܐܒܳܐ ܠܒܽܘܫܳܐ ܕܥܶܪܒܳܐ ܗܘܳܐ ܠܶܗ ܪܳܥܶܐ ܟܽܠ ܐܶܡܪܳܐ ܒܥܳܢܳܐ
ben' 'mr' kl re' lh hw' derb' lbwsh' d'b' gyr dlbsh
128
ܕܡܳܐ ܕܰܣܥܳܐ ܝܰܥܢܳܐ ܥܰܠ ܡܰܟܺܝܟܳܐ ܢܰܨܪܝܘܗܝ ܥܰܙܺܝܙܳܐ ܠܗܰܘ ܒܳܠܽܘܥܳܐ
blwe' lhw ezyz' ntsrywhy mkyk' el yen' dse' dm'
129
ܩܽܘܕܳܫܳܐ ܫܪܳܐ ܒܟܰܪܣܳܐ ܦܰܓܪܳܢܳܐܺܝܬ ܘܗܳܐ ܫܪܳܐ ܒܬܰܪܥܺܝܬܳܐ ܪܽܘܚܳܢܳܐܺܝܬ
rwkhn'yth bthreyth' shr' wh' pgrn'yth bkrs' shr' qwdsh'
130
ܡܰܪܝܰܡ ܕܰܒܛܰܢܬܶܗ ܣܢܳܬ ܙܽܘܘܳܓܳܐ ܠܳܐ ܬܶܙܢܶܐ ܢܰܦܫܳܐ ܕܰܫܪܳܐ ܒܓܰܘܳܗܿ
bgwh dshr' npsh' thzn' l' zwwg' snth dbTnthh mrym
131
ܕܰܪܓܰܫܬܳܗܿ ܒܶܗ ܡܰܪܝܰܡ ܡܟܺܝܪܳܗܿ ܫܶܒܩܰܬ ܗܳܐ ܫܪܳܐ ܒܢܰܟܦ̈ܳܬܳܐ ܐܶܢ ܐܰܪܓܶܫ ܒܶܗ
bh 'rgsh 'n bnkpth' shr' h' shbqth mkyrh mrym bh drgshthh
132
ܠܳܐ ܡܰܪܓܶܫ ܚܰܪܫܳܐ ܒܪܰܥܡܳܐ ܪܰܒܳܐ ܐܳܦ ܠܳܐ ܡܰܪܳܚܳܐ ܒܩܳܠ ܦܽܘܩܕܳܢܳܐ
pwqdn' bql mrkh' l' 'p rb' brem' khrsh' mrgsh l'
133
ܒܗܺܝܠ ܗܽܘ ܓܶܝܪ ܚܰܫܳܐ ܒܰܥܕܶܢ ܦܰܩܚܳܐ ܘܰܒܗܺܝܠ ܡܰܪܳܚܳܐ ܒܩܳܠ ܙܽܘܗܳܪܳܐ
zwhr' bql mrkh' wbhyl pqkh' bedn khsh' gyr hw bhyl
134
ܠܚܰܪܫܳܐ ܐܶܢ ܓܰܢܚܶܗ ܪܰܥܡܳܐ ܕܚܺܝܠܳܐ ܠܛܰܡܐܳܐ ܐܶܢ ܬܰܟܒܶܗ ܪܽܘܓܙܳܐ ܕܚܺܝܠܳܐ
dkhyl' rwgz' thkbh 'n lTm'' dkhyl' rem' gnkhh 'n lkhrsh'
135
ܚܰܪܫܳܐ ܕܠܳܐ ܫܳܡܰܥ ܠܰܘ ܡܰܪܫܽܘܬܳܐ ܗ̱ܝ ܐܰܝܢܳܐ ܕܡܕܳܫ ܕܶܝܢ ܡܰܪܳܚܽܘܬܳܐ ܗ̱ܝ
hy mrkhwth' dyn dmdsh 'yn' hy mrshwth' lw shme dl' khrsh'
136
ܡܶܢ ܙܒܰܢ ܕܶܝܢ ܠܰܙܒܰܢ ܗܳܘܶܐ ܪܰܥܡܳܐ ܩܳܠܶܗ ܕܢܳܡܽܘܣܳܐ ܟܽܠܝܽܘܡ ܪܳܥܶܡ
rem klywm dnmws' qlh rem' hw' lzbn dyn zbn mn
137
ܠܳܐ ܢܶܣܟܰܪ ܐܶܕܢܰܝ̈ܢ ܕܰܡܩܰܛܪܶܓ ܠܰܢ ܦܬܳܚ̈ܶܐ ܕܰܦܬܺܝܚܺܝܢ ܘܠܳܐ ܡܶܬܬܰܚܕܶܝܢ
mththkhdyn wl' dpthykhyn pthkh' ln dmqTrg 'dnyn nskr l'
138
ܬܰܪܥܳܐ ܕܡܰܫܡܰܥܬܳܐ ܦܬܺܝܚ ܒܰܟܝܳܢܳܐ ܕܒܰܩܛܺܝܪܶܗ ܢܟܰܣ ܡܰܪܳܚܽܘܬܰܢ
mrkhwthn nks dbqTyrh bkyn' pthykh dmshmeth' thre'
139
ܬܰܪ̈ܥܶܐ [ܕܒܳܒ̈ܳܬܳܐ] ܘܰܬܪܰܥ ܦܽܘܡܳܐ ܡܶܫܟܰܚ ܨܶܒܝܳܢܳܐ ܦܳܬܰܚ ܘܐܳܚܶܕ
w'khd pthkh tsbyn' mshkkh pwm' wthre dbbth' thre'
140
ܢܶܚܙܶܐ - ܝܰܗܒ ܠܰܢ ܛܳܿܒܳܐ ܕܢܶܫܡܰܥ -- ܕܢܶܬܬܰܚܕܽܘܢ ----
---- dnththkhdwn -- dnshme Tb' ln yhb - nkhz'
142
ܫܽܘܒܚܳܐ ܠܗܰܘ ܩܳܠܳܐ ܕܰܗܘܳܐ ܓܽܘܫܡܳܐ ܘܰܠܡܶܠܰܬ ܪܳܡܳܐ ܕܰܗܘܳܬ ܦܰܓܪܳܐ
pgr' dhwth rm' wlmlth gwshm' dhw' ql' lhw shwbkh'
143
ܫܰܡܥܶܝ̈ܗܝ ܐܳܦ ܐܶܕ̈ܢܶܐ ܚ̈ܙܰܝܳܝܗܝ ܥܰܝ̈ܢܶܐ ܡܳܫܳܝ̈ܗܝ ܐܳܦ ܐܺܝ̈ܕܶܐ ܘܐܰܟܠܶܗ ܦܽܘܡܳܐ
pwm' w'klh 'yd' 'p mshyhy eyn' khzyyhy 'dn' 'p shmeyhy
144
ܗܰܕܳܡ̈ܶܐ ܘܪ̈ܶܓܫܶܐ ܗܰܒܘ ܬܰܘܕܺܝܬܳܐ ܠܗܰܘ ܕܐܶܬܳܐ ܘܐܰܚܺܝ ܟܽܠܶܗ ܓܽܘܫܡܳܐ
gwshm' klh w'khy d'th' lhw thwdyth' hbw wrgsh' hdm'
145
ܛܥܺܝܢܳܐ ܗܘܳܬ ܡܰܪܝܰܡ ܥܽܘܠܳܐ ܫܰܠܝܳܐ ܟܰܕ ܒܶܗ ܗܽܘ ܟܣܶܝܢ ܗܘܰܘ ܟܽܠ ܠܶܫܳܢܺܝ̈ܢ
lshnyn kl hww ksyn hw bh kd shly' ewl' mrym hwth Teyn'
146
ܛܥܺܝܢ ܗܘܳܐ ܠܶܗ ܝܰܘܣܶܦ ܘܟܣܐ ܗܘܐ ܒܗ ܟܝܳܢܳܐ ܫܰܬܺܝܩܳܐ ܕܡܶܢ ܟܽܠ ܩܰܫܺܝܫ
qshysh kl dmn shthyq' kyn' bh hw' wks' ywsp lh hw' Teyn
147
ܪܳܡܳܐ ܗܘܳܐ ܐܰܝܟ ܫܰܒܪܳܐ ܘܰܟܣܶܐ ܗܘܳܐ ܒܶܗ ܓܰܙܳܐ ܕܚܶܟܡ̈ܳܬܳܐ ܕܰܠܟܽܠ ܣܳܦܶܩ
spq dlkl dkhkmth' gz' bh hw' wks' shbr' 'yk hw' rm'
148
ܪܳܡܶܐ ܗܘܳܐ ܘܝܳܢܶܩ ܗܘܳܐ ܚܰܠܒܳܗܿ ܕܡܰܪܝܰܡ ܘܝ̈ܳܢܩܳܢ ܡܶܢ ܛܽܘܒܶܗ ܟܽܘܠ ܒܶܪ̈ܝܳܬܳܐ
bryth' kwl Twbh mn wynqn dmrym khlbh hw' wynq hw' rm'
149
ܗܽܘܝܽܘ ܬܕܳܐ ܚܰܝܳܐ ܕܣܰܘܩܳܐ ܚܰܝܳܐ ܐܰܝܢܶܩܘ ܡܶܢ ܚܰܝ̈ܰܘܗܝ ܡܺܝ̈ܬܶܐ ܘܰܚܝܰܘ
wkhyw myth' khywhy mn 'ynqw khy' dswq' khy' thd' hwyw
150
ܕܠܳܐ ܣܰܘܩܳܐ ܕܐܳܐܰܪ ܠܳܐ ܐܢܳܫ ܚܳܝܶܐ ܕܠܳܐ ܚܰܝܠܶܗ ܕܰܒܪܳܐ ܠܳܐ ܐܢܳܫ ܩܳܐܶܡ
q'm 'nsh l' dbr' khylh dl' khy' 'nsh l' d''r swq' dl'
151
ܒܣܰܘܩܶܗ ܗܽܘ ܚܰܝܳܐ ܕܗܰܘ ܡܰܚܶܐ ܟܽܠ ܬܰܠܝ̈ܳܢ ܢܶܫܡ̈ܳܬܳܐ ܕܰܠܥܶܠ ܘܕܰܠܬܰܚܬ
wdlthkhth dlel nshmth' thlyn kl mkh' dhw khy' hw bswqh
152
ܟܰܕ ܟܺܝܬ ܝܺܢܶܩ ܗܘܳܐ ܚܰܠܒܳܗܿ ܕܡܰܪܝܰܡ ܗܽܘܝܽܘ ܡܰܝܢܶܩ ܗܘܳܐ ܚܰܝ̈ܶܐ ܠܟܽܘܠܳܐ
lkwl' khy' hw' mynq hwyw dmrym khlbh hw' ynq kyth kd
153
ܟܰܕ ܬܽܘܒ ܫܪܳܐ ܗܘܳܐ ܒܥܽܘܒܳܐ ܕܐܶܡܶܗ ܒܥܽܘܒܶܗ ܫܰܪ̈ܝܳܢ ܗܘܰܝ̈ ܟܽܘܠ ܒܶܪ̈ܝܳܬܳܐ
bryth' kwl hwy shryn bewbh d'mh bewb' hw' shr' thwb kd
154
ܫܠܳܐ ܗܘܳܐ ܐܰܝܟ ܥܽܘܠܳܐ ܘܗܽܘ ܦܳܩܶܕ ܗܘܳܐ ܠܟܽܠܗܶܝܢ ܒܶܪ̈ܝܳܬܳܐ ܟܽܠ ܦܽܘܩܕ̈ܳܢܰܘܗܝ
pwqdnwhy kl bryth' lklhyn hw' pqd whw ewl' 'yk hw' shl'
155
ܒܶܠܥܳܕ ܓܶܝܪ ܒܽܘܟܪܳܐ ܠܳܐ ܐܢܳܫ ܡܶܫܟܰܚ ܩܰܪܶܒ ܠܐܺܝܬܽܘܬܳܐ ܕܗܽܘ ܣܳܦܶܩ ܠܳܗܿ
lh spq dhw l'ythwth' qrb mshkkh 'nsh l' bwkr' gyr bled
156
ܬܠܳܬܺܝܢ ܟܺܝܬ ܫ̈ܢܺܝܢ ܕܰܗܘܳܐ ܒܐܰܪܥܳܐ ܡܰܢܽܘ ܡܕܰܒܰܪ ܗܘܳܐ ܟܽܠ ܒܶܪ̈ܝܳܬܳܐ
bryth' kl hw' mdbr mnw b're' dhw' shnyn kyth thlthyn
157
ܡܰܢܽܘ ܡܩܰܒܶܠ ܗܘܳܐ ܟܽܘܠ ܩܽܘܪ̈ܒܳܢܺܝܢ ܫܽܘܒܚܳܐ ܕܥܶܠܳܝ̈ܶܐ ܘܰܕܬܰܚ̈ܬܳܝܶܐ
wdthkhthy' dely' shwbkh' qwrbnyn kwl hw' mqbl mnw
158
ܟܽܠܶܗ ܒܥܽܘܡܩܳܐ ܗܘܳܐ ܘܟܽܠܶܗ ܒܪܰܘܡܳܐ ܟܽܠܶܗ ܨܶܝܕ ܟܽܠ ܗܘܳܐ ܘܟܽܠܶܗ ܨܶܝܕ ܚܰܕ
khd tsyd wklh hw' kl tsyd klh brwm' wklh hw' bewmq' klh
159
ܦܰܓܪܶܗ ܒܓܰܘ ܟܰܪܣܶܗ ܟܰܕ ܡܶܨܛܰܝܰܪ ܚܰܝܠܶܗ ܡܪܰܟܶܒ ܗܘܳܐ ܟܽܠ ܗܰܕܳܡܺܝ̈ܢ
hdmyn kl hw' mrkb khylh mtsTyr kd krsh bgw pgrh
160
ܟܰܕ ܡܶܬܨܺܝܪ ܒܰܛܢܳܐ ܕܰܒܪܳܐ ܒܟܰܪܣܳܐ ܗܽܘܝܽܘ ܨܳܐܶܪ ܗܘܳܐ ܥܽܘ̈ܠܶܐ ܒܟܰܪܣܳܐ
bkrs' ewl' hw' ts'r hwyw bkrs' dbr' bTn' mthtsyr kd
161
ܟܰܕ ܡܶܬܨܺܝܪ ܒܰܛܢܳܐ ܕܰܒܪܳܐ ܒܟܰܪܣܳܐ ܗܽܘܝܽܘ ܨܳܐܶܪ ܗܘܳܐ ܥܽܘ̈ܠܶܐ ܒܟܰܪܣܳܐ
bkrs' ewl' hw' ts'r hwyw bkrs' dbr' bTn' mthtsyr kd
162
ܠܰܘ ܬܽܘܒ ܐܰܝܟ ܕܰܡܚܺܝܠ ܦܰܓܪܶܗ ܒܩܰܝܣܳܐ ܗܳܟܰܢܳܐ ܡܚܺܝܠ ܗܘܳܐ ܚܰܝܠܶܗ ܒܩܰܝܣܳܐ
bqys' khylh hw' mkhyl hkn' bqys' pgrh dmkhyl 'yk thwb lw
163
ܟܰܕ ܓܶܝܪ ܥܰܠ ܩܰܝܣܳܐ ܗܽܘ ܡܺܝ̈ܬܶܐ ܐܰܚܺܝ ܦܰܓܪܶܗ ܐܰܚܺܝ ܐܶܢܽܘܢ ܐܳܘ ܨܶܒܝܳܢܶܗ
tsbynh 'w 'nwn 'khy pgrh 'khy myth' hw qys' el gyr kd
164
ܗܳܟܰܢ ܟܰܕ ܟܽܠܶܗ ܫܪܳܐ ܗܘܳܐ ܒܟܰܪܣܳܐ ܨܶܒܝܳܢܶܗ ܟܰܣܝܳܐ ܟܽܠ ܣܳܥܰܪ ܗܘܳܐ
hw' ser kl ksy' tsbynh bkrs' hw' shr' klh kd hkn
165
ܚܙܺܝ ܓܶܝܪ ܕܟܽܘܠܶܗ ܒܩܰܝܣܳܐ ܬܠܶܐ ܗܘܳܐ ܚܰܝܠܶܗ ܕܶܝܢ ܐܰܙܺܝܥ ܟܽܠ ܒܶܪ̈ܝܳܬܳܐ
bryth' kl 'zye dyn khylh hw' thl' bqys' dkwlh gyr khzy
166
ܐܰܚܫܶܟ ܓܶܝܪ ܫܶܡܫܳܐ ܘܐܰܙܺܝܥ ܐܰܪܥܳܐ ܨܰܪܺܝ ܗܘܳܐ ܩܰܒܪ̈ܶܐ ܘܐܰܦܶܩ ܡܺܝ̈ܬܶܐ
myth' w'pq qbr' hw' tsry 're' w'zye shmsh' gyr 'khshk
167
ܚܙܺܝ ܟܺܝܬ ܕܟܽܠܶܗ ܒܰܙܩܺܝܦܳܐ ܗܘܳܐ ܟܰܕ ܬܽܘܒ ܐܺܝܬܰܘܗܝ ܗܘܳܐ ܟܽܘܠܶܗ ܨܶܝܕ ܟܽܘܠ
kwl tsyd kwlh hw' 'ythwhy thwb kd hw' bzqyp' dklh kyth khzy
168
ܗܳܟܰܢ ܐܺܝܬܰܘܗܝ ܗܘܳܐ ܟܽܘܠܶܗ ܒܟܰܪܣܳܐ ܟܰܕ ܬܽܘܒ ܐܺܝܬܰܘܗܝ ܗܘܳܐ ܟܽܠܶܗ ܒܟܽܘܠܳܐ
bkwl' klh hw' 'ythwhy thwb kd bkrs' kwlh hw' 'ythwhy hkn
169
ܟܰܕ ܟܺܝܬ ܒܰܙܩܺܝܦܰܐ ܗ̱ܘ ܡܺܝ̈ܬܶܐ ܐܰܚܺܝ ܗܳܟܰܢ ܟܰܕ ܥܽܘܠܰܐ ܗ̱ܘ ܨܳܐܰܪ ܥ̈ܘܠܶܐ ܗ̱ܘ
hw ewl' ts'r hw ewl' kd hkn 'khy myth' hw bzqyp' kyth kd
170
ܟܰܕ ܗܽܘ ܩܛܺܝܠܳܐ ܗܘܳܐ ܩܰܒܪ̈ܶܐ ܦܳܬܰܚ ܟܰܕ ܗܽܘ ܒܟܰܪܣܳܐ ܗܘܳܐ ܦܬܰܚ ܟܰܪ̈ܣܳܬܳܐ
krsth' pthkh hw' bkrs' hw kd pthkh qbr' hw' qTyl' hw kd
171
ܬܰܘ ܫܡܰܥܘ ܚܰܒܪ̈ܰܝ ܥܰܠ ܒܰܪ ܟܰܣܝܳܐ ܕܰܓܳܠܳܐ ܗܘܳܐ ܒܦܰܓܪܶܗ ܘܰܟܣܶܐ ܚܰܝܠܶܗ
khylh wks' bpgrh hw' dgl' ksy' br el khbry shmew thw
172
ܚܰܝܠܶܗ ܓܶܝܪ ܕܰܒܪܳܐ ܚܰܝܠܰܐ ܗ̱ܘ ܫܰܪܝܳܐ ܠܳܐ ܚܒܰܫܬܶܗ ܟܰܪܣܳܐ ܐܰܝܟ ܕܰܠܦܰܓܪܳܐ
dlpgr' 'yk krs' khbshthh l' shry' hw khyl' dbr' gyr khylh
173
ܟܰܕ ܗܽܘ ܓܶܝܪ ܚܰܝܠܳܐ ܫܪܳܐ ܗܘܳܐ ܒܟܰܪܣܳܐ ܗܽܘܝܽܘ ܨܳܐܰܪ ܗܘܳܐ ܥܽܘ̈ܠܶܐ ܒܟܰܪܣܳܐ
bkrs' ewl' hw' ts'r hwyw bkrs' hw' shr' khyl' gyr hw kd
174
ܚܰܝܠܶܗ ܥܰܦܺܝܩ ܗܘܳܐ ܠܳܗܿ ܠܗܳܝ ܕܥܰܦܶܩܬܶܗ ܕܐܶܢ ܩܳܦܶܣ ܚܰܝܠܶܗ ܢܳܦܶܠ ܠܶܗ ܟܽܠ
kl lh npl khylh qps d'n depqthh lhy lh hw' epyq khylh
175
ܚܰܝܠܳܐ ܟܺܝܬ ܕܐܰܚܺܝܕ ܟܽܠ ܒܶܪ̈ܝܳܬܳܐ ܟܰܕ ܗܽܘ ܒܓܰܘ ܟܰܪܣܳܐ ܗܽܘ ܠܳܐ ܐܰܪܦܺܝ ܟܽܠ
kl 'rpy l' hw krs' bgw hw kd bryth' kl d'khyd kyth khyl'
176
ܨܳܪ ܗܘܳܐ ܠܰܩܢܽܘܡܶܗ ܨܰܠܡܳܐ ܒܟܰܪܣܳܐ ܘܨܳܪ ܗܘܳܐ ܒܟܽܠ ܟܰܪ̈ܣܳܢ ܟܽܠ ܦܰܪ̈ܨܽܘܦܺܝܢ
prtswpyn kl krsn bkl hw' wtsr bkrs' tslm' lqnwmh hw' tsr
177
ܟܰܕ ܗܽܘ ܡܶܬܪܰܒܶܐ ܒܶܝܬ ܡܶܣ̈ܟܺܢܶܐ ܡܶܢ ܐܰܘܨܰܪ ܣܰܒܥܳܐ ܠܟܽܠ ܙܳܐܶܢ ܗܘܳܐ
hw' z'n lkl sbe' 'wtsr mn mskn' byth mthrb' hw kd
178
ܟܰܕ ܬܽܘܒ ܡܫܰܚܬܶܗ ܗܳܝ ܕܰܡܫܰܚܬܶܗ ܒܰܛܠܶܗ ܘܰܒܡܶܛܪܶܗ ܠܟܽܠ ܡܳܫܰܚ ܗܘܳܐ
hw' mshkh lkl wbmTrh bTlh dmshkhthh hy mshkhthh thwb kd
179
ܡܓܽܘ̈ܫܶܐ ܩܰܪܶܒܘ ܗܘܰܘ ܡܽܘܪܳܐ ܘܕܰܗܒܳܐ ܟܰܕ ܒܶܗ ܟܣܶܐ ܗܘܳܬ ܣܺܝܡܰܬ ܥܽܘܬܪܳܐ
ewthr' symth hwth ks' bh kd wdhb' mwr' hww qrbw mgwsh'
180
ܡܽܘܪܳܐ ܘܗܶܪ̈ܽܘܡܶܐ ܕܐܰܟܺܝܢ ܘܰܒܪܳܐ ܩܰܪܶܒܘ ܠܶܗ ܡܓܽܘ̈ܫܶܐ ܠܶܗ ܡܶܢ ܕܺܝܠܶܗ
dylh mn lh mgwsh' lh qrbw wbr' d'kyn whrwm' mwr'
181
ܒܚܰܝܠܰܐ ܗ̱ܘ ܕܡܶܢܶܗ ܣܶܦܩܰܬ ܡܰܪܝܰܡ ܕܢܶܛܥܰܢ ܗܘܳܐ ܥܽܘܒܳܗܿ ܠܗܰܘ ܕܰܛܥܺܝܢ ܟܽܠ
kl dTeyn lhw ewbh hw' dnTen mrym spqth dmnh hw bkhyl'
182
ܡܶܢ ܓܰܙܳܐ ܪܰܒܳܐ ܕܟܽܠ ܒܶܪ̈ܝܳܬܳܐ ܝܶܗܒܰܬ ܠܶܗ ܡܰܪܝܰܡ ܟܽܠ ܡܳܐ ܕܝܶܗܒܰܬ
dyhbth m' kl mrym lh yhbth bryth' dkl rb' gz' mn
183
ܝܶܗܒܰܬ ܠܶܗ ܚܰܠܒܳܐ ܡܶܢ ܗܰܘ ܕܐܰܟܝܰܢ ܝܶܗܒܰܬ ܠܶܗ ܐܽܘܟܠܳܐ ܡܶܢ ܗܰܘ ܕܰܒܪܳܐ
dbr' hw mn 'wkl' lh yhbth d'kyn hw mn khlb' lh yhbth
184
ܝܰܗܒ ܚܰܠܒܳܐ ܠܡܰܪܝܰܡ ܐܰܝܟ ܐܰܠܳܗܳܐ ܗܦܰܟ ܝܰܢܩܶܗ ܡܶܢܳܗܿ ܐܰܝܟ ܒܰܪ ܐܢܳܫܳܐ
'nsh' br 'yk mnh ynqh hpk 'lh' 'yk lmrym khlb' yhb
185
ܛܰܥܢܳܝܗܝ ܗ̈ܘܰܝ ܐܺܝܕ̈ܶܝܗܿ ܕܐܰܩܶܠ ܥܽܘܙܶܗ ܘܥܰܦܶܩܬܶܗ ܟܰܢܦܳܗܿ ܕܐܰܙܥܰܪ ܢܰܦܫܶܗ
npshh d'zer knph wepqthh ewzh d'ql 'ydyh hwy Tenyhy
186
ܡܶܬܚܳܐ ܕܪܰܒܽܘܬܶܗ ܡܰܢ ܡܶܫܟܰܚ ܗܘܳܐ ܟܪܺܝ ܡܽܘܫ̈ܚܳܬܶܗ ܨܶܝܕ ܬܰܟܣܺܝܬܳܐ
thksyth' tsyd mwshkhthh kry hw' mshkkh mn drbwthh mthkh'
187
ܙܶܩܪܰܬ ܘܐܰܠܒܶܫܬܶܗ ܕܫܰܠܰܚ ܫܽܘܒܚܶܗ ܡܶܫܚܰܬ ܙܶܩܪܰܬ ܠܶܗ ܕܟܪܺܝ ܢܰܦܫܶܗ
npshh dkry lh zqrth mshkhth shwbkhh dshlkh w'lbshthh zqrth
188
ܝܰܡܳܐ ܛܰܥܢܶܗ ܗܘܳܐ ܫܠܺܝ ܘܐܶܫܬܰܗܺܝ ܘܐܰܝܟܰܢ ܟܰܝ ܛܰܥܢܶܗ ܥܽܘܒܶܗ ܕܝܰܘܣܶܦ
dywsp ewbh Tenh ky w'ykn w'shthhy shly hw' Tenh ym'
189
ܒܛܰܢܬܶܗ ܘܐܶܨܛܰܪܝܰܬ ܟܰܪܣܳܗܿ ܕܰܫܝܽܘܠ ܘܐܰܝܟܰܢ ܣܰܝܒܰܪܬܶܗ ܟܰܪܣܳܗܿ ܕܡܰܪܝܰܡ
dmrym krsh sybrthh w'ykn dshywl krsh w'tsTryth bTnthh
190
ܟܺܐܦ̈ܶܐ ܕܥܰܠ ܩܰܒܪ̈ܶܐ ܒܩܳܠܶܗ ܨܪܺܝ ܘܐܰܝܟܰܢ ܣܰܝܒܰܪܬܶܗ ܟܶܢܦܳܐ ܕܡܰܪܝܰܡ
dmrym knp' sybrthh w'ykn tsry bqlh qbr' del k'p'
191
ܐܶܬܺܝܬ ܠܡܽܘܟܳܟܳܐ ܕܰܠܟܽܠ ܬܺܚܶܐ ܫܽܘܒܚܳܐ ܠܳܟ ܡܶܢ ܟܽܠ ܕܰܚܝܰܘ ܒܺܐܝܕܳܟ
b'ydk dkhyw kl mn lk shwbkh' thkh' dlkl lmwkk' 'thyth
192
ܡܰܢܽܘ ܡܨܶܐ ܕܢܺܐܡܰܪ ܥܰܠ ܒܰܪ ܟܰܣܝܳܐ ܕܰܢܚܶܬ ܘܐܶܬܥܰܛܰܦ ܦܰܓܪܳܐ ܒܟܰܪܣܳܐ
bkrs' pgr' w'theTp dnkhth ksy' br el dn'mr mts' mnw
193
ܢܦܰܩ ܗܘܳܐ ܘܐܰܝܟ ܥܽܘܠܳܐ ܐܰܝܢܶܩ ܚܰܠܒܳܐ ܘܒܶܝܬ ܫܰܒܪ̈ܶܐ ܫܳܦܶܦ ܒܰܪ ܡܳܪܶܐ ܟܽܠ
kl mr' br shpp shbr' wbyth khlb' 'ynq ewl' w'yk hw' npq
194
ܒܫܽܘܩܳܐ ܐܰܝܟ ܫܰܒܪܳܐ ܚܳܙܶܝܢ ܗܘܰܘ ܠܶܗ ܟܰܕ ܫܰܪܝܳܐ ܗܘܳܬ ܒܶܗ ܪܶܚܡܰܬ ܟܽܘܠܳܐ
kwl' rkhmth bh hwth shry' kd lh hww khzyn shbr' 'yk bshwq'
196
ܦܨܺܝܚ ܗܘܳܐ ܨܶܝܕ ܫܰܒܪ̈ܶܐ ܐܰܝܟ ܝܰܠܽܘܕܳܐ ܕܚܺܝܠ ܗܘܳܐ ܨܶܝܕ ܥܺܝܪ̈ܶܐ ܐܰܝܟ ܦܳܩܽܘܕܳܐ
pqwd' 'yk eyr' tsyd hw' dkhyl ylwd' 'yk shbr' tsyd hw' ptsykh
197
ܕܚܺܝܠ ܗܘܳܐ ܠܝܽܘܚܰܢܳܢ ܕܢܶܫܪܶܐ ܡܣܳܢܰܘ̈ܗܝ ܚܘܺܝܚ ܗܘܳܐ ܠܚܰܛܳܝ̈ܶܐ ܕܰܢܫܰܩܘ ܪ̈ܶܓܠܰܘܗܝ
rglwhy dnshqw lkhTy' hw' khwykh msnwhy dnshr' lywkhnn hw' dkhyl
198
ܥܺܝܪ̈ܶܐ ܐܰܝܟ ܥܺܝܪ̈ܶܐ ܚܳܙܶܝܢ ܗܘܰܘ ܠܶܗ ܒܡܽܘܫܚܳܬ ܐܺܝܕܰܥܬܶܗ ܟܽܠ ܐܢܳܫ ܚܙܳܝܗܝ
khzyhy 'nsh kl 'ydethh bmwshkhth lh hww khzyn eyr' 'yk eyr'
199
ܒܐܰܒܽܘܗܝ ܗܽܘ ܒܰܠܚܽܘܕ ܐܺܝܬܰܘܗܝ ܟܰܝܠܳܐ ܫܠܳܡܳܐ ܕܺܝܕܰܥܬܶܗ ܕܝܳܕܰܥ ܕܰܟܡܳܐ ܗܽܘ
hw dkm' dyde dydethh shlm' kyl' 'ythwhy blkhwd hw b'bwhy
200
ܒܟܰܝ̈ܠܺܝܢ ܕܶܝܢ ܟܰܝ̈ܠܺܝܢ ܩܢܶܝܢ ܝܺܕܰܥܬܶܗ ܟܝܳܢ̈ܶܐ ܕܥܶܠܳܝ̈ܶܐ ܥܰܡ ܬܰܚ̈ܬܳܝܶܐ
thkhthy' em dely' kyn' ydethh qnyn kylyn dyn bkylyn
201
ܗܽܘܝܽܘ ܡܳܪܶܐ ܟܽܠ ܝܳܗܶܒ ܠܰܢ ܟܽܠ ܘܗܽܘܝܽܘ ܡܰܥܬܰܪ ܟܽܠ ܝܳܙܶܦ ܡܶܢ ܟܽܠ
kl mn yzp kl methr whwyw kl ln yhb kl mr' hwyw
202
ܗܽܘܝܽܘ ܝܳܗܶܒ ܟܽܠ ܐܰܝܟ ܠܳܐ ܣܢܺܝܩܳܐ ܘܗܳܦܶܟ ܝܳܙܶܦ ܟܽܠ ܐܰܝܟ ܚܰܣܺܝܪܳܐ
khsyr' 'yk kl yzp whpk snyq' l' 'yk kl yhb hwyw
203
ܝܰܗܒ ܒܰܩܪ̈ܶܐ ܘܥܶܪ̈ܒܶܐ ܐܰܝܟ ܒܳܪܽܘܝܳܐ ܗܦܰܟ ܘܫܰܐܶܠ ܕܶܒܚ̈ܶܐ ܐܰܝܟ ܚܰܣܺܝܪܳܐ
khsyr' 'yk dbkh' wsh'l hpk brwy' 'yk werb' bqr' yhb
204
ܥܒܰܕ ܡܰܝ̈ܳܐ ܚܰܡܪܳܐ ܐܰܝܟ ܥܳܒܽܘܕܳܐ ܗܦܰܟ ܐܶܫܬܺܝ ܡܶܢܶܗ ܐܰܝܟ ܡܶܣܟܺܢܳܐ
mskn' 'yk mnh 'shthy hpk ebwd' 'yk khmr' my' ebd
205
ܡܶܢ ܕܺܝܠܶܗ ܡܙܰܓ ܠܶܗ ܒܶܝܬ ܡܶܫܬܽܘܬܳܐ ܚܰܡܪܶܗ ܡܙܰܓ ܐܰܫܩܺܝ ܟܰܪ ܕܐܶܙܕܰܡܰܢ
d'zdmn kr 'shqy mzg khmrh mshthwth' byth lh mzg dylh mn
206
ܒܚܽܘܒܶܗ ܗܽܘ ܝܺܪܶܒ ܫܶܡܥܽܘܢ ܣܳܒܳܐ ܕܰܩܪܶܒ ܡܳܝܽܘܬܳܐ ܠܗܰܘ ܡܰܚܶܐ ܟܽܠ
kl mkh' lhw mywth' dqrb sb' shmewn yrb hw bkhwbh
207
ܒܚܰܝܠܰܐ ܗ̱ܘ ܕܡܶܢܶܗ ܛܰܥܢܶܗ ܫܶܡܥܽܘܢ ܗܽܘܝܽܘ ܡܩܰܪܒܳܢܶܗ ܐܶܬܩܰܪܰܒ ܒܶܗ
bh 'thqrb mqrbnh hwyw shmewn Tenh dmnh hw bkhyl'
208
ܝܰܗܒ ܗܘܳܐ ܣܝܳܡ ܐܺܝܕܳܐ ܠܡܽܘܫܶܐ ܒܛܽܘܪܳܐ ܘܫܰܩܠܳܗܿ ܒܓܰܘ ܢܰܗܪܳܐ ܡܶܢ ܝܽܘܚܰܢܳܢ
ywkhnn mn nhr' bgw wshqlh bTwr' lmwsh' 'yd' sym hw' yhb
209
ܒܚܰܝܠܳܐ ܕܡܰܘܗܰܒܬܶܗ ܣܰܦܶܩ ܝܽܘܚܰܢܳܢ ܘܐܰܥܡܶܕ ܐܰܪܥܳܢܳܐ ܠܰܫـ[ـܡܰܝܳܢܳܐ]
lshmyn' 'ren' w'emd ywkhnn spq dmwhbthh bkhyl'
210
ܒܚܰܝܠܰܐ ܗ̱ܘ ܕܡܶܢܶܗ ܛܥܰܢܬܶܗ ܐܰܪܥܳܐ ܐܶܙܰܠܬܝ ܕܬܶܫܬܪܶܐ ܘܚܰܙܩܳܗܿ ܚܰܝܠܶܗ
khylh wkhzqh dthshthr' 'zlthy 're' Tenthh dmnh hw bkhyl'
211
ܡܳܪܬܳܐ ܕܡܶܢ ܕܺܝܠܶܗ ܐܰܘܟܶܠܬܶܗ ܗܘܳܬ ܛܳܥܽܘ̈ܡܶܐ ܕܒܳܪ̈ܶܝܢ ܠܶܗ ܣܳܡܰܬ ܩܽܘܕܡܰܘܗܝ
qwdmwhy smth lh dbryn Tewm' hwth 'wklthh dylh dmn mrth'